استفسارتنا

موضوع: استفسارتنا الخميس أكتوبر 08, 2009 9:15 pm

بسم الله الرحمن الرحيم

اذيكوا يا دكاترة يارب تكونوا بخير

التوبيك دة انا عملته عشان اللى عندة اى سؤال ف اى مادة يدخل يسال وان شاء الله يلاقى اجابه من باقى الاعضاء وارجو التفاعل من كل الاعضاء

وانا هبدا كان عندى استفسارين

الاول بالنسبه للفسيولوجى ف جزء respiratory كنت عاوزة حد عارف شرح mechanism of respiration ياريت بجد يكتبه ف ايجاز وف نقط مفهومه لان الكتاب حاسه انه ملخبط اوى

التانى بالنسبه للعقاقير كنت عاوزة حد كتب uses of senna بس تكون كامله لان الدكتورة قالت حجات كتير ف المحاضرة بس ف الورق مش لاقيت غير استخدام واحد بس تقريبا

ياريت يا دكاترة تجاوبولى بسرعه ويارب فكرة الموضوع تكون عجبتكوا ومستنيه تفاعل من الجميع

والسلام عليكم

والله يا ولاء انا يوم السبت كنت رايح منفض فمحضرتش غير اول ساعه من الفسيولوجى و مكنتش مركز بس صورتها هدور على الورقة و اول ما الاقيها هكتبلك الميكانزم علطول.
اما بالنسبة للسنى ففى تلت حلول :
تشوفى حد كتب المحاضرات
تشوفى فى كتاب السنة اللى فاتت
تبحثى على النت و انا شخصيا برجح الحل ده

والله يادكتورة ولاء دا اللى انا كتبتة فى المحاضرة انا ماصورتش الورق مش عارف اية اللى مكتوب فية

بس انا كتبت دا

useful purgative (laxative) espcialy in cases of habitual consuption linked to drug treatment

اما للسؤال التانى انا ذاكرتة من الرابط دا ياريت يفيدك

http://www.ask.com/bar?q=mechanism+of+respiration&page=1&qsrc=0&ab=2&u=http%3A%2F%2Fwww.scienceclarified.com%2FQu-Ro%2FRespiration.html

حبيبة قلبى
إزيك يا لولو
هو إنتى يا بت مش هتبطلى الأسلوب ده
مش تسألينى انا الأول
هو إنتى يعنى مش عارفة إن أنا ببقى مركزة فى المحاضرة
ولا يهمك يا قمر
هههههههههههههههههههههههه
بصى يا ستى
نبدأ بالعقاقير
uses of senna
1*is useful purgative (laxative) espcialy in cases of habitual constipation linked to drug treatment
2*in preparation for radiology or coloscopy
3*softening stool phor to anorectal surgical processes
هى دى يا ستى اللى الدوكتورة قالته فى المحاضرة
بصى بقى
لو عايزة mechanism of action of senna إبقى قوليلى و لو عايزة بقى
prolonged use أنا فى الخدمة
سلام يا قمر

نيجى بقى للفيسيولوجى
اللينك اللى دوكتور. على جابه لذيذ جدا وجميل
جزاكم الله خيرا
لكن لو عايزة شرح عادى(بالبلدى) زى ما الدوكتورة قالته فى المحاضرة أوك
تعاليلى يا توتو
طبعا لازم تكونى عارفة أعضاء التنفس وكمان الuses بتاعتها
زى nose -blood- traciea...............etc
بصى يا ستى
sneezing reflex: occur in the nose being exposed to irritant odour
يعنى إيه بقى الكلام ده
يعنى إنتى مثلا لو شميتى ريحة نفاذة زى مثلا كمون او فلفل إيه اللى بيحصل
فاكرة إنتى الفعل و رد الفعل
زيها بالضبط
receiptorاللى هو nose هيستقبل الريحة دى يقوم affrant اللى هوvagus اللى هو العصب اللى هيوصل الactionده للمخ اللى هو يعنى c.n.s(central nervous system)وبعدين يبعتreaction مع effrantيبعته للمستقبل اللى هو يعنى effectorفيحصل العطسة

هتقو ليلى إيه علاقة دوت بالتنفس
لو صبر القاتل على المقتول كان مات لوحده
كنت لسة هاقوللك
ماهو يعنى إيه sneezing reflex
هاقوللك يا ستى
short inspiration following of strong expiration
هتقولبلى يعنى إيه
هاقوللك يا ستى يعنى لما بيحصل العطسة دى بيصبح pressure : 100 ml murcury
يعنى الضغط بيزيد جوة الرئتين فلما الضغط يزيد تقوم الرئة طاردة الهواء لبرة وبالتالى يحصل الشهيق والزفير وكذلك معcouph reflexمع إختلاف الميكانيزم

بعد كدة يا ستى بقى نيجىللexternal mechanism of breathing
لما بيحصل الشهيق بيزيد الضغط جوة وبالتالى هيزيد حجم الرئة مش هتلائى حل غير إنها تضغط على الحجاب الحاجز اللى هوهdiaphragm فيقوم تترفع المعدة وكذلك عظمة القص اللى هىsternum وبعد كدة يحصل winging of ribs
والعكس بيحصل فى الزفير
يا رب أكون قدرت أفهمك حاجة
أنا قلت من اللى انافهمته

والله اعلم

وعلى فكرة الفكرة حلوة قوى
جزاكم الله خيرا

ياااااااااااااااه يا باهى مش ممكن افدتنى جااااااااااامد اييه دة يا ابنى بص مش عاوزة اشوف وشك ف التوبيك دة تانى ههههههههههه ورايح منفض من اول يوم امال اخر يوم هتعمل اييه هههههههه اوعى تزعل انا بهزر

ميرسى يا على والله ع اللينك الجامد دة وربنا معانا

اما انتى بئى يا سمسم اييه دة شكلك هتجيبى امتياز زيى ولا اييه لالا مليش دعوة هاتى انتى جيد جدا خليلى انا الامتياز ههههههههه

ميرسى والله يا قمر افدتينى كتييييييير وخلاص انا لاقيت باقى الحجات بتاع العقاقير
ميرسى كتير ليكى

وانتظرونى ف اسئله ف محاضرة دكتور كامل يلا ادخلوا ذاكروها ع ماجيب الاسئله واجى هههههههههه

يلا سلااااااااااااام

بس بقولك اييه يا سما الكلام اللى عن sneezing reflex انا مش شوفت vagus...affrant دول قبل كدة يعنى انا اعرف كلام تانى عن sneezing reflex دة كلام داخل فييه trigeminal nervr وحجات من دى يا ترا الدكتورة هى اللى قالت عن vagus..affrant ف المحاضرة ولا اييه وميرسى كتير ليكى يا قمر

ومعانا دلؤقتى محاضرة الاورجانك لدكتور كامل

بصوا يا جماعه بجد لان المحاضرة دى انا تايهه فيها اوى ومش عارفه اجمع فيها خالص

اول حاجه هو الجدول اللى ف صفحه 3 ف الجزء بتاعه ف الكتاب هو دة اللى قال احفظوه وانا حاسه انه مش هو دة فياريت لو حد كان كتب الجدول دة وراه ينزله

تانى حاجه بئى هو القانونين اللى اخدناهم ف المحاضرة بتوع دلتا G يعنى اييه دخلهم ف carboxylic acid وكمان يعنى اييه pkea سورى هو الحروف كلها ف مستوى واحد بس اكيد انتوا فاهمين انا اقصد اييه

تالت حاجه بئى هو احنا اخدنا لحد فين بالظبط من الكتاب وفعلا احنا اخدنا preparation of carboxylic acides ولا اييه عشان فييه ناس قالت ان احنا اخدناهم بس انا مش حاسه انى سمعت حاجه زى دى ف المحاضرة

ياريت يا جماعه حد يرد عليا بسرعه وشكرا جزيلا للجميع
والسلام عليكم

وانا بضم صوتى لصوت ولاء يا ريت نعرف احنا خدنا لحد فين علشان انا ما حضرتش المحاضرة happy1

انا معاكو يا جماعه
ف اي حاجه تطلبوها مني
وان شاء الله اقدر افيدكم ف الحاجات اللي هفهمها
بس من الاسبوع الجاي اللي هو من بكره يعني عشان انا الاسبوع دا كنت واخده راااااحه

ان شاء الله الواحد يبدا يلتزم شويه بأي
خلاص الشيت كمان كام اسبوع

بجد تسلم ايديكي يا ولاء
ع التوبيك الحلو دا

انا معاكو يا جماعه
ف اي حاجه تطلبوها مني
وان شاء الله اقدر افيدكم ف الحاجات اللي هفهمها
بس من الاسبوع الجاي اللي هو من بكره يعني عشان انا الاسبوع دا كنت واخده راااااحه

ان شاء الله الواحد يبدا يلتزم شويه بأي
خلاص الشيت كمان كام اسبوع

بجد تسلم ايديكي يا ولاء
ع التوبيك الحلو دا

ربنا يخليك ياريزو ويارب نقدر نفيد بعض كلنا

وياريت يا جماعه مشاركات وتفاعل اكتر

والناس اللى حضرت المحاضرة ياريت تفيدنا

واى حد عندة اى سؤال ياريت يدخل ويسال لان اكيد كلنا هنستفاد ونحقق الهدف الرئيسى من المنتدى

ومستنيه مشاركه الناس الدحيحه اللى ع المنتدى انا بحسد بس يعنى ههههههه المنتدى كله ناس حريقه ودحيحه من الدرجه الاولى اما اشوف بئى هيفدونا ولا اييه

يلا سلاااااااااااااااااام

موضوع: رد: استفسارتنا السبت أكتوبر 10, 2009 8:07 am

والله يا ولاء لما تعرفى ابقى قوليلى
هو احنا مش حضرنا المحاضره دى برضه؟؟؟؟؟.......يلا ما علينا ولا فاهمه اى حاجه من اللى بتتكلموا عليه ده اصلا
خير خير اكيد هنفهم فى الاخر
وانا زيكم باضم صوتى لصوت اى حد مش فاهم اى حاجه فى اى حاجه يعنى من الاخر اللى فهم يقول
صحيح يا ولاء الفكره جامده جدااااااااااااااااااااااااااااا

موضوع: رد: استفسارتنا السبت أكتوبر 10, 2009 6:44 pm

بجد فكره هاااااااااااااااااااااايله وانشاء الله نقدر نفيد بعضنا ونستغل النت حاجات مفيده بدل الحاجات الفاضيه التانيه.

موضوع: رد: استفسارتنا السبت أكتوبر 10, 2009 6:46 pm

وياريت الموضوع ده يتثبت....

ما شاء الله عليكم........بجد يعنى....ركزو بقا عشان هتشرحولى كتيييييييير جداااااا Icon13

هههههه
طويب يا لبني..... احنا ف الخدمه بس طول مانتي بعيده عن " كموووووله " حبيبي
.............
ان شاء الله يا جماعه نبدأ اسئله من بكره بقي نكون بدأنا مذاكره ف الحاجات اللي خدناها الاسبوع دا
...........
وربنا معانا كلنا يا رب
ونعدي ع خير الترم دا

..................................................................................

...........................ربنا معانا ان شاء الله.................................

ان شاء الله

ربنا معانا يا جماعه كلنا يارب
بقولكوا سؤال صغنون كده
احنا اخدنا فى جزء دوكتر ميرفت لحد فين؟؟؟

اذيك يا مينو نورتى المنتدى تانى يا قمر وياريت متغبيش تانى

انا مش هقدر افيدك اوى لان انا مجموعه ب والمجموعه دى متاخرة عن مجموعه الف

بس عموما هى ف ب شرحت اول 6 صفح ف الكتاب من amines

وف انتظار اسئلتكوا يا دكاترة وانتظروا اسئله منى باذن الله

ازيك يا اماني
نورتي من تاني منتداكي
حمد الله ع السلامه

بصي هو احنا خدنا ف مجموعه ب_ واقفه عند تصنيع الامينز
لسه هتبدا فيه من المره الجايه
و ف مجموعه أ_ خلصو التصنيع وخدو اول ريأكشن ف الامينز بس

الله يسلمك يا ولاء و يا محمد ربنا يخليكوا و المنتدى بنور بيكوا و الله
و ميرسى يا محمد على المعلومات دى
سورى لو تعبتكوا
يلا انا عاوزه مزاكره ناااااااااار

يا جماعه بليز حد يقولى احنا واقفين عند صفحه كام او لحد جزء اييه ف BLOOD

ياريت تردوا عليا بسرعه

سلااااااااااااااااااااااااام

والله يا ولاء كان نفسي افيدك
بس للاسف مركزتش مع دوكتور حسااااااااام خاااااااااالص ف المحاضره بتاعته
لو عايزه اي حاجه ف الاوتونوميك او د/روميساء
اوك مفيش مشكله