وماذا بعد الحب

موضوع: وماذا بعد الحب السبت مارس 27, 2010 7:42 pm

بحبك وانا كمان بحبك
عبارة نقولها او نتمنى ان نقولها
وقد نتوقف امام الكلمات حينما يسأل من نحب ...
ايه الدليل على حبك ؟؟
هانعرف نجاوب ساعتها ولا هانفكر ولا مش هانعرف نتكلم ....
ممكن لواتكلمنا هانقول ايه
ده موضوع ياريت ندردش فيه من خلال الاجابة عن الاسئلة دي
بتحب ؟؟ طيب بتحب حبيبك ليه ؟؟؟ وايه الدليل على حبك ؟؟
وياريت بعد مانجاوب نجاوب على سؤالين
انت بتحب ربنا ؟؟ اه او لأ
طيب ليه اه وليه لأ
طيب دليل حبك إيه

بتحب ؟؟ طيب بتحب حبيبك ليه ؟؟؟ وايه الدليل على حبك ؟؟
أيوه ،، علشان حاجات كتير مش هقدر أقولك عليها ،، هو عارفها
انت بتحب ربنا ؟؟ اه او لأ
أه
طيب ليه اه وليه لأ
لأنه يكفي إني خلقني مسلم ودي أحلي حاجة يمكن أعصيه في بعض الأمور بس ربنا عارف اللي جوايا
طيب دليل حبك إيه
حاجات بيني وبين ربنا وهو أعلم بيها

انت بتحب ربنا ؟؟ اه او لأ
أه
طيب ليه اه وليه لأ
لأنه يكفي إني خلقني مسلم ودي أحلي حاجة كلمة ربنا دى حاجة كبيرة اوى ربنا هو اللى بيوفقنا هو اللى بيهدينا هو كل حاجة فى حياتنا يبقى ازاى محبهوش يمكن أعصيه في بعض الأمور بس ربنا عارف اللي جوايا
طيب دليل حبك إيه
حاجات بيني وبين ربنا وهو أعلم بيها

بتحب ؟؟ طيب بتحب حبيبك ليه ؟؟؟ وايه الدليل على حبك ؟؟
انا عارف ان فى ناس كتير هتستغرب ان انا اللى بقول الكلام دا بس هيا دى الحقيقة فيا ريت اى حد عايش الدور ميعذبش اللى قدامه و يضحك عليه .
بس مفيش حاجة اسمها حب ف زمن كل واحد بيدور على مصلحته حتى لو كان هيضر اخوه يبقى ازاى ولد هيحب بنت او بنت هتحب ولد .. و الاكتر من كدا انهم ممكن يكونو بيتسلو سواء ولد او بنت فرحان ان فى حد بيحبه و خلاص لكن مبيقولش لنفسه لو بعدت عنه هيحصله ايه بسبب بعدى عنه هو يبعد وقت ما يبقى عاوز يبعد و يرجعله وقت اما يبقى عاوز يعيش قصة حب شوية .
بمعنى اصح بيعتبر الطرف التانى لعبة حلوة يضغط الزرار يطلع نظرات حب و ابتسامات .. يضغط الزرار اللى بعده يطلع كلام رومانسى كله بئى مقضيها تسالى و مش مهم اللى قدامه دا هيحصله إيه ؟!
مفيش دليل على الحب لأنه أصلا مبقاش موجود و اللى يقولك أنا بحب يبقى أكبر كداااااب فى الدنيا .

انت بتحب ربنا ؟؟ اه او لأ
**أكيد طبعا..ومين فينا مبيحبش ربنا.
طيب ليه اه وليه لأ
**عشان انه خلقنى ف احسن صوره ورزقنى اب وام مؤمنين علمونى من صغري ازاى اكون ملتزم مصلي عارف ربنا حق المعرفه وكانو السبب ف هدايتي لطريق ربنا وكمان علمنى وخلانى قيمه بين الناس الحمد لله باخلاقى وبمعاملتى ليهم.....
طيب دليل حبك إيه
**بحاول اطيعه ف اغلب اوقاتى
بتحب ؟؟
ايوه بحب..
طيب بتحب حبيبك ليه ؟؟؟
عشان ربنا....
وايه الدليل على حبك ؟؟
**الدليل انى بعامل ربنا ف كل حاجه على اد مابقدر وربنا ان شاء الله هيوفقنى طول منا معاه وهيهديني طول منا بحاول ارضيه..فدايما بحاول ادعى بدعاء بحبه اوىىىىىىى(اللهم ارضنى وارض عنى)،لازم الواحد يحاول يرضي ربنا ويعمل عشان ربنا ويحاول يصفى قلبه للى حواليه ويعاملهم زى ماربنا عاوز مش زى ماهو عاوز وربنا هيسعده ان شاء الله..اما بالنسبه لبحبك وانا كمان ففى موضوع هنزله يامستر يعتبر من اجمل الموضوعات اللى قريتها ف حياتى

new boy كتب:: مفيش دليل على الحب لأنه أصلا مبقاش موجود و اللى يقولك أنا بحب يبقى أكبر كداااااب فى الدنيا .[/[/

**لو مفيش حب مكناش هنقدر نعيش اصلا بس للاسف احنا اللى بنفسره غلط عشان كده بنتعب ف الاخر،وبعدين النبي صلي الله عليه وسلم بيقول"لن تؤمنوا حتى تحابوا"او كما قال صلي الله عليه وسلم..الحياه مبتقفش على واحد بتاع مصلحته او اتنين او عشره او عشرين او مليون..الخير موجود ليوم القيامه.

الرسول ص : قال لن تؤمنو حتى تحابو
دا حب بين المسلمين مش حب بين الولد و البنت و اللى على اساسه بيكتمل ايمانك انك بتحب لاخيك ما تحبه لنفسك

الخير موجود بس لما الناس تصفى نفوسها من طبقة الزفت الاسود اللى جواها

new boy كتب:: الرسول ص : قال لن تؤمنو حتى تحابو
دا حب بين المسلمين مش حب بين الولد و البنت و اللى على اساسه بيكتمل ايمانك انك بتحب لاخيك ما تحبه لنفسك

الخير موجود بس لما الناس تصفى نفوسها من طبقة الزفت الاسود اللى جواها

اى حب ف الدنيا طالما مبني على حب الله عمره ما بينتهى ولا بيفشل بس بشرط انه يبقي محسوب بالعقل لان حب الولد والبنت موجود موجود....على فكره انا عندى ليك كام خطبه حلوه لازم تسمعهم..يوم الاربع ابئي فكرنى
air_kiss

لاء متخافش سمعت الكلام دا مليون مرة قبل كدا ... بس يا ريت نبطل شعارات و كلام بنضحك بيه على نفسنا ياريت نفوق بئى شوية
و اللى فى دماغى محدش هيعرف يغيره فمتتعبش نفسك معايا لأنى مقتنع باللى بقوله عشان هو الحقيقة .

دى مش شعارات دا الصح ،عموما كل واحد ف دماغه حاجه مقتنع بيها وفاكر انها صح بس الحب موجود.. و الشاطر اللى يحب صح

بص بطل تضحك على نفسك ... طب أقولك ع حاجة جت فى دماغى حالا

لما لاقدر الله بيحصل حالة انفصال بين زوج و زوجة بعد فترة طويلة 10 سنين مثلا عارف الزوجة بتقول إيه ؟؟
بتقعد تشتم فيه شوية كدا و بعدين تقول دا ضيع عشرة 10 سنين .. خلى بالك مقالتش ضيع حب 10 سنين
و لو منتش عارف الفرق بين الحب و العشرة أسال حد متجوز و يفهمك .

as u like
بس انا مقتنع برايي لانه هو الصح..وبعدين الحب احد اركان العشره.واحسنلك تسمع كتير ف الموضوع ده زى ماقولتلك...

بدام انت مقتنع برأيك سيبنى فى حالى الله يكرمك عشان انا كاره الدنيا باللى فيها و هكرهك فيها انت كمان .

new boy كتب:: بدام انت مقتنع برأيك سيبنى فى حالى الله يكرمك عشان انا كاره الدنيا باللى فيها و هكرهك فيها انت كمان .

حبك مش هيزودنى..كرهك مش هينقصنى،وبعدين ده تناقش بين رايي والراى اللى قبلي بغض النظر عن مين الشخص اللى باعت الرد....
ربنا يهديك وينور بصيرتك ويشرح صدرك ويخفف عنك ويزيل همك.

[center]

خلاص يا جماعه استهدوا بالله كدة

احنا نروح القسم وكل واحد ياخد حقه هناك ..هتنضربوا لحد لما يبانلكوا صاحب هههههههههههههههه

[/center]

وماذا بعد الحب الا الزواج السعيد لمدة كام سنه وبعدين بقى الله أعلم

انا مكنتش قرات الردود لكن فى حاجه اسمها حب النبى عليه الصلاة والسلام مكنش بيفرق مبين زوجاته فى المعامله لكن كان يميل بقلبه الى عائشه اكثر من باقى نسائه وفيه نوع من الحب مش حرام اللى هو الحب الاجبارى زى انك كل يوم بتشوف جارتك فحبتها بشرط انك متتصنعشى انك تشوفها او تحاول تكلمها ويوم ما تعوزها يبقى جواز علطول لكن الباقى كله تزين من الشيطان وده طبيعة البشر لأن ربنا قال(زين للناس حب الشهوات من النساء) فحب الرجل للمراه تزين من الشيطان اما كلمة شهوات فالجنه احيطت بالمكاره والنار احيطت بالشهوات ومن الايه حب النساء من الشهوات نسال الله النجاه

محمد حشيش كتب:: وده طبيعة البشر لأن ربنا قال(زين للناس حب الشهوات من النساء)

"ذلك متاع الحياه الدنيا"

بتحب ؟؟ طيب بتحب حبيبك ليه ؟؟؟ وايه الدليل على حبك ؟؟
اه طبعا بحب ..بحب كل الناس بحب اهلى واصحابى وكل الناس اللى حواليا
لكن مش بحب الحب المعروف دة مش بحب شخص معين يعنى ومش عاوزة احب غير الشخص اللى هيجى يقولى انا عاوز اقابل بباكى غير كدة ميلزمنييييييييييييييييييييييش وانا كدة فل اوىىىىىىىىى

بحب الناس عشان دى فطرة جوانا مش بحبهم عشان حاجه معينه بحبهم ف الله
الدليل ع حبى ان انا مبقدرش ازعل حد منى ممكن ازعل نفسى ولا انى ازعل حد ..بحاول اساعد اى حد ع اد ما بقدر وحاجات تانيه كتيييييييييييير

وياريت بعد مانجاوب نجاوب على سؤالين
انت بتحب ربنا ؟؟ اه او لأ
اه طبعا ..الهى ليس لى سواااااااااااااه
طيب ليه اه وليه لأ
عشان بجد ربنا هو احن واحد ع الانسان وهو بيحبنى اكتر من اى حد وكفايه فعلا انه خلقنى مسلمه وخلانى اعيش ف وسط نضيف مش فييه حاجه تغضبه وحجات تانيه كتير ..نعم الله لا تعد ولا تحصى
طيب دليل حبك إيه

بحاول ع اد ما بقدر انى مش اغضبه ودايما بحط ربنا قدامى قبل اى شخص وقبل اى حاجه وحقيقى ربنا عظييييييييييييم عظيييييييييييييييييم وكرييييييييييييييم ومش بيظلم حد مهما مرت الايام

حبيبى يا الله يكفينى عزا بانى لك عبدا ويكفينى فخرا بانك لى ربا

ماذا بعد الحب؟؟؟؟؟
سؤال جميل بس الاجابة معروووووووووووووووووفة لكل الناس واللي ميعرفهاش يستنى بس شوية هيعرفها لوحده!!!
بس نكسب فيه ثواب ونعرفه دلوقت.....الجابة الفراق طبعا والبعد بقى وشوية عياط ودموع كدا تغسل بيها ذنوبك وندم على كلمة قولتها مش فمكانها الصح...لان بكل بساطةمفيش حاجة اسمها حب....شوية احاسيس نقدر نسميها:ضعف,ذل,بعد عن ربنا...ميكس من كذا حاجة غلط ف غلط...وبما اننا صيادلة هديكوا مثال....في سم ممكن الانسان يفضل ياخده عدد من الساعات يعني ياخده الصبح مثلا ميموتش الا بالليل بس بيبقى ماشي فجسمه طول الوقت دا...اهو كدا الحب..نقدر نحط ع السم دا حاجة طعمها حلو فيفضل الواحد ياخدها ويستطعمها بس مصيره بعد السعادة اللي هو فيها بسبب الطعم الحلو دا هو المووووووووت..فباختصار مفيش حب اساسا,ولو حد عايش قصة وهم او حب لازم هيجي عليه الليل ويظهر اثر السم"فراق"

» وماذا بعد ؟؟؟ !!
» الحب
» الحب الأول.......
» الحب عبر الانترنت
» الحب والغضب...