كرسي الاعتراف الجزء التاني

*
منوره الكرسي وربنااااااااا
ده نورك يا محمد والله

*[/center]) اولا يا ريت تعرفينا بنفسك؟
انا لبنى...الفرة الاولى صيدلة طنطا..18 سنة..من شبين الكوم محافظة المنوفية..اكبر اخواتى...بنت عادية جدا..متواضعة جدا..بتحب ناس كتير..و غالبا بتشوف كل الناس حلوين و ده غلط...مش بثق ف حد بسرعة..ممكن ادى ثقتى لحد بعد2 او 3 سنين كده..بحد جدا اساعد الناس..و بغير جدا جدا على اى حد احبه...بس اللى احبه بجد...و اكون وثقت فيه خلاص...فيا غموض كتير...ساعات بزهق منه..واحاول ابعده عنى بس مش بعرف........كفاية كده...الباقى اسيبه ليكو..لانى بجد مش بحب اتكلم عن نفسى...

*) سؤاااااااااااااااال ومحيرني
هو اللي انتي بتكتبيه بتبقي حساه وطالع من قلبك وبيعبر عن حالتك
ولا مثلا دي بتبقي مجرد فكره بتجيلك وانتي قاعده بالليل كدا وبتمشي معاها ؟؟
حاجات و حاجات...حاجات بكون حاساها طبعا...وحاجات بتخيلها و اكتبها

*[center])) مين اكتر حد عايزه تبقي زيه وبتقلديه ف كل حاجه
"" قدوتك يعني ""
مش حد معين بصراحة....بس اللى دايما بعمله...انى بقلد اى حاجة وكل حاجة صح على اد م بقدر...بحاول دايما اصلح من اى حاجة غلط اعملها و احسن حاجات كتير فيا...انا بعشق صورة الكمال..ولكن لان الكمال لله وحده عز و جل...فانا مش عايزة غير ان يكون ربنا راضى عنى...

شكرااااااااا ليك يا ريزو...ومستنية اسئلة باقى الاعضاء.......................؟؟

[center]لبنى والله منور الكرسى فعلا ومش الكرسى بس طبعا منورة الدنيا كلها..

ده نورك ربنا يخليكى يا ولاء


[center]الاول ..قوليلى لو كنتى هتتخلقى كائن تانى غير الانسان كان نفسك تكونى اييه ولييييييه ؟؟؟؟؟؟؟؟؟؟؟؟

..مممممممممم سؤال جديد بس انا عارفة اجابته...لو كائن تانى يبقى عصفورة او اى طائر عسول كده...ليه بقا....عشان انا بعشق حاجة اسمها السفر و امنية حياتى انى الف العالم كله ..



[center]التانى بئى انتى شايفه نفسك اييه او ازاى كمان عشر سنين باذن الله؟؟؟؟؟؟؟؟؟؟


...باذن الله يعنى شايفة نفسى عادى .. واحدة ناجحة ف شغلها.. و ناجحة جدا ف بيتها باذن الله..بس بجد برده اللى دايما اشوفه على طول فيا انى برده لفيت العالم كله...وان علاقاتى العامة كويسة..



...شكراااااااااا يا ولاء .......انا لسة موجودة يا جماعة...اللى عايز يقولى حاجة انا ف السيرفس

.........بسم الله............


** ازيك يا لبني يارب تكونى بالف صحه وخير وسعاده وسلام....شويه اسئله صغنطوطه كده يارب مكونش تقيل.......

الحمد لله كويسة يا احمد....وبعدين انت تسال براحتك عادى ..


1)ايه هو النجاح من وجهه نظرك؟؟وازاى انتى مخططه للوصول له؟؟

النجاح من وجهة نظرى .. لو ف حياتى الدراسية يبقى اعدى الكلية دى باذن الله ف 4 سنين بس..ف حياتى العملية اكون بشتغل صح و نشيطة و اساعد الناس على اد م اقدر..ف حياتى العامة..نجاحى ممكن يتمثل ف حب الناس ليا و ثقتهم فيا..لان ده باذن الله باذن الله يكون دليل ل رضا ربنا عنى...وطبعا اكون ناجحة ف بيتى ده اولا ..مش هقول ان ده لازم يكون مقياس للنجاح ف كل حاجة تانية ولكنه جزء كبير اوى لازم ياخد اهتمامى الاول....مخططة ازاى بقا انى اوصل ل كده...بحاول اصلح اى حاجة فيا مش عجبانى..و اتعلم من اللى حواليا....

2)هل اتجرحتى قبل كده من حد؟؟وايه كان شعورك ناحيته بعد كده؟؟

..مممممم....ايوة ..... ..............


3)هل في حد ارتحتيله بسرعه ولا انتى مش بتثقي ف حد بسرعه مع اى حد؟؟

انا اكيييييييد يعنى مش بثق ف حد بسرعة...لكن ليا واحدة صحبتى ..واحدة بسسس هى اللى ارتحتيلها بسرعة ...واحنا دلوقتى اصحاب جدااااا...بس برده عايزة اقولك حاجة...اول سر ليا قولته ليها..كان بعد 3 سنين......اظن كده عرفت انا بثق ف اى حد بسرعة ولا ايه...بس ليا صحابى دلوقتى..فضلو ورايا بجد لحد م بدأت اتكلم معاهم شوية...كانو بيزعلو جدااا انى مش بتكلم معاهم وانهم بس اللى بيقولو على كل حاجة..........ربنا يسهل بقا...

4)انتى عملتى بحث علم الاجتماع ولا لا؟؟ولو عملتيه ممكن تجيبيه اكتبه باسمى لانى مرهق جداااااااا وعليا بكره 8.5؟؟ولو مكتبتيهوش ممكن تكتبيه عشان برضو نفس السبب؟؟

هههههههه....لو كنت شفت كلامك ده امبارح...كان ممكن اعمل نفسى مش اخدت بالى و ارد النهاردة برده...ههههههه....بس اولا انا لسة شايفة كلامك ده دلوقتى...ثانيا لو حضرتك يعنى عملته يا ريت بقا تجبهولى عشان برده مش عايزة اعمله...ده دكتور ...ربنا يسامحه بقا


شكرااااااااااااا ليك يا هلال...

**السلام عليكم
ازيك يا دكتوره

وعليكم السلام...الحمد لله تمام يا دكتور



ايه رايك فى الدنيا دى ؟؟؟

..ملهاش امان....و انت اللى تقدر تسعد نفسك ب نفسك...و اعمل الخير ومتستناش المقابل من حد...عشان كده لازم كل واحد يعمل الاخرته...ده اللى ممكن اقوله...لكن بينى و بين نفسى ساعات اقول ان الدنيا دى حلوة...او صغيرة اوى اوى متساهلش كل التفكير اللى انا بفكره...اصل انا مدمنة تفكييييييييييير.......بس برده دنيا ملهاش امان...



ايه رايك فى الكليه بتاعتنا ؟؟

..هو انا داخلاها عشان كنت بحبها...و برده بحبها دلوقتى...رايى فيها...صعبة جدا ومتعبة جدا جدا

ايه اكتر حاجه تتمنيها فى صاحبتك ؟؟

...كتمان السر...بعد كده الصدق و الاخلااااااااص ...


وايه اكتر حاجه بتكرهيها ؟؟

...النفاق...


شكرااااااااا يا محمد...

أولا ازيك يا دكتوره لبنى

...الحمد لله يا شيتوس...

أنا هسأل سؤالين مش أكتر............

على فكرة اسئلتك صعبة اوى اوى......



1- ماهو اسلوبك فى مواجهة المشاكل والمصاعب؟

...لو مشاكل و مواجهات بتمالك اعصابى لاخر لحظة عشان لما بتعصب بتعصب..(و لو انه مش اوى يعنى).. لو مصاعب بقا و حاجات كبيرة بحاول افضل قوية ومش ابين ضعفى الا لنفسى و خصوصا لما بكون متحملة المسئولية كاملة...ولان انا اكبر اخواتى...ف ده بقا عادى انى اكون مسئولة ف حاجات معينة..لكن ممكن ف لحظة كده انهار ومقدرش اكمل...على حسب قوة اعصابى ساعتها و قوة الموقف نفسه...


2- ما هو أكتر مكان ترتاحين اليه ودائمه الذهاب اليه ؟؟؟

,....مممممممم....والله يا شيتوس مش عارفة....بس برتاح اوى ف الجامع لما بصلى ف الكلية..انما لو مكان غير كده....ف انا بحب اى مكان هادى ... مش حاجة معينة...


3- اذا طلبت منك نصيحه لعضو معين ياترى هيكون مين ؟ وايه هى النصيحه ؟؟ اجبارى

.....لا بجد اسئلتك صعبة جداااا....طب خلاص...هنصحك انت...هنصح العضو شيتوس ...و النصيحة من غير مناقشة...هى.....خليك زى م انت....



4- من صاحب الفضل فيما وصلتى اليه ؟؟ وبماذا تردين عليه ؟؟؟

...طبعا ربنا....افضاله ملهاش حدود....ثم والدى و والدتى...مهما اتعصبو عليا ومهما انا اتعصيت (كتيررررررر) و مهما عملو.. افضالهم عليا كتير ومش هقدر اوفيهم حقهم..بتمنى بس رضاهم عنى



أنا بقول كده كفايه خالص


طبعاااااااااااااااااااااااااااااااااااااااااااااااااا



شكراااا شيتوس

اولا :الاسئلة جامدة و صعبة و من حقك ما تجاوبيش على السوال اللى مش عايزه تجاوبى عليه و حتى لو ما جاوبتيش على اى سوال ده حقك

..اما نشووووووووووف....


ثانيا : ازيك يا لبنى عاملة ايه منورة الكرسى الخ الخ الخ

الحمد لله يا باهى....ده نورك طبعا



السوال الاول : لو كنتى عكيتى فى امتحان الفيزيا بتاع تالته ثانوى ايه شعورك بعد الامتحان يا ترى حسيتى ان كل الاحلام انهارت و الصورة اللى بترسميها لنفسك ف المستقبل و بقالك حوالى 5 سنين بتحلمى بيها خلاص تلاشت و ما بقيتش موجوده ؟ ولا زىى عادى كدا بيس و منفضة و لا فارقة معاكى ؟؟


...بص يا سيدى..انا هحكيلك ..انا ف نص اللجنة حسيت ان الامتحان ده جه غلط...و بعدين قولت مش هينفع انهار دلوقتى ..انا كده مش هقدر اكمل...بعدها بشوية لقيت كل اللجنة بتعيط...ف عيطت انا كمان...بعد بقا م اخدو الورق .. انا كان عندى تقريبا صدمة عصبية...و مقدرتش ارد على اى تليفون لانى طبعا كنت بعيط...و بعدين روحت...وكنت ساكتة خالص ..دخلت الاوضة عندى و عيطت بصوت مش باين اصلا لانى مكنتش قادرة اعيط اصلا من الصدمة...و بعدين صليت و عرفت ان ربنا عايز كده و اللى ربنا هيكتبهولى انا راضية بيه.......و هى دى قصة الفيزيا معايا...



السوال التانى : ايه اكتر فترة كنتى بعيده فيها عن ربنا و حسيتى انك ما تستحقيش اللى ربنا مديهولك من نعم ؟

..قبل رمضان اللى فات...


السوال التالت : ايه افظع حلم حلمتى بيه و صحيتى مفزوعه و قولتى الحمد لله انه كان حلم ؟

........تقريبا مفيش.........


السوال الرابع : رايك فى مقولة "لو كان الحب رجلاً...لقتلته"

...يعنى لو الحب كان فعلا رجل...انا مكنتش هقتله...عشان لو ف ناس مش عارفة معنى الحب ... فى ناس برده تعرف معناه و بتقدره كويس...ف لازم الحب يكون موجود...مينفعش يموت و لا يتقتل كمان...


السوال الاخير : ايه رايك فى الاختلاط فى الجامعة "تحت الكوبرى "

...قلة ادب.......




لو ما جاوبتيش على الاسئلة كلها عادى جدا و مفيهاش اى احراج

يلا اى خدمة .....الاسئلة كلها اهو...


شكرااااا يا باهى

اقتباس :

السوال الاخير : ايه رايك فى الاختلاط فى الجامعة "تحت الكوبرى "

...قلة ادب.......

خير الكلام ما قل و دل

هااا يا دكاترة...حد عايز يسالنى تانى ؟؟؟؟ انا لسة موجودة

طب ايه رايك فى الحب ؟؟؟

طب هشوف كده يا ولاء وارد عليكى ان شاء الله