رأيى فى المنتدى ..... عاوز نقاش راقى و بالعقل هنصلح كل حاجة

أولا : أحب أرحب بيك معانا في المنتدي إنت بتقول أنا جديد بس إنت مش جديد ومكنش ليه داعي أنا متابع من برة والكلام دا وتسجل عضوية جديدة ليه دا كله
إنت مش ناقد وبتقول في ردك اللي فات " انا بحب الصراحة "
فياريتك كنت صريح من الأول وبلاش اللف والدوران يا د / أحمد
------------------------------------------------------------------------
هرد عليك كلمة كلمة
***.......... بس للاسف لقيت المنتدى مرة واحدة مات ( إن صح اللفظ ) مبقاش فيه الروح اللى كانت موجودة او بمعنى اصح استبداد مجموعة برايها و محاولة فرضه على المجموع ..... فطبعا وجدو ان فى ناس رفضت الوضع منهم اللى ساب المنتدى كنوع من الاعتراض على موقف او طريقة كلام او حذف رد او موضوع
وزى ما شوفتو ان المنتدى خسر اعضاء كتير بسبب كده !!!!!


- إستبداد مجموعة برأيها ؟؟ هقولك إحنا عمرنا ما إتشددنا في رأي أو نفذنا قوانين بجد إحنا بنأخد العملية هزار لأن كل الناس هنا أخواتنا واصحابنا
وبعدين في شوية مشاكل وإنت أكيد أدري بيها وكل هيرجع زي الاول
والناس اللي سابت المنتدي فترة وبترجع لان إحنا أصحاب قبل أي شئ
ورجوعهم دا شئ يسعدنا وينور المنتدي .

***بس للاسف لسه محدش حس بكده و غير من نفسه و كل واحد فى فإيده عصايه بيضرب اللى يقرب منه بيها !!!!!!!

---حلو أوي تعبير العصاية دا محسسني إننا في حرب إحنا أخوااااااااااااات ؟؟ وأي إجراء سواء حذف أو إيقاف موضوع فدا لصالح العضو مش في صالحنا لأن دا بيأثر عليه وغحنا بنحاول الجو العام يبقي كويس بدون مشاكل .

***عاوز اتكلم عن حاجة تانية برده فى موضوع اسمه ( ايه رايك فى هيد المنتدى ) كتبه عضو بتقولوله ( المستر ) مش عارف هو مستر بجد و لا اسم مستعار المهم الادمن كتب رد بيقول فيه الاتى :
اولا بعتذر لاحمد هلال بالنيابه عن اداره المنتدي عن حذف الرد
ثانيا مستنين توضيح وسبب مقنع لحذف الرد " كظمت غيظي " من المستر وانا اول واحد
ثالثا بلاش كل حاجه نقول سلام وانا هسيب المنتدي احنا اكبرمن كده و نتفاهم بالراحه
اللى حصل بعد كده ان المستر مقالش السبب و ده بيدل على انه مش متوقع إن فى حد هيحاسبه !!!!!!! و الرد بصراحة مفيهوش اى حاجة مش عارف بقى مزاجه كان متعكر فحذف الرد و ملحوظة إن حذف ردود العضو احمد هلال مش اول مرة و برده الادارة مكنتش بتوضح السبب !؟!؟!؟!؟!؟!

-- ياريت يا د / أحمد وإنت أكتر واحد عارف مستر مجدي وتسأل بالطريقة الغير لائقة دي عيب في حقك إنت مش في حق المستر ودا واحد أكبر منك علما ومقاما وأكيد إستفدت منه أو نصحك نصيحة دا إحنا ياراااجل كنا بنقعد معاااه أكتر ما بنقعد في بيوتنا
ياريت تفتكر دا وتقدر ::: عجبي بجد
وبعدين بتقول تاني دا مزاجه مكنش رايق فحذف الرد ؟؟؟
ياريت تكلم بأسلوب أفضل من كده ويكون الكلام كلام ناس في صيدلة علي حد تعبيرك
وبعدين المستر رد وياريت تشوف موضوع المنتدي الأدبي " د/ شافعي " هتلاقيه رد
وكمااان أحمد هلال وعلي ريشة ردوا
وكلنا وضحنا السبب
وأحمد هلال عصبي شوية وساعات ردوده بتيجي اوفر فانا أو الإدارة بتحافظ عليه وتحذف الرد

***ثانيا اللى بيحصل من ان عضو يبقى عامل موضوع علشان يناقش حاجة يروح واحد من الادارة يكتب رد و بعدين يقفل الموضوع ليه معرفش ..... خايفين تتكلمو و لا ايه مش عارف !!!!!

إحنا مش بنخاف نتكلم الموضوع ساعات بيخرج عن الهدف الأساسي ساعات المنتدي الرياضي موضوع عن بطولة نقلبه غلط في الأهلي والزمالك يبقي مش عايزيني أقفل الموضوع أو أحذف رد


*** ثالثا فى اعضاء اتغيرت بعد اما حصلت حاجات معينه و للاسف اتغيرت للاسوء و زعلو ناس كتير منهم بيتهيالى كلامى مفهوم

-- إذا كنت تقصد د / نورا فشئ طبيعي لما حد ينتقل لمركز يقدر يتحكم بيه الناس مش بتبقي متقبله مش عارف ليه مع إني شايف إنها بتعمل مواضيع عااادي جدا كأنها عضوة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مش فاهم فيه إيه

***رابعا اللى حصل فى المنتدى الادبى كان من احسن منتديات المنتدى من ان فى اعضاء كتير سابته ...... زى د/لبنى و د/مى و ظهور اعضاء فى المنتدى و اختفئهم مرة واحدة زى د/ندى و دكاترة تانين مش عاوز انسى حد و الحداد اللى عمله د/الشافعى ..... و اللى حصل مع د/عابدين بصراحة ليه حق يسيب المنتدى!!!!!!( بدون تعليق ) !!!!!!!
ليه يا جماعة كده ؟؟؟؟؟؟؟؟؟

---- كل واحد عنده ظروف وياريت يرجعوا وينورا المنتدي ودا شرف لينا والله
والشافعي ربنا معاااه شغاااااال وبيقبض هههه وبخصوص د/عابدين إنت أكتر واحد عارف لأنك صاحب الموضوع


-------------------------------------------------------------
سلامي ليك يا د / أحمد عابدين ياريت تتقبل مروري