A pharmacy victim
صيدلي متميز
النوع : 
المساهمات : 339
تاريخ التسجيل : 21/07/2009
نقاط : 56468
 |  موضوع: حوار بين بنوتة صغيرة وابيها الثلاثاء أغسطس 25, 2009 3:13 pm | |
| بمنتهي البراءة
سألتني
بنتي نور
ف أربع خمس
أمور
مش ف كتاب القراءة
قالتلي بابا بابا
مش إنت .. يا بابا
بتكتب أغاني
وتقول أشعار
أنا سمعت
الشيخ يا بابا
بيقول إنك يا بابا
ها تروح النار
زي الوحشين يا بابا
الحراميين الكفار
قوللي يا بابا
يعني إيه إستعمار
يعني إيه نيل
يعني إيه هرم
ومين اللي حط
النسر فوق العلم
يعني إيه يا بابا
إستفتاء
و يعني إيه إنتخاب
ويعني إيه حر
ويعني إيه نصاب
يعني إيه إختلاس
ويعني إيه هجاص
ويعني إيه خصخصة
يعني إيه يا بابا
دستور
يعني إيه معارضة
ويعني إيه مظاهرة
وليه النهاردة
خدنا أجازة
م المدرسة
قوللي يا بابا
يعني إيه قهر
وفين
خط الفقر
ويعني إيه حظ
ويعني إيه زهر
يعني إيه يا بابا
حريه
يعني إيه إنسان
ويعني إيه سرطان
يعني إيه يا بابا
خربوها
وكنت فين لما خربوها
ومين دول يا بابا
ولاد القطقوطة
ومين دي
سمارة يا بابا
وإزاي يا بابا
ضاعت من قلبك
يا بابا
إنت معايا
فيه يا بابا ناس
بتقول كفايه
وفيه كمان عساكر
مسكين عصايا
وبنات متعورين
وتانين
ماشين بيضحكوا
هما دول إسرائلين
يا بابا
ويعني إيه
ويعني إيه
قولتلها
نور
ممكن أسألك سؤال
قالتلي
إتفضل يا بابا
قلتلها
هيه قناة سبيس تون
رقم كام
وخدتها
عشان تنام
(علي فكره ده مش من تاليفي ده تاليف الشاعر علي سلامه شاعر العاميه المصريه اكيد مpدش يعرفه ولا انا حتي سمعت عنه قبل كده)
| |
|
