الحب عبر الانترنت

ان الانترنت وسيله من الوسائل التي تجمع بين الناس اينما كانوا وقد تتكون علاقات صداقه عبره ولكن هناك من يقعون في الحب عبر الانترنت فما رايكم هل هو حب حقيقي ام مجرد تعود وهل من الممكن ان يحدث زواج ناجح عبر الانترنت

ارجو التفاعل لانه موضوع حقيقي وبيقع فيه الكثير من الناس

موضوع جميل اوى
انا شايف ان الموضوع حب على النت ماينفعش خالص يعنى ممكن صداقة وبتحصل كتير

وانا بشكرك على الموضوع الرائع دا

والله مش عارف
ممكن اه وممكن لا
ع حسب
يعني انا اسمع ان فيه قصص كتره مشيت كدااااا
وفيه برده موااضيع فشلت
فممكن اه وممكن لا

يا اخي العزيز وابني الرائع / ادهم ( سندباد )
اذا كان الحب في حالته المتعارف عليه لا يكون صادقا في غالب الاحوال فما بالك بالحب عبر الشات او الانترنت كما تقول انا اعتبره وقت ضائع وخديعة تقوي منها شهوات ورغبات الشباب
عفاك الله انت واولادنا ان تتحكم بك شهوة او تدفعك غريزة الى معصية الله سبحانه وتعالى
جطيعه تجطع النت والنتيت واللي بينتتووا فيه

......يعنى انا من راى ريزو....ممكن اه و ممكن لا....اى حاجة ممكن تحصل ف الزمن ده.....

ليه لا
ليه منحبش عن طريق النت
هو ده السؤال اللى مفروض كل واحد يساله لنفسه
النت زيه زى اى وسيله تعارف تانيه
بل ان ليها ميزة بتميزها عن اى حاجه تانيه
انى ع النت بتحس انك ممكن تتكلم عن نفسك زى ماانت شايفها
طيب بجد وانا عارفه انه ناس كتير هاتستغرب كلامى
انا بحس انه النت فيه مصداقيه اكتر من الحياه العاديه اللى ممككن اقابل فيها حد احبه وارتبط بيه
ع الاقل ع النت مش بيكون فى بالى ابدا انه ممكن يكون بينا اى حاجه من النوع ده
وكمان مش بننخدع بالشكل والمظهر
بنحكم ع الانسان اللى قدامنا من اسلوب كلامه وطبعا لو حبيت تعرف جوانب شخصيه اى حد لازم تتكلم معاه هتعرف اكتر من لو بصيت ع منظره
وكمان انا بشوف انه الحب ع النت بيبقى اقرب للعقلانيه اكتر لانه اللى بيجذبك للشخص دهمش بيكون عنيه ولا نظراته ولا شكله وابتسامته بيكون كلامه واراؤه وتفكيره ازاى شبهك ولالا فيه تفاهم بينكم ولالا

وبعدين بعيدا عن ده كل
انت لو لقيت الانسان اللى تحس انه يستاهل حبك وانه يكون شريك حياتك
مش بتفرق انت عرفته ازاى حتى لو شفته فى الحلم بتبقى عاوز تتطلعه منه
يبقى اسهل بقى انك تطلعه من جوا شاشه الكمبيوتر
ربنا يوعدكم وتلاقو الحد ده ومش هاتفرق بجد عرفتوه ازاى

اسفه ع الاطاله

النصيب هو الحكم في النهايه لكن الناس اللي بضحو موجودين

ولكن الاهم من كده هو الصدق في الاقوال والافعال ولما يبقى موجود اكيد ان التضحيه

حتكون موجوده .
وربنا اعلم ...والالي فيه الخير يقدمو ربنا ..

ميرسي جدا جدا عالتوبيك ده

انا رأيى ان اكتر النت بيبقى مبنى على الكذب

وفى حالات قليله يكون هناك الصدق فممكن ان يكون من ضمن هذه الحالات القليله

حالات حب تبنى على الصدق

لكن الصفه الغالبه عليه تكون الكذب

مفيش حاجه اسمها حب ع النت

دة وهم الانسان بيحاول يقنع نفسه بيه

معاكى يا ولاء
فعلا مفيش حاجة اسمها حب من على النت

الردود كلها جميلة ومقنعة
بس أنا أعرف واحد خاطب وعلي وش جواز وعرفها من علي النت
وواحد زميلي حب واحده من علي النت وراح بلدها وشافها
واتعلق بيها
بس انا مش واثق في الحب من علي النت اوي
ممكن تبقي علاقة كويسة
بس مش في الغالب

النت ده وسيله تعارف مش اكتر من خلاله تعرف ولو جزء من شخصيه اللى ادامك ومن خلالها ممكن تتعلق بيه،بعد كده تقابله وتعجب بيه وممكن تنتهى بحب عادى زى حب النظرات..والله علم ممكن علاقه التعارف دىا تنتهى وكانها محدثتش ودا بيقف علي حسب شخصيه الطرفين وشعورهم تجاه التانى.

» الحب
» الحب والغضب...
» وماذا بعد الحب
» الحب والاعجاب
» رأى الفلاسفة فى الحب