استفسارتنا

موضوع: استفسارتنا الخميس أكتوبر 08, 2009 9:15 pm

تذكير بمساهمة فاتح الموضوع :

بسم الله الرحمن الرحيم

اذيكوا يا دكاترة يارب تكونوا بخير

التوبيك دة انا عملته عشان اللى عندة اى سؤال ف اى مادة يدخل يسال وان شاء الله يلاقى اجابه من باقى الاعضاء وارجو التفاعل من كل الاعضاء

وانا هبدا كان عندى استفسارين

الاول بالنسبه للفسيولوجى ف جزء respiratory كنت عاوزة حد عارف شرح mechanism of respiration ياريت بجد يكتبه ف ايجاز وف نقط مفهومه لان الكتاب حاسه انه ملخبط اوى

التانى بالنسبه للعقاقير كنت عاوزة حد كتب uses of senna بس تكون كامله لان الدكتورة قالت حجات كتير ف المحاضرة بس ف الورق مش لاقيت غير استخدام واحد بس تقريبا

ياريت يا دكاترة تجاوبولى بسرعه ويارب فكرة الموضوع تكون عجبتكوا ومستنيه تفاعل من الجميع

والسلام عليكم

موضوع: رد: استفسارتنا السبت أكتوبر 24, 2009 8:34 pm

ميرسى كتير ليكى يا سمسم وفعلا الجزء بتاع الروشته دة مهم جداااااااا يا جماعه وبيتكرر كتير ف الامتحنات

بس بصراحه المادة من محاضرة النهاردة مش حاسه انها بئت معلومات عامه خااااااااالص دى بئت معلومات خاصه جداااااا هههههههههههههههه اصل بصراحه المحاضرة كانت بايخه شويه النهاردة

المهم بئى كنت عاوزة اخد رايكوا اذاكر جزء الدكتورة ميرفت من الكتاب ولا من ورق دكتور عمرو ياريت تقولولى رايكوا مع العلم ان مذاكرتى ف الكتاب بضيع وقت كبير بس بتفهم اكتر بس انا بصراحه محتارة ياريت تفيدونى وشكرااااااااا

موضوع: رد: استفسارتنا السبت أكتوبر 24, 2009 8:55 pm

بصي يا ولاء
انا جزء دوك ميرفت دوت حضرتلها المحاضره وكتبت وراها شويه ملاحظات كدا بالعربي يعني تفهمني
فبقيت بذاكر جزءها من ورق دوك عمرو طبعا .. وفاتح الكتاب وممشيهم الاتنين مع بعض
يعني بكملهم الاتنين من بعض

فلو انتي مش عماله زيي كدا وعايز تخلصي ف الانجاز ع طووول
عشان الوقت للمواد التانيه وكدا يعني
فاكيد طبعن ورق عمرو ..... وبعدين انتي اساسا خدتي ع الملزمه بتاعته من اعدادي وعرفتي طريقته
حتي لو مش بتاخدي عنده كورس
فبالنسبه لك هيبقي سهل
وبعدين دوول كلهم 16 صفحه بجد سهلين ... مع اني لسه مش خلصتهم بس بجد جزء دوك ميرفت دوت لذيذ جدااااااااااااا
ركزي انتي بس ف كموووله
وربنا معااااااااااااناااااااااااااااااا يا رب ونعدي الشيت ع خير
..........................................................
يا جماعه بليز ممكن حد يقولي
احنا واقفين ف الهستولوجي لحد فين ؟؟؟
عشان انا تايه بجد فيها
لو حد جاب الكتاب يقولي بس ع ارقام الصفحات عشان ابدا اذاكرها

وميرسي

موضوع: رد: استفسارتنا السبت أكتوبر 24, 2009 11:21 pm

دا انتوا شغلتوا الموضوع دا جامد

حكاية السيوتكس دى حكايه ماده رخمه ومفيهاش أى فهم يعنى بالعربى أكترها بيتحفظ

نيجى لجزء ميرفت من أسهل أجزاء المنهج على ما سمعت وعمرو مجمعه كويس أوى بس

أنا بحب أراجعه تانى من الكتاب يعنى مع بعض

الهستولوجى بقى يا ريزوا احنا أخدنا لحد الanal canal شوفها فين فى الكتاب وذاكر

لحد عندها يعنى خلصنا الديجستف سيستم

وربنا معانا جميعا

موضوع: رد: استفسارتنا الأحد أكتوبر 25, 2009 6:45 pm

ميرسى ليكوا يا جماعه والله وفعلا ورق عمرو بينجز اوىىىىىىىىىى

المهم اللى حضر النهاردة محاضرة الاورجانك لو الدكتورة نبويه هى اللى دخلت ياريت تقلولى نظامها اييه يعنى جامدة ف الشرح ولا زى نااااااااااااس

لانى بجد قلقانه اوى عشان لو مش طلعت كويسه هتكون كارثه بالنسبالى

ف انتظار ردكوا

لو سمحتوا يا جماعه الناس اللى عملت البحث انا اكتب اييه ف جوجل عشان الاقى كلام ينفع للبحث دة

لان كل لما اكتب حاجه الاقى اللى يظهر اعراض المرض وحجات من دى يعنى كلام مش لييه علاقه بالاجتماع ياريت تردوا عليا بسرعه عشان عاوزة اعمله دلؤقتى باذن الله

ف انتظار الرد

إزيك يا لولو
بصى يا ستى
إنتى إن شاء الله تبدأى الموضوع بإن المجتمع به كثير من المشاكل و تتكلمى شوية عن مشاكل المجتمع وبعدن تقولى إن من المشاكل دى مشكلة مرض إنفلونزا الخنازير وبعدين تعرفى المرض وسبب نشأته وأعراضه وكيفية الوقاية منه وبعدين بقى تمسكى الجانب الإجتماعى اللى هو موقف الدول نحو المرض والإجراءات التى تمت فى جميع أنحاء العالم

والله الموفق من قبل ومن بعد

نعممممممممممممممممممممممممممممممممممممممممممممممممممممممممممممممممممممممممحرام عليكى يا سما انا عوزة اى لينك ادخل علييه وانقل كلمتين واخلص

مش لسه هقعد افكر بئى واجيب كلام من دماغى

اكتب اييه بس ف جوجل قوليلى كلام يوصلنى لحاجه

ثوانى بس هجيبلك كام موقع كويس تكتبى منه
scoter

[center]اوك يا باهى معاك[/center]

نسيت أقولك أهم حاجة
عنوان البحث
الوعى الإجتماعى ومشكلات المجتمع المصرى
إنفلونزا الخنازير
دراسة حالة

إدخلى على جوجل وإكتبى بس العناوين اللى انا قلتلك عليها دى وإن شاء الله هيكون أحلى بحث
ومتنسيش تدعيلنا إحنا والمسجد الأقصى

بالنسبة لانفلونزا الخنازير ده موقع اكتبى منه هو يمعمله بتاع 11 صفحة كدا من غير ما تسبيى سطر بس انتى سبيى سطر و اختصرى و هو فيه العناصر و كل حاجه يعنى هو بحث اساسا
http://ar.wikipedia.org/wiki/%D8%A5%D9%86%D9%81%D9%84%D9%88%D9%86%D8%B2%D8%A7_%D8%A7%D9%84%D8%AE%D9%86%D8%A7%D8%B2%D9%8A%D8%B1
وده موقع منظمة الصحة العالمية لو حبيتى تكتبى منها بس الموقع الول احسن و انا كاتب منه
http://www.who.int/csr/disease/swineflu/faq/ar/index.html
ثوانى هجيبلك بقى الوعى الاجتماعى
scoter

ده الموقع اللى انا كتبت منه معلش اتاخرت اصلى كان معايا تليفون
http://www.moqatel.com/openshare/Behoth/Mnfsia15/SocialCons1/sec01.doc_cvt.htm

ولا يهمك يا باهى

بس انا لاحظت حاجه ان اللينك بتاع الوعى دة بيتكلم عن الوعى الاجتماعى بس مفيش انفلونزا ولا حاجه انقله عادى ولا اييه

أهم حاجة يا ولاء الله يكرمك
ركزى ع العنوان اللى أنا قولتهولك

اوك يا سما وميرسى كتير ليكى

لا يا ولاء الانفلونزا من الموقع اللى اديتهولك الاول
انما التانى ده اللى قولتلك كتبت منه قصدى كتبت منه عن الوعى الاجتماعى بس انما الانفلونزا من الاولانى

ميرسى والله يا باهى

وليكى يا سما طبعا

مش عاوزة اقولكوا بئى يا جماعه انا عملت بحث ........لو كان الدكتور قراه كان هيرميه ف وشى هههههههههههههه

المهم بئى عاوزة حد يقولى ع ارقام صفح الانتومى بتاع محاضرة دكتور ممدوح يعنى الدكتور شرح صفح كام بالظبط ف الكتاب

وشكرا ليكوا يا جماعه

والله إللى يعرف يقول لأن أنا محضرتش المحاضرة
إزيك يا لولو

تمام الحمد لله ازيك يا قمر

لا انا حضرت بس قعدت ادور ف الكتاب مش عرفت اركز معاه فقفلت الكتاب وقولت اركز وياريتنى فهمت ههههههههههه

دى الصفحات اللى شرحها هقولهلكم وادعولى بقى

بدايه من صفحة 105 كلها طبعا

و106 كلها برده و107 رسومات و108 كلها و109 كلها و110 رسومات و111 كلها

و112 كلها و113 اول سطرين فيها

وربنا يخليهولنا ويدينا دايما كده طول السنه علشان ميلاقوش حد ينجحوه

ربنا يخليك يا على يارب

بس اييه دة كله والمحاضرة دى كلها كانت ف ساعه دة استهبال والله

يلا ربنا معانا ونعرف نذاكرها

ممكن يا جماعه حد يقوللي هو شبتر 3
ف الاتونوميك معانا ولا لأ ؟؟
انا اللي اعرفه ان هو شبتر واحد واتنين واربعه
......................
وبليز يا جماعه .. اي حد يكون حضر لدوك كامل
هل هو خلص الكربوكسيلك اسيد بس ؟
ولا ادي حاجه بعدها
وهل هو قال هييجي لحد فين ف الشيت
عشان بجد اكتر حاجه خايف منها بجد هي الاورجانيك
ربنا يستر

والله يا ريزو الدكتورة هالة قالت

انها هتحدد اللى هيجى فى امتحان الشيت
المحاضرة اللى جاية

يعنى بكرة ان شاء الله بالنسبة لمجموعة أ

..........................

أما بالنسبة للدكتور كامل

فاحنا اخدنا ف مجموعة ب لحد صفحة 60

********************

انا بقى عندى سؤال بليييييييييييز يا جماعة حد يقولى اعمل ايه

بخصوص الدكتورة هالة فى جزء الاتونوميك

انا بكتب وراها بس المشكلةانى لما جيت اقارن اللى هى كاتباه بالكتاب لقيتها ملخصة جدااااااا
والكتاب فيه كلام كتير

طيب عمل ايه ازاكر من الكتاب ولا من المحاضرة

طيب هو فية ورق بيزل وموثوق فيه ولا ايه

شكراااااااااا جزيلا

بسم الله الرحمن الرحيم

اذيك يا دوكتور

حضرتك لو بتسال على ورق فيه ورق فسيولوجى الدكتور وحيد جميل اوى فى مكتبة خالد

لو حضرتك تشوفه ورق حلو تعرف تذاكر منه ان شاء الله

ميرسي جدا ليكي يا نوري
فعلا زي ما احمد قالك ورق وحيد حلو جدا ومنظم اوي
انا شوفته وعجبني اوي
اما للدوكتور كامل فانتي بتقولي انه اداكم لحد 60
يعني هو حدد الشيت ولا لسه ؟؟