النوع : المساهمات : 983تاريخ التسجيل : 13/02/2009نقاط : 58682
موضوع: ايه احسن حاجة حصلتلك فى 2009 ؟؟؟؟ الثلاثاء ديسمبر 15, 2009 1:56 pm
اذيكو يا دكاترة الفكرة بسيطة جت فى دماغى و أنا قاعد دلوقتى
كل واحد يدخل يقول ايه أحسن حاجة حصلتلو فى 2009 ؟
و عام جديد سعيد و ايامنا تبقى كلها فرح و سعادة
crystalshining27 صيدلي أستااذ
النوع : المساهمات : 978تاريخ التسجيل : 06/03/2009نقاط : 58422
موضوع: رد: ايه احسن حاجة حصلتلك فى 2009 ؟؟؟؟ الأربعاء ديسمبر 16, 2009 2:30 am
بصراحه مفيش حاجه اقدر اقول انها كانت جامدة يعنى
كل الاحداث زى بعض كلها حجات عاديه
انا رديت عشان فكرة التوبيك عجبتنى
اتمنى 2010تكون افضل
بس ممكن اقولك اكتر وقت فرحت فييه من قلبى ف نتيجه الترم الاول ..نتيجه اختى ظهرت يعنى اتذاعت ف المدرج زينا وهيا كانت تانيه ولاقت نفسها شايله مادة بجد كانت صدمه لانها كانت تعبت اوى
المهم يوم النتيجه لما ظهرت ع النت هيا مش كانت ف البيت وانا اللى كنت بجيبهالها وانا بئى بدور عليها ف اللى شايلين مش لاقيها انا قولت هيا دبلرت ولا اييه ههههههههههههههه والله ساعتها قلبى وقع وانا مش لاقياها بس الحمد لله لاقيتها بعد كدة ف جيد بجد فرحت اوىىىىىىىىىىىى ساعتها دى كانت اكتر حاجه فرحتنى
عاوزين نشوف اراء الناس ف التوبيك
وممكن اضيف كمان سؤالين
اييه اكتر حاجه سيئه حصلتلك ف 2009؟؟؟؟؟؟؟؟؟؟؟
وتتمنى يحصلك اييه ف 2010؟؟؟؟؟؟؟؟؟؟؟؟؟؟؟؟؟؟
فكرة حلوة يا عابدين تقبل مرورى
bahy صيدلي أستااذ
النوع : المساهمات : 958تاريخ التسجيل : 18/02/2009نقاط : 58679
موضوع: رد: ايه احسن حاجة حصلتلك فى 2009 ؟؟؟؟ الأربعاء ديسمبر 16, 2009 3:09 am
الحمد لله 2009 كانت سنة سعيدة الى حد ما يعنى حصلى فيها حاجات كتير كويسة كانت البداية نتيجة الترم الاول اللى جت عكس المتوقع تماماً الحمد لله و بعد كدا لفيت شوية فى مصر على قد ما قدرت السنة دى و اكمل السنة الجاية ان شاء الله يعنى روحت حديقة الازهر و وروحت القلعه و كنت كانى بشوفها لاول مرة و عرفت قيمتها قد ايه و روحت الاهرامات و دريم بارك و النيل و التلاته دول احلى حاجه فيهم انى كنت مع اختى فيهم و ان شاء الله هنكمل السنة الجاية الرحلة اللى نفسنا فيها و روحت كمان الحسين و اتسحرت فول و طعمية و بيض و كباية شاى ب 110 جنيه ههههههههههوصليت هناك طبعا . واهم حاجه بقى فى 2009 انى جربت تجربة جديدة و مهمة و اتعلمت منها حاجات لو قعدت اعدها مش هخلص و هى انى اشتغل وما كانش مش بس شغل لانى قعدت 25 يوم بعيد عن البيت الشغل كان فى مطروح فى مطعم كوك دور يعنى خلاص بتعتمد على نفسك معاك حبة فلوس تكفى نفسك بيهم لاخر الشهر و عرفت قيمة الفلوس و يمكن فى واحد من اصحابى هنا عالمنتدى لاحظ ده انا كنت فى اعدادى بصرف كتير جدا السنة دى لو طولت حد يدفعلى المواصلات اهلا و سهلا هههههههه و كانت فسحه فى نفس الوقت مدينة مطروح لحد دلوقتى اجمل مدينة شوفتها . و طبعا و انا فى الشغل لما جاتلى نتيجة الترم التانى مصدقتش نفسى . وحاجة كمان فرحان اوى انى عملتها هى حاجه عملتها انا و اخويا البش مهندس اسلام و هى اننا بيتنا اربع ادوار ووراه بيت قديم للفراخ و البط و الارانب بتاع اسلام البيت القديم ده كان لازم يتهد و يتشال الطوب و السقف الخشب و يترمو و ييجى مكانه مطوب و يتبنى و يتعمله سقف من جديد و يتردم يعنى كان متعب جدا يعنى عايز اقولكم اننا ما كناش بنستريح لمدة حوالى شهر و بعد ما خلص الحمد لله كنت مبسوط جدا و اقف فى الشباك كل شوية ابص عليه و انا حاسس انى عملت حاجه حاسس انى كبرت اهو و ممكن اشتغل و اعمل اى حاجه. طبعا بقى حاجه كمان نسيت اقولهالكم و حاجة مهمة جدا ههههههههههههههه و هى ان الدور الرابع بتاعى صبناه هههههههههههههههههه علشان اخلص كلية - ده اذا خلصت - و اتاهل علطول هههههههههه يعنى اقدر اقول انى 2009 كانت سنة الحمد لله كويسة اوى بالنسبة لى. اما اكتر حاجه سيئة حصلتلى انا دورت كتير ما لقيتش انما فى حاجه افتكرتها هى سيئة و فى نفس الوقت كويسة و هى انى عملت لعبة كدا كشفت بيها واحد من اصحابى كنت فاكره كويس و يستاهل انه يبقى صاحبى بس كشفته علطول الحمد لله ههههههه يعنى يتهيالى دى حاجه كويسة مش وحشة.
اما اللى اتمناه فى 2010 هى حاجه واحدة بس فى الفترة الاخيرة دى بنات كتير من زمايل اختى احنا توام ارتبطو سواء فتحة او شبكة و فى اللى اتجوزو خلاص فانا باتمنى ان 2010 تعدى من غير ما اللى فى بالى ترتبط مش بس 2010 انا بتمنى ان 2013 تعدى من غير ما تكون ارتبطت خلاص هانت عدى 5 سنين و فاضل 4 هههههههههه ربنا يسهل و الحمد لله.
AhmedHelal دكتــــور
النوع : المساهمات : 1462تاريخ التسجيل : 14/02/2009نقاط : 59180
موضوع: رد: ايه احسن حاجة حصلتلك فى 2009 ؟؟؟؟ السبت ديسمبر 19, 2009 8:24 am
بصراحه توبيك جميل جدا جدا جدا،انا بقي عام 2009 فكان ملييييييييييئ بالاحداث الموجعه وف نفس الوقت الكويسه يعني انا كسبت حاجات لكنى خسرت اكتر وربنا يقدرنى واقدر ارجع اللى خسرته هو صعب بس نش نستحيل هههههههه.. اعتقد ان من الحاجات الحلوه اللى حصلتلي ف 2009 وتعتبر الحدث الاكبر ف حياتي واللى كان هيغير مستقبلي (نقول هيدمره)بنسبه 100% وهو نتيجه الترم الاول اعدادى منه لله بيتر بقي لما نده ف الميكروفون وقال راسب وانا روحت شوفتها اتصدمت وانهرت من العياط ف المدرج وزمايلي غلبو فيا ويوميها غرقت تيشرت غريب هههههههههههههه معلش بقي ياغريب امسحها فيا ..المهم بعد يومين(اللى بعتبرهم اسوأ ايام حياتي)لقيت تليفون جالى الساعه تقريبا 8.40 مساء وكان يوم تلات رن مرتين الو مين محمد منصور بيقوللى الف مبروك انت نجحت ومعانا ف اولى والحلاوه بكره انا ساعاتها طرت وكنت هلزق ف السقف بس مسكت نفسي لانى مكنتش معرفهم زى مامسكت نفسي علي قد ما قدرت ف العياط والحزن والحمد لله عدت.
اعتقد الحاجات التانيه أثرت بشكل كبير جدا ف حياتي واللى بعتبر اهمها ناى قدرت اتصاحب علي اخويا الكبير ونفهم بعض تمااااااااااااااااااااااااااااااااااااااااما الحمد لله بعد عنااااااااااء لاننا كنا بعاد عن بعض جدا جدا جدا علي الرغم من انى كنت بلجأله انه يحللي مشاكلى المعقده وبغلبه معايا لكن كنت برضو بحس اننا بعاد اوى عن بعض وبنتخانق علي طول،الحمد لله دلوقتى مفيش خناق ولا حاجه وهو دلوقتى اغلي عليا من نفسي وحياتي واقرب شخص ليا ف الدنيا دي كلها.
واعتقد كمان انى قدرت اغير من شخصيتي واتاقلم مع العالم الخارجى واكتسبت خبره كبيره جدا من الشغل اللى اشتغلته ف الاجازه وعرفت ازاى اتعامل مع ناس عمرى ما كنت اتخيل انى اقابل الناس دى قبل كده والحمد لله قبضت اول قبض ليا ف حياتي من ايدي(400جنيه عدا ونقدا ههههههههههه)ولو ان الراجل نصب عليا ف عشرينايه بس الله يسامحه بقي،وكمان قدرت اكون اجتماعى جدا جدا بعد ماكنت انطوائى جداااااااااااااااااااااااااااااااااااااا وبصراحه فرق شااااااااااااسع بين الاتنين ومش هيحس ده الا اللى كان زىى والحمد لله بقت الابتسامه مش بتفارق وشى والحزن عمره مابيطول معايا ودى ميزه الحمد لله فيا من زمان وبجد بجد ملقتش جمل من الابتسامه.
وكمان حصللي حاجه جميله جدا وهى انى قابلت ناس حبيتهم من قلبي اوىىىىىىى وبقينا اصحاب(نقول اخوات) بجد الحمد لله انى قابلت ناس تفهمنى اخيرا لانى كنت بحس انى عمى مهلاقي حد يفهمنى ولو بعد ميه سنه ودى حاجه بتسعد والدتى جدااااااااااااااااااااا لانها دايما واخده عنى فكره انى(معقد)ودايما لوحدى فالحمد لله انى قدرت افرحها.
اما بالنسبه للحاجات الوحشه فهي كتييييييييييييييييييييييييييير لكن اهمها واللى بعتبرها اسوأ حاجه ف حياتي هى انى بقيت سلبي وكسووووووووووول بعد ماكان بينضرب بيا المثل ف النشاط والحيويه والايجابيه والنصح ف البيت وبره البيت،وده مش من فراغ ده بسبب الزفته الثانويه لعاميه وكمان سنه اعدادى اللى بعتبها اسوأ مرحله ف حياتي...
اما بلنسبه ل 2010 فبتمنى من ربنا حاجات كتيييييييييييييير اهمها انى اقرب منه اكتر واكتر واكتر وانه يبعد عنى الحزن ابدااااااااا،وحاجتين كمان ف بالي واحده عن قريب ان شاء الله هتحصل والتانيه ادعولى تحصل بقي. طولت عليكم معلش.
m7md 3bd elrazik صيدلي أستااذ
النوع : المساهمات : 932تاريخ التسجيل : 23/05/2009نقاط : 57647
موضوع: رد: ايه احسن حاجة حصلتلك فى 2009 ؟؟؟؟ الأحد يناير 03, 2010 11:13 am
جامده جدا الفكره يا عابدين انا عن نفسي سنه 2009 كانت جميله جدا خصوصا من الاجازه الي فاتت تقريبا من رمضان الي فات بالظبط احلي رمضان ف حياتي كلها وكمان اغلي انسان ف حياتي خلاص قرر انه يخطب خلاص واول هدفين ف حياتي كنت مقررهم الحمد لله حققتهم عقبال الاربعه الباقيين يا رب
بس الحمد لله مفتكرشي ان فيه حاجه وحشه زعلتني السنه الي فاتت غير اني اتسرعت ف حاجه وزعلت بعدها بس الحمد لله جدا عشان انا دلوقتي مبسوط اوي عشان احلي حاجه اني نسيتها خالص ومبقيتشي تيجي ع بالي اساسا
يوووه كنت هنسي من احلي الحاجات الي حصلتلي حلوه عيد الاضحي الي فات عشان احلي عيد قضيته مع صحابي بجد كان عيد فلله وبس
AYA صيدلي شغااال
النوع : المساهمات : 266تاريخ التسجيل : 27/02/2009نقاط : 57780
موضوع: رد: ايه احسن حاجة حصلتلك فى 2009 ؟؟؟؟ الأحد يناير 03, 2010 8:59 pm
احلى حاجة فى 2009
انى اشتركت فى المنتدى دا
وعرفت ناس زيكو
.................................
يا
AYA صيدلي شغااال
النوع : المساهمات : 266تاريخ التسجيل : 27/02/2009نقاط : 57780
موضوع: رد: ايه احسن حاجة حصلتلك فى 2009 ؟؟؟؟ الأحد يناير 03, 2010 9:18 pm
اوحش حاجة بقى فى 2009
انى اشتركت فى المنتدى ده برضو
هههههههههههههه لا طبعا بهزر
مفيش حاجة وحشة الحمد لله حصلت
اما بقى بالنسبة ل 2010
فانا نفسى
السنة دى تعدى بسرعة جدااااااااااااااااااا
عشان اللى فى بالى يحصل باذن الله طبعا
ويارب تكون سنة لذيذة
AYA صيدلي شغااال
النوع : المساهمات : 266تاريخ التسجيل : 27/02/2009نقاط : 57780
موضوع: رد: ايه احسن حاجة حصلتلك فى 2009 ؟؟؟؟ الإثنين يناير 04, 2010 11:26 am
ع فكرة يا جماعة الكلمة اللى فى اول رد ليه
مش شتيمة
ههههههههههه
دى احلى منتدى
بس مش عارفة ليه الكلمة احولت
يا انا اللى احوليت
يعنى اقروها من اليمين للشمال
ههههههههههههههههههههههههههههههه
وتسلم يا عابدين ع الموضوع
ضي القمر Moderator
النوع : المساهمات : 936تاريخ التسجيل : 26/02/2009نقاط : 58908
موضوع: رد: ايه احسن حاجة حصلتلك فى 2009 ؟؟؟؟ الثلاثاء يناير 05, 2010 11:06 am
والله يا دكتوركل سنة أكيد بيبقى فيها لحظات حزن ولحظات فرح
وطبعا اللى بيبقى غالب الحزن بس بجد بسيطر عليه
بلحظات السعادة اللى مريت بيها
..........................
هو صحيح حصلتلى مفاجات كتيرة اوى
وغريبة جداااااا... .......................
بس الحمد لله ثقتى فى نفسى زادت عن قبل كدااااا
وعرفت ناس كتيرة بجد حبيتهم اوى
وهما بيعتزا بيا وبيحترموااااا شخصيتى جدااا
وخصوصا اهلهم...يعنى حاجة جامدة جدااا
...........................
واهم حاجة ان الناس تثق فيك...وتحكيلك مشاكلها
وتاخد برأيك....
الحاجت ددى مش كانت بتحصلى قبل كدا لانى كنت منطوية جدااا
............................
طبعا فيه حاجات جميلة حصلت بس على المستوى الشخصى جدااا
