كرسي الاعتراف الجزء التاني

تذكير بمساهمة فاتح الموضوع :

.::+[ كرسي الإعتراف ]+::.

وهو عبارة عن كرسي يجلس فيه العضو لمدة اسبوع...

ويتمــ طرح عليه الاسئلة من قبل الاعضاء والموجودين في هذا المنتدى...

.::+[ قوانين كرسي الإعتراف ]+::.

1-اللباقة في الكلامــ والاسلوب في السؤال واحترامــ العضو ,, مهما كانت الاوضاع ,, عدم التلفظ بكلمات غير لائقة او بذيئة تمس الضيف .

2- يحق للضيف الاحتفاظ بهويته الشخصية ,, وليس مجبراً على البوح بخصوصياته .

3- الابتعاد عن الأسئلة الشخصية الخاصة ..
>>..<<

4- عدمــ النقل الأعمى للأسئله, ويفضل ان تكون الأسأله من اعداد العضو شخصيا .

5- عدمــ تجريح من يسأل او من يجاوب والتقليل من شآن الآخرين .

6-

7- ضرورة تأكد كل عضو من عدمـــ تكرار السؤال والا سيحذف السؤال دون الرجوع للعضو نفسه.

8 -يتم اختيار العضو من خلال ترشيح من الاعضاء او من المشرفين علي الكرسي

9- امكانيه جلوس المشرفين علي الكرسي وعددهم 2 علي الكرسي طبعا بناء علي رغبه الاعضاء

10- اذا وضعنا ضيف على الكرسي ,, ولم يكمل الاسبوع ,, وواجهته ظروف خاصة,, له الحق في التعويض ,, وسيتم قفل الموضوع ,, الى حين يرجع العضو.

بعد غياب

بافكار جديده

اهلا اهلا ريزووووو

* مين الشخص اللى ممكن تفضله على نفسك ؟؟

* ايه اكتر حاجة تجذبك ف الشخص اللى ادامك..سواء ولد او بنت ؟؟؟

Dr.lobna كتب:: اهلا اهلا ريزووووو

* مين الشخص اللى ممكن تفضله على نفسك ؟؟

* ايه اكتر حاجة تجذبك ف الشخص اللى ادامك..سواء ولد او بنت ؟؟؟

يا هلا يا هلا
لبني عندنا .... منوره وربنااااااا يا لبني

والحمد لله ان انا هختم بيكي بئي عالكرسي
هههههههههههه

ناااااااس كتير ممكن افضلها ع نفسي
طبعن ماما اكيد اول حد
تاني حد علاء اخويا
تالت حد ... حد كدا ف بالي
وهم كدا بالترتيب ... يعني مينفعش ابدل اماكنهم

...........................
اكتر حاجه بئي ممكن تشدني ف حد
بس هي تختلف عندي
الولاد بيشدني حاجات والبنات حاجت تانيه خالص
الولاد.....اولا يكون محترم ويكون متدين كداااا وعارف ربنا
بيبان ع الواحد برده
ويكون حلو ف طريقه كلامه مع اللي حوليه

البنات بئي ... بحب البنات الواثقه من نفسها
وتكون متدينه ومحترمه كداااا .... وتكون شيك بئي
ف طريقه لبسها .... بس التدين اهم من الشياكه طبعن
وتشدني اكتر البنت اللي عنيها ملونه او سمرا
بتكون ليها جاذبيه كداااا
وبس
هههههههههههه انا كدا شكلي قلت مواصفات شريكه حياتي باين عليه
هههههههههههههه

ميرسي يا لبني
وف انتظار العضو القاااااااااااااااااااااااادم بئي

شكراااااا بجد يا ريزو على ردودك الجميلة دى .....

طب بص...رشح انت عضو يكون على الكرسى.....مستنياااااك

مممممممممممممممممم...حسابك معايا بعدين يا ريزو بااااشا...اصلك متعرفنيش ف شرى

و دلوقتى يا جماعة ....معانا عضو جديد....اول مرة يشارك معانا هنا على الكرسى...يا ريت تبقى الاسئلة سهلة خاااااااالص و كويسة ...

معانا دكتور باهى..... happu65

...يلا يا جماعة اتفضلو بالاسئلة ..............؟؟؟؟

Dr.lobna كتب:: مممممممممممممممممم...حسابك معايا بعدين يا ريزو بااااشا...اصلك متعرفنيش ف شرى

و دلوقتى يا جماعة ....معانا عضو جديد....اول مرة يشارك معانا هنا على الكرسى...يا ريت تبقى الاسئلة سهلة خاااااااالص و كويسة ...

معانا دكتور باهى..... ...يلا يا جماعة اتفضلو بالاسئلة ..............؟؟؟؟

يووووووووووه ليه بس
حرام عليكي خااااااااالث خااااااااااالث
وربنا غصب عني
النت عندي وحش اوي
وفاصل بقاله كذا يوم عشان كدا مبدخولش
ومش قريت اخر رد ع اللعبه

وبعدين ايه الشر دا كلووووووو ...... يا ربناااا ..

انا كده لسة معملتش حاجة يا ريزوووووو......ويت ويت بس

يلا يا جماعة ......معاااااانا دكتور باهى على الكرسى ..........ويت فور يو اول

باهي حبيبي طبعا وانا عمرى ماهساله اساله صعبه كلها حاجات سهله جدا وف مستوى الطالب الضعيف كمان عشان تعرف تجيب مجموع ينجحك.......استعذ:-

1)هى فين الصور اللى اتصورناها ع الموبايل؟؟(هههههههههههههههه)

2)عرفنا بنفسك(اسمك بالكامل-بلدك-مهاراتك-هواياتك-طموحاتك-شخصيتك-عيوبك-اصحابك-بيتك).

3)هل بكيت مره من قلبك بجد،وايه كان السبب،وايه كان احساسك ساعتها؟؟

4)عمرلك حبيت حد من غير ماتشوفو ورسمتله سوره ف خيالك وهل طلع زى ماكونت متوقعه؟؟؟

*كفايه كده ولما افتكر اسئله تانى هبقي اكتبهالك.....

اهلا اهلا باهى

* انت انسان خيالى ولا واقعى ؟؟ و ايه الدليل على كده ؟؟

* لو مسموحلك تغير صفة واحدة فيك (واحدة بس بقولك) ..هتكون ايه ؟؟

[center]واووووووووووووو باهى منور

حظك حلو والله وقعت تحت ايدى وانا مش فايقه خالص عارف لو كنت فايقه ......... ههههههه

انا هسالك سؤالين بس كدة ع السريع يعنى

اييه رايك ف مندوب المبيعات تفتكر دى وظيفه مناسبه لطالب صيدله وهل ممكن تشتغلها ف يوم من الايام؟؟؟؟؟؟؟؟؟؟؟؟؟

قولى بئى قريبك اللى كان عاوز يبئى ظابط دة لسه مصمم ولا صرف نظر هههههههه ؟؟؟؟؟؟؟؟؟؟

واسمحلى من هنا من قلب الاحداث ببعت رساله شكر لعجيز انه حذف التوبيك لان لو مكنش حذفه كنا زمانا كلنا روحنا ف داهيه

يلا بئى جاوب بس بسرعه فاااااااااااااهم

يلا سلااااااااام[/center]

بص يا معلم هما سؤالين لولبيين بس بصراحة

ممكن تضرب فى دماغك و ترفع على المنتدى او الفيس صورة من الصور اللى اتصورناها فى يوم فرح اخت على ؟؟؟

و لو حد رفعلك صورة منهم هتعمل فيه اييييييييييييييه ههههههههههههههه ؟؟؟؟؟

جااااااااااااااوب

اهلين اهلين
باهي ع الكرسي ..... يا هلا يا هلا
بص بئي يا باشا......سوال وحيد فريد
مين هو قدوتك ف الحياه الموز اللي احنا عايشينها دي ....
نفسك تشتغل فين لما تخلص ؟
اممممممم عمرك حبيت قبل كدا ؟؟ ومتقوليش بئي ايون حبيت ماما وبابا والكلام داااا
هااااا انا قولت اهه
بس كفايه كدااا

new boy كتب:

ههههههههههههههه
لا يا عابدين
متقلقش ... انا هقوم بالواجب من الناحيه دي
ان شاء الله باذن الله الفضايح كلها هتبقي ع المنتدي....ههههههههه

ازيك يا هلال يا حبى
سيبك من السوال الاول ده خليه للاخر
اما السوال التانى :
اسمى باهى صابر ابراهيم محمد المسلمانى
بلدى جمهورية مصر العربية محافظة المنوفية مركز قويسنا قرية طه شبرا بجوار المسجد البحرى انزل انت بس طه شبرا واسال اى حد فى الشارع
مهاراتى النت و البلايستيشن و البلياردو و الكورة مش اوى و قبل كل ده طبعا الرسم على فكرة انا كنت بدات صورة ليك فى اول الاجازة بس انشغلت و ما كملتهاش
هواياتك تقريبا نفس اجابة السوال اللى فات بس فروقات بسيطة
طموحاتى اول طموح ليا انى لسه عندى امل ان ربنا يهدينى و بعد كدا ارضى امى و اخلص الكلية على خير و اشتغل زى ما انا مرتب لنفسى و طبعا ارتبط بالانسانة اللى بتمناها
شخصيتى يتهيالى المفروض انت اللى تجاوب عالسوال ده بس هحاول
انا انسان مودب و ده بصراحة انا شايفه عيب فيا و غلط فى تربيتى لان لو جيت اتعامل مع حد ما بعرفش حتى اشتمه شتيمة من اللى هى و ما بحملش هم حاجة ده حتى نتيجة الثانوية انا و اتنين زمايلى كنا اخر تلاته فى البلد كلها جابوهايعنى كنت مكبر عالاخر
وبحاول ابقى افضل و احبب اللى حواليا فيا و احبهم و ساعات كدا بفكر بطرق غريبة شوية بينى و بين نفسى يعنى زى ما تقول كدا تخاريف
عيوبى انى مش ملتزم بالدرجة اللى هى يتقال عليها ملتزم اقصد طبعا ملتزم دينيا و عيب كمان انى بعامل كل واحد على حسب شخصيته يعنى المودب ببقى مودب معاه و اللى واخدها هزار بهزر معاه والجد ابقى جد معاه والمهيس بردو اهيس معاه مش عارف اذا كان ده عيب ولا لأ و اكيد طبعا فيا عيوب تانيه لا تعد ولا تحصى بس انا مش عارفها
اصحابى بحب اصحابى كلهم و ساعات لو حد جه يسلم عليا حتى لو معرفهوش بسلم و ازيك و عامل ايه و نبوس كمان انما هم اذا كانو بيحبونى ففى اللى متاكد انه بيحبنى و فى اللى نصنص و فى اللى ما بيحبنيش و انا عارف انه ما بيحبنيش و فيه اللى ما بيحبنيش و انا فاكره بيحبنى
بالنسبة للبيت فمن سنة فاتت كنت خناق و خصام و مش عارف ايه انما من سنة او سنة و شوية الحمد لله بقي اكتر مكان بحبه بجد هو بيتى و مستعد ابيع الدنيا كلها علشانه
احب حد من غير ما اشوفه صعبة قوى ممكن السوال يكون احب حد لمجرد انى شوفته بس و ده حصل معايا بس طبعا مش حب كونه طلع بقى زى ما فى دماغى ولا لا فالله اعلم

اه صحيح يا هلال بالنسبة للصور بقى
ههههههههههههههههههههههههههه
فخد الصورة دى تقولك هى فين الصور اللى اتصورناها

كرسي الاعتراف الجزء التاني - صفحة 6 Nokia-n95-8gb-test

كرسي الاعتراف الجزء التاني - صفحة 6 Nokia-n95-8gb-test

اهلا يا لبنى شخبارك شحوالك ايش لونك شيتسوى
انا واقعى بدليل انى عايش الواقع ما بعيش فى الاوهام و فى فرق كبير بين الاوهام و الطموح و الاحلام و فى دليل كمان موضوع كدا هلال واخواتى ليهم راى فيه و كلهم مستغربين انى رلاافضه تمام علشان ما بحبش اعيش الوهم ...هلال الكلام ليكى يا جارة

مش هغير حاجة خالص ولا صفة لانى لو اتغيرت مش هبقى انا و انا عاجبنى نفسى كدا و انا مين انا و اطلع ايه علشان اغير صفة ربنا مديهالى

اهلا يا ولاء الحمد لله انك مش فايقة انا برد اهه اظن مفيش اكتر من كدا سرعة

والله مندوب المبيعات دى كبداية مش بطالة و بتعمل علاقات مش بطالة مع دكاترة و صيدادلة وانا اعرف واحد بدا كدا و دلوقتى بيقبض مرتب اللهم لا حسد و كمل فى المبيعات و بقى مدير تسويق و عنده شقة و عربية انا ما بحسدش
انما كهدف و نهاية كدا طبعا شغلانة زبالة

اه يا ريت يا ست الهانم تشوفيلنا ميدو بيه يشغله اى حاجة موقتة ان شالله حتى مدير إمن

عابدين هييييييييييييه عابدين هيييييييييييييييييه
السوال الاول بربع ريال
طبعا ممكن ايه المانع ممكن ارفع اكتر من صورة كمان مش واحدة بس طبعا مش هتبقى من اللى انا فيهم

انما بقى لو حد اتجرا و رفعلى صورة فانا بقول من مكانى هنا انا عندى مستندات السى دى موجود يا احمد يا شوبير
سورى اتلغيط
اقصد ان لو حد رفع ها لو حد رفع اى صورة مش انتو بس اللى عندكو صور و انا كمان عندى فاهمين ها و اللى بيته من ازاز ما يغيرش هدومه ف الصالة ها

ريزو حبيب هرتى ...الصداقة
قدوتى فى النهى حياة الدينية ولا العلمية ولا ايه بالظبط
عالعموم قدوتى فى الحياة بشكل عام ابويا اولا و حبيبى اسلام اخويا فكك بقى من اللى يقولك احمد زويل والكلام الفاكس ده

والله لما اخلص ربنا يسهل فى تلت اماكن هدور فيهم
خالى شغال ى سيجما بقاله حوالى اربع سنين و على ما اخلص هيبقو 8 فممكن يساعدنى
تانى سكة واحد صاحب اخويا اسلام
والاخيرة بقى واحد قريبنا هيبنى مصنع ادوية و بيقولى هيشغلنى

والله بقى كل ده لسه كلام بس ربنا يسهل ان شاء الله و بعدين لسه بدرى عالشغل

بالنسبة للسوال التالت بقى : اه

بقى كده يا جماعه..محدش يقولى ان د|باهى

على الكرسى...

على العموم منور يا دكتور
..

يلا نبدأ

السؤال الاول

ايه هى اخر حاجة بتفكر فيها...وليه؟؟؟

السؤال التانى

ايه أخبار احلام اليقظة معاك...يعنى بتحلم كتير وانت صاحى

السؤال التالت

أجمل لحظات عمرك..ايه هى؟؟

معلشى بقى...دة اخر سؤال

عايزاك تورينى صورة مش صورة من صور

فرح اخت على ...ههههههه

لأ صورة بتعبر عن اللى جواك دلوقتى

يلا كفاية كده

كرسي الاعتراف الجزء التاني - صفحة 6 Icon_question

منورة يا دكتورة نورى

اخر حاجة بفكر فيها مش عارف بصراحة يمكن علشان هى اخر حاجه فبخلص تفكير قبل ما اوصلها.

يوووووه كتير احلام يقظة و كوابيس يقظة كمان بس الاحلام مش هينفع اقولها والكوابيس بلاش علشان ما تخاوفوش

اجمل فترة ولا اجمل لحظات
هلى لو اجمل فترة فى عمرى فهى الفترة دى من اول اجازة اعدادى صيدلة لحد دلوقتى يعنى تقريبا تلت شهور بصراحة اجمل تلت شهور فى حياتى

اما اجمل لحظات عمرى فكتير منها لما افتكر نفسى و انا صغير فى اولى ابتدائى و اقعد اتفرج على صورى انا و توامى و لحظة اما قبضت اول مرتب فى حياتى 875 جنيه و 75 قرش علشان دى بجد لحظة مش هنساها طول عمرى وفى لحظات تانيه بردو جميلة
اللى جوايا دلوقتى
امل فى المستقبل انى احقق اللى بحلم بيه
رغبة فى حاجة نفسى اوصلها
وف نفس الوقت قلق و وخوف علشان الحلام دى ما تتكسرش فى لحظة انا بحاول ااجلها على قد ما اقدر
وطبعا انا دلوقتى عايش حياتى و مزقطط

شكرااااااااااااااا جدا يا باهى على ردودك الصريحة معانا هنا على الكرسى....
وانتظروا العضو القادم....

يا خوفي ليكون الي ف بالي وتكوني انتي يا لبني
وبتعملي تمويه ..!!
ع فكره انا بدبسك من الاخر بقي
وبعلن انا العضو ريزو
من مكاني هذا
ان كرسي الاعتراف سيشهد انقلاب وثوره وانتفاضه من الان
وان العضوه ** Lobna**
هي العضو القادم ع هذا الكرسي
وهنبدأ اسئله ابتداء من الغد
ع ما النت يكون اتصلح عندي
عشان مينفعش تبقي لبني عالكرسي
وانا مسألش اول واحد يعني

WAIT LOBNA
WAR IS Comming !!

Wait DR/LOBNA on the chaaaaaaair

Ezayek ya
LoBnA
منوره الكرسي وربنااااااااا
يا رب تكوني كويسه
بصي بئي بما انك قعدتي خلاص ع الكرسي
فهتجاوبي علي كل الاسئله يعني هتجاوبي عليها
مش عايزين بئي محذوف للرقابه والكلام دااا
هاااا
1) اولا يا ريت تعرفينا بنفسك
2) بما انك شاعره المنتدي الاولي .. كلمينا عن الموهبه دي
وبداتي تكتبي من امته ؟ وايه اكتر حاجه حبتيها ف اشعارك وكتبتيها امته .... الخ الخ الخ
3) سؤاااااااااااااااال ومحيرني
هو اللي انتي بتكتبيه بتبقي حساه وطالع من قلبك وبيعبر عن حالتك
ولا مثلا دي بتبقي مجرد فكره بتجيلك وانتي قاعده بالليل كدا وبتمشي معاها ؟؟
4) مين اكتر حد عايزه تبقي زيه وبتقلديه ف كل حاجه
"" قدوتك يعني ""
.......................................
وبس
ويا جماعه كل واحد يسال سوالين اتنين بس
مش تلاته ولا اربعه
عشان يدي فرصه لبقيه الاعضاء انهم يسالو
وميرسي ليكي يا لبني

...والله م كان تمويه ابداااا ولا حاجة....ماااااااشى يا ريزو......مااااااااشى
.........عاملى فيها مشرف ؟؟.....و بتختار كمان العضو اللى على مزاجك....طيب ماشى
...اانا موافقة.....

» كرسي الاعتراف
» بدون مقدمااات ... صور من ارض الواقع ( الجزء التاني )
» الجدول الدراسي :: أولي صيدلة :: الترم التاني
» ورأيتها (الجزء التانى)
» موضوع شقى جدااااا...(الجزء التانى)