كرسي الاعتراف الجزء التاني

تذكير بمساهمة فاتح الموضوع :

.::+[ كرسي الإعتراف ]+::.

وهو عبارة عن كرسي يجلس فيه العضو لمدة اسبوع...

ويتمــ طرح عليه الاسئلة من قبل الاعضاء والموجودين في هذا المنتدى...

.::+[ قوانين كرسي الإعتراف ]+::.

1-اللباقة في الكلامــ والاسلوب في السؤال واحترامــ العضو ,, مهما كانت الاوضاع ,, عدم التلفظ بكلمات غير لائقة او بذيئة تمس الضيف .

2- يحق للضيف الاحتفاظ بهويته الشخصية ,, وليس مجبراً على البوح بخصوصياته .

3- الابتعاد عن الأسئلة الشخصية الخاصة ..
>>..<<

4- عدمــ النقل الأعمى للأسئله, ويفضل ان تكون الأسأله من اعداد العضو شخصيا .

5- عدمــ تجريح من يسأل او من يجاوب والتقليل من شآن الآخرين .

6-

7- ضرورة تأكد كل عضو من عدمـــ تكرار السؤال والا سيحذف السؤال دون الرجوع للعضو نفسه.

8 -يتم اختيار العضو من خلال ترشيح من الاعضاء او من المشرفين علي الكرسي

9- امكانيه جلوس المشرفين علي الكرسي وعددهم 2 علي الكرسي طبعا بناء علي رغبه الاعضاء

10- اذا وضعنا ضيف على الكرسي ,, ولم يكمل الاسبوع ,, وواجهته ظروف خاصة,, له الحق في التعويض ,, وسيتم قفل الموضوع ,, الى حين يرجع العضو.

بعد غياب

بافكار جديده

العضو التالي بعد احمد رمضان هو العضو احمد هلال وسيتم ذلك بدا من يوم غد الجمعه وياريت تبقي موجود يا هلال

يا جماعه توضيح لو سمحتو

يحق للعضو الموجود علي الكرسي ان يرشح عضو للجلوس علي الكرسي بعده وذلك في حاله عدم ترشيح اعضاء من قبل المشرفين يعين بالعربي

لو حسن ولبني وهم المشرفين ما اختاروش حد يبقي اللي علي الكرسي يختار

وشكرااااااااااااااااااااااااااااااااااااا

بالنسبه للدكتور / احمد هلال

*لو طلب منك توجيه رساله لكل واحد من دول هتقولو ايه:

*محمدالشافعى
ومن يتق الله يجعل له مخرجا

*محمود عجيز
ربنا يحققلك احلامك

*مستر مجدى

انت اب فاضل وبجد بسعد فى الوقت اللى بكون فيه مع حضرتك وربنا يخليك لينا

*اخوك الصغير

ركز فى مذاكرتك اهم عشان الثانوى مش بيرحم

*ابنك ف المستقبل ان شاء الله
ان شاء الله هحاول اسعدك على قد مقدر واتمنى انك تكون راجل تقدر تتحمل المسئوليه

--------------
بالنسبه ل د/ احمد عابدين
امتى عيطت بجد من جواك ؟؟
انا مفتركشى انى عيطت كتير بس المره اللىعيط فيها بجد من جوايا يوم وفاه جدى

لو قولتلك قول ل (احمد رمضان) نفسك تشوفه ازاى هتقوله ايه ؟؟؟

اتمنى انه يكون انسان محبوب من كل الناس
ويحاول ميزعلشى حد منه و ده اللى بحاول اعمله

أنا جاهز ان شاء الله

مبروك عليك الكرسى

نفسك تشوف اصحابك ازاى ؟؟؟

ثانيا

ايه رايك فيهم ؟؟؟

اوصف احمد هلال فى 5 كلمات

_______________________

ايه اكتر حاجة نفسك تحققها

أولا : إزيك يا أحمد وكل سنة وإنت طيب

1-- هل أنت شايف إنك محبوب من الناس عموما ؟؟

2-- هل أنت شخصية قيادية أم إنقيادية ويسهل توجيهها؟

3-- ممكن تفسير لتقلباتك مش في النوم لا تقلباتك التانية ؟؟

4-- إيه رأيك في الإنسان اللي بيسألك ( رحم الله إمرء أهدي إلي عيوبي ) ؟

ازيك يا دكتور احمد.....ان شاء الله تكون بخير

* هل انت نفسك تتغير؟؟
* ايه اكتر صفة عايز تستغلها فى نفسك ومش عارف؟؟

klashenkof كتب:: مبروك عليك الكرسى

نفسك تشوف اصحابك ازاى ؟؟؟

ثانيا

ايه رايك فيهم ؟؟؟[/
size]

[size=18]
* انا طبعا بتمنى اشوف صاحبي في احسن صحه ودايما يكون سعيد ومتهنى وكل اللى بيتمناه يكون عنده،اما بالنسبه لرايي فانا مقدرش اقول انى توصلت لصفات الصديق اللي ف دماغى او اللى بتمناها ف صديقي غير في ناس قليله جدا جدا جدا تقريبا واحد او اتنين بكتيره اوى غالبا ما كان دا عيب منى ف وجهه نظر المعظم لكن دا اللى ف دماغى،لكن اقدر اقول عليهم زمايلي واقولك انا بحب زمايلي كلهم زى بعض وكل واحد له مميزات وله عيوب وانا مليش راي ف الحته دي.

new boy كتب:: اوصف احمد هلال فى 5 كلمات

_______________________

ايه اكتر حاجة نفسك تحققها

*انا ممكن اوصفلك احمد هلال ف جملتين جمله من فتره وجمله للفتره الحاليه والقادمه ان شاء الله:

-احمد هلال:بيحب اى حد بلا حدود.
-احمد هلال التانى:ذره الحب منه هتطلع بحساب.

**اكتر حاجه بتمنى احققها ف الدنيا دي كلها هما حاجتين:
-الاولى انى اموت وابويا وامى راضيين عنى.
-التانيه ان سيرتي تكون طيبه بين الناس بعد موتى.

Mahmoud 3geez كتب:: أولا : إزيك يا أحمد وكل سنة وإنت طيب

1-- هل أنت شايف إنك محبوب من الناس عموما ؟؟

2-- هل أنت شخصية قيادية أم إنقيادية ويسهل توجيهها؟

3-- ممكن تفسير لتقلباتك مش في النوم لا تقلباتك التانية ؟؟

4-- إيه رأيك في الإنسان اللي بيسألك ( رحم الله إمرء أهدي إلي عيوبي ) ؟

وانت طيب يا محمود.

*انا تقريبا ساعات بحس اني محبوب من ناس كتير اوى لانى كنت ولا زلت بتعامل مع الكل يكل حب وتقدير واحترام الصغير قبل الكبير،لكن ف اغلب الاحيان بحس انى مبغوض ومكروه وانى مينفعش اكون صاحب لحد ولا اخ ولا حبيب ولا حتى اب ف المستقبل.....

**انا زى ما قولت بحاول احب كل الناس واقرب من كل الناس واكسبهم كلهم حتى لو ده كان علي حسابي،وده بيترتب عليه تنازلي عن بعض الاشياء لصالحهم وبتغاضي كتير ومش ببين زعلي من حاجات واضحه وضوح الشمس احيانا واحيانا حاجات الناس بتشوفها عاديه اللى بتسموه (انقياديه).

***سر تقلباتي التانيه مترتب علي السؤال اللي قبل كده انى هحاول اكون انانى حبتين كلمه حبيبي دي مش هتطلع لاى حد كده بالساهل واى ذره حب منى هتكون غاليه عندي جدا عشان كده مش هحطها الا في المكان اللى تستاهل انى احطها فيه بعد تفكير عميق،وكمان هحاول اعمل اى حاجه علي هوايا مش علي هوى حد ولو في حاجه زعلتني مش هتعدى بالساهل خالص...لانى بصراحه تعبت، من الاخر هكون قيادي اللى عاوزنى اهلا وسهلا واللى مش عاوزنى اهلا وسهلا برضو.

****بصراحه انا عاشرتك لفتره قصيره كنا قريبين فيها من بعض الا انى مشوفتش منك غير كل خير.

Dr.lobna كتب:: ازيك يا دكتور احمد.....ان شاء الله تكون بخير

* هل انت نفسك تتغير؟؟
* ايه اكتر صفة عايز تستغلها فى نفسك ومش عارف؟؟

*الحمد لله يالبني انا تمام.

-طبعا كل انسان نفسه يتغير خصوصا لو كان حاسس بنقص جواه ف حاجه معينه.
-اكتر صفه هى الحلم والهدوء لانى عصبي جدا جدا وده بيضغط عهلي اعصابي بطريقه فظيعه وكمان انا بحس ساعات انى متسرع فبحاول اغير الصفه دى واستعنت بناس يساعدونى لكن للاسف مش قادر لكن باذن الله مش هياس.

انا تحت امركم ف اى اسئله تانيه.

اذيك يا هلال عامل ايه ؟
كل سنه ونت طيب

لا لالا مفيش اسئله دلوقتي انا بسلم عليك بس

اذيك يا هلال منور الكرسى والله

يلا استعد...

كرسي الاعتراف الجزء التاني - صفحة 3 C6M85581

ا*ا هل فيه حلم مات جواك وكان نفسك انه يتحقق؟

ا*ا هل انت مفتقد شعور معين اليومين دول؟؟

ا*ا اى انسان فينا ليه سلبيات....طيب يا ترى ايه

هى سلبيات احمد هلال..

ا*ا هل انت مدمن نت...ولا عادى يعنى؟

ا*ا اكتر موقف صعب مريت بيه...وياترى اتعلمت منه.......!!!!!!!

ا*أ يا ترى ليك تعليق على الكلام اللى فى الصورةدى..

كرسي الاعتراف الجزء التاني - صفحة 3 PUp85581

يلا كفايه كده

وخد النكته دى

في المتجر..

البائع :أنظري سيدتي . .هذه الببغاء إذا رفعت رجلها اليمنى

تغنـــــــــــــــــــي

وإذا رفعت رجلها اليسرى

ترقــــــص

قالت السيدة :

وإذا رفعت رجليها معا؟؟

فأجابة الببغاء بسرعة :

سوف أقع أيتها الغبية !

كرسي الاعتراف الجزء التاني - صفحة 3 SDn85581

وكل سنه وانت طيب كرسي الاعتراف الجزء التاني - صفحة 3 SDn85581

انا هاسالك سؤال هو :
انت هاتزعل مني لو قلتلك دور على احمد هلال ونمي ايجابياته
تاني سؤال هو :
انت هاتزعل مني لو قلتلك اقعد مع نفسك شويه لانك تايه اوي
ثالث سؤال هو :
هاتزعل مني لو قلتلك لكي تصلح مابينك وبين العباد اصلح مابينك وبين رب العباد
رابع سؤال هو :
انت هاتزعل مني لو قلتلك لما تصلح حالك ماتبوزشي واضحك لان التدين سعادة مش اكتئاب وحب الدنيا علشان الدنيا تحبك ( الخير في امتى الى يوم القيامه )

رد على الاربع اسئلة وبلاش استعباط

لو عايز تزعل ازعل بس ابويا الله يرحمه كان بيقوللي ( يابخت من بكاني وبكى عليا وماضحكنيش وضحك الناس عليا )

دموع على هيئة بشر كتب:: اذيك يا هلال منور الكرسى والله

يلا استعد...

ا*ا هل فيه حلم مات جواك وكان نفسك انه يتحقق؟

ا*ا هل انت مفتقد شعور معين اليومين دول؟؟

ا*ا اى انسان فينا ليه سلبيات....طيب يا ترى ايه

هى سلبيات احمد هلال..

ا*ا هل انت مدمن نت...ولا عادى يعنى؟

ا*ا اكتر موقف صعب مريت بيه...وياترى اتعلمت منه.......!!!!!!!

ا*أ يا ترى ليك تعليق على الكلام اللى فى الصورةدى..

يلا كفايه كده

وخد النكته دى

في المتجر..

البائع :أنظري سيدتي . .هذه الببغاء إذا رفعت رجلها اليمنى

تغنـــــــــــــــــــي

وإذا رفعت رجلها اليسرى

ترقــــــص

قالت السيدة :

وإذا رفعت رجليها معا؟؟

فأجابة الببغاء بسرعة :

سوف أقع أيتها الغبية !

وكل سنه وانت طيب

ازيك يا نورا وميرسي لزوقك.كل سنه وانتى طيبه.

*في حلم مات جوايا وكان نفسي يتحقق لكن في بصيص من الامل زى الغريق المتعلق ف قشايه واديني متمسك بالامل ده.لكن اسمحلي احتفظ بيه لنفسي.

**اى نعم،انا مفتقد شعور التضحيه لانى دايما متعود اضحي لكن مع الايام هتعود علي كده.نفسي ثم نفسي ثم نفسي...............ثم الاخرين.

***اعتقد ان سلبياتي اللي انا شايفها هى انى متسرع شويه-عصبي جدا-حساس جدا جدا-حسن النيه حبتين.دا اللى انا شايفه ممكن الناس تكون شايفه عيوب تانيه تقدر تقولهالى.

****انا كنت مدمن نت،لكن بحاول اقلل والحمد لله نجحت تقريبا اقلل،لكن نفسي استغل النت ع الاقل بنسبه50% ف حاجه مفيده.

*****اكتر موقف صعب مريت بيه هو نتيجه الترم الاول المخزيه بالنسبالي لانى عمرى ماتوقعت كده علي الاطلاق واحد طول عمره بيطلع اول المدسه يحصللو الدروب ده حقه ينهاااااار،ومتعلمتش منه بدليل نتيجه الترم التاني ......ربنا يعيننا ويبقي في تقدم احسن واحسن.

******الكلام موضح نقسه مش محتاج تعليق.

ومتشكرين يا ستي علي النكته.

hamlit71 كتب:: انا هاسالك سؤال هو :
انت هاتزعل مني لو قلتلك دور على احمد هلال ونمي ايجابياته
تاني سؤال هو :
انت هاتزعل مني لو قلتلك اقعد مع نفسك شويه لانك تايه اوي
ثالث سؤال هو :
هاتزعل مني لو قلتلك لكي تصلح مابينك وبين العباد اصلح مابينك وبين رب العباد
رابع سؤال هو :
انت هاتزعل مني لو قلتلك لما تصلح حالك ماتبوزشي واضحك لان التدين سعادة مش اكتئاب وحب الدنيا علشان الدنيا تحبك ( الخير في امتى الى يوم القيامه )

رد على الاربع اسئلة وبلاش استعباط

لو عايز تزعل ازعل بس ابويا الله يرحمه كان بيقوللي ( يابخت من بكاني وبكى عليا وماضحكنيش وضحك الناس عليا )

طبعا ليا الشرف ان حضرتك تسالني يا مستر:-

*بصراحه انا مش هزعل من حضرتك لكن احب اقول لحضرتك ان احمد هلال اللي تعرفو مااااااااااااات وشيع موت واتولد واحد تانى الله اعلم ايجابياته هتكون ازاى

**اعتقد انى قعدت مع نفسي وكمان اقنعت نفسي باحمد هلال الجديد هو نفسه مكنشي مقتنع بيها لكن هى انسب شخصيه ليه هيقدر يعيش بيها،واى نعم في ناس كتير هتزعل منه لكن لو بيحبوه بجد هيساعدوه لكن لابد من خسائر وربنا يعينني واقاوم واكمل،لانى زهقت من نفسي.وزى ما لوئ بيقول(انا كده ومفيش غير كده عندى مفيش حل تانى..لو عاجبك عاجبك مش عاجبك متسيبني ف حالى)

***يعلم ربنا ان رمضان ده اتولدت فيه من جديد لكن جالى احباط من كل حاجه،فيقت كل حاجه عندى عادى مبقتش حاجه تفرق معايا اطلاقا مهما كانت.

****انا اكتر واحد بيسامح ف اى حاجه وبضحك علي طوووووول اى نعم بزعل بسرعه شويه لكنى اسرع واحد بيرجع،بس اعتقد ان الموضوع زاد عن الحد ولازم الواحد ياخد موقف،والحمد لله مفيش اكتئاب ولا حاجه..انا عاااااااادى والحياه فله اهو.

شكرا لحضرتك يا مستر.

مالك يا هلال ؟؟؟

ميرسي ليك يا هلال علي تواجدك معانا في الكرسي وبحب اشكر المستر علي مداخلته القويه جدا

ابتدءا من غدا يتم تفعيل مشاركه العضو التالي هو "

د/ احمد عابدين

يلا يا عابدين ورينا الشغل

وانا هكون اول واحد يا عابدين اسئلك لاني مقدرش اسييبك حااااااااااالص

يلا

1_انت راضي عن نفسك ؟؟؟؟
2_عملت ايه في رمضان السنه دي غيرت من نفسك ولو اه ؟ زي ايه ؟
3_ عابدين اللي بيظهر معانا هو عابدين الحقيقي ؟؟

والبقيه تاتي

يلا يا جماعه للي عايز يسال عابدين معانا في اي حاجه هو موجود دلوقتي ولفتره محدوده جداااااااااا يعني دا عابدين مش اي حد دي فرصه مش هتتعوض

ههههههههههههههه ماشى يا ابو على ربنا يخليك ليا

بس خلى الاجابة لما يبقى فى كمان شوية اسئلة

iam ready now

سلام عليكم
بهدوء كده تتعرف بكل حاجه عشان الانكار مش هيفيدك
*انت شايف نفسك تستحق تكون على الكرسى ده؟
*يوم ما تتنطط وتقول انا عابدين هتكون وصلت لايه؟ يعنى هدفك ايه من الاخر؟
*بتختار اصحابك بالشكل يعنى حسب المظهر واللبس وكده ولا حسب الشخصيه؟
*طبعا انت فاكر نفسك اول ما عرفتك
ياترى الاول كان افضل ولا انت دلوقتى افضل؟
*بما انك بتحب تهيس كتير
فانت بتلاقى نفسك فى التهيس ده ولا مجرد تهيس وخلاص؟
امفوست امفوست

السلام عليكم ازيك يا احمد

انا مش هطول عليك

سؤال كدة ع الماشي

ايه اكتر سؤال بتكره حد يسالهولك؟.

......السلام عليكم ....ازيك يا دكتور احمد؟...

*لو معاك فلوس كتير اوى و انت ف سنك ده...هتعمل بيهم ايه ؟؟

حبيبى يا ابو على و انا كمان مقدرش اسيبك خاااااااااااالص

1 ) انت راضى عن نفسك ؟؟

الحمد لله ايوة .. بس الى حد ما مش اوى يعنى .

2 ) عملت ايه في رمضان السنه دي غيرت من نفسك ولو اه ؟ زي ايه ؟

ايون الحمد لله اتغيرت كتييييير ... قربت لربنا اكتر (بالرغم من انى لسه مقصر اوى )و عرفت انا عاوز احمد عابدين يبقى عامل ازاى و غيرت فى دماغى افكار كتيرة و حاجات كنت قولتها فى لحظات بدون تفكير و زعلت دلوقتى انى قولتها و دى اهم حاجة ليا طبعا بعد رضى ربنا .

3 ) عابدين اللي بيظهر معانا هو عابدين الحقيقي ؟؟

ايون عابدين اللى بيظهر معاكو هو عابدين الحقيقى لانى معنديش حاجة اخبيها او اخاف ان حد يعرفها .

_______________________________________________________

و عليكم السلام يا شافعى
انا معترف بكل حاجة انا اللى قتلته و انا اللى سرقت البنك و انا اللى عملت انقلاب فى السودان هههههههههه

*انت شايف نفسك تستحق تكون على الكرسى ده؟

يعنى هو اللى فهمته من السؤال انك بتهزر بس لو بتسال بجد يبقى انا اللى مفهمتش لانى بصراحة مش فاهم تقصد ايه

*يوم ما تتنطط وتقول انا عابدين هتكون وصلت لايه؟ يعنى هدفك ايه من الاخر؟

بغض النظر عن ان نفسى اكون صيدلى ناجح و افتح صيدلية او شركة ادوية او انجح فى مجال البحث العلمى اللى نفسى اشتغل فيه ... بس امتى هتنطط و هقول انا عابدين ؟؟؟
لما اشوف الرسول (صلى الله عليه و سلم) فى منامى ....

*بتختار اصحابك بالشكل يعنى حسب المظهر واللبس وكده ولا حسب الشخصيه؟

ولا حسب المظهر و اللبس و لا حسب الشخصية .. حسب الراحة النفسية يعنى فى واحد اشوفه استريحله من اول ما اشوفه و فى واحد مستريحلهوش اول ما شوفته لو قعد معايا 100 سنة مش هستريحله برده .. بس فى اصحابى اختارتهم او عرفتهم علشان شخصيتهم كانت عاجبانى انما المظهر و اللبس حاجة ثانوية بس برده مهمة لكن مبختارهمش على اساسها .

*طبعا انت فاكر نفسك اول ما عرفتك ياترى الاول كان افضل ولا انت دلوقتى افضل؟

لا دلوقتى افضل بالرغم من ان اول ما عرفتك انت فاكر انا كنت عامل ازاى و كان فى ناس عاجبها انى اكون كده .. بس انا دلوقتى افضل لانى على الاقل راضى عن نفسى اكتر من الاول بكتييييير .

*بما انك بتحب تهيس كتير فانت بتلاقى نفسك فى التهيس ده ولا مجرد تهيس وخلاص؟

لا بيبقى مجرد تهييس و خلاص لانى ساعتها ببقى مخنوق فبحاول انى اطلع نفسى من الخنقة دى بالتهييس او انى اضحك على اى حاجة انما عمرى ما لقيت نفسى فيه .

_______________________________________________________

و عليكم السلام يا ابو حميد

ايه اكتر سؤال بتكره حد يسالهولك؟.

ان حد يسالنى فى اى حاجة مش عاوز اقولهاله لانى مببقاش عاوز اقوله عليها و مش عاوز احرجه و اقوله ملكش دعوة .

_______________________________________________________

و عليكم السلام ... الحمد لله يا د/لبنى تمام .

*لو معاك فلوس كتير اوى و انت ف سنك ده...هتعمل بيهم ايه ؟؟

اكيد طبعا هشترى 15 ولا 20 موتسيكل لانى بموووووووت فى سواقة الموتسيكلات و محدش يضحك عليا انا بقولكو اهو .

العضو التالى على الكرسى هى ...امانى... وهتكون معانا ان شاء الله يوم الجمعة.....

...يلا يا جمااااااااااااااعة ...لسة احمد عابدين معانا على الكرسى ..اللى عايز يساله ف اى حاااجة يساله من غير تردد خاااااااااااااالص.......

» كرسي الاعتراف
» بدون مقدمااات ... صور من ارض الواقع ( الجزء التاني )
» الجدول الدراسي :: أولي صيدلة :: الترم التاني
» ورأيتها (الجزء التانى)
» موضوع شقى جدااااا...(الجزء التانى)