خسر الزمالك من جديد من زعيم الثغر الاتحاد السكندرى بالاسكندريه وهى خساره تدق ناقوس الخطر بكل قوه للزمالك
وهتفت جماهير الاتحاد باعلى صوت على جماهير ولاعبى الزمالك هينزل هينزل تقصد الهبوط للدرجه التانيه وهو ما لم يحدث بتاريخ الزمالك قط
الزمالك واحد من اعرق الفرق المصريه بل العربيه الافريقيه واقدمها واكترها بطولات وانجازات و امداد للمنتخب المصرى بالمواهب
لكن كره القدم لا تعترف بالتاريخ الا لمن يحترم تاريخه اولاَ قبل ان يحترمه منافسه والا ما شاهدنا اقدم فريق كره قدم بالعالم
شيفلد يونايتد بالدرجه التانيه و ليدز و حتى ليفربول لم يحقق لقب الدورى منذ 25 عام رغم كل انجازته السابقه
كره القدم لا تعترف الا بالعطاء والعرق داخل المستطيل الاخضر وهذا ما لم يقدمه لاعبى الزمالك للان !!!
المشكله فين عشان نحلها
1 لاعبى الزمالك تنزل لارض الملعب مثل الاشباح ترتدى قمصان الزمالك لكنها لا تقاتل من اجلها ولا تفرق معاها خساره او مكسب
2 التعاقد مع لاعبين لا ترغب اساسا باللعب للزمالك ولا تعرف قيمه هذا الفريق وعراقته واقصد هنا هانى سعيد ليبرو منتخب مصر !!!
عملت احصائيه لاخطاء اللاعب الدولى مع الزمالك وجدت انه تسبب ب7 اهداف تسكن مرمى الزمالك واهداف قاتله كلفت فريقه النقاط الثلاث
والغريب اننا نشاهده بالمنتخب كلاعب اخر يختلف تماماَ عن هانى الزمالك وكلنا عارفين مشكلة التعاقد معاه وتفضيله للاهلى على حساب الزمالك
ومع هذا اصر مجلس الزمالك على التعاقد وياه ويبدو ان اللاعب يرد الصاع للزمالك مثلما فعلها البرازيلى كابرال عندما عاد لتولى الامور بالفريق !
3 الزمالك منذ بدايه الدوى حتى اللحظه لم يلعب بتشكيله واحده ثابته من اين سياتى الانسجام بين اللاعبين !!!
كل متش اللاعيب بيلاقى واحد تانى بيلعب جنبه خصوصا بالوسط والهجوم واه من الهجوم من شهرين الزمالك لم يسجل اهداف !!!
4 التعاقد مع لاعبين مغمورين تريد من يرفع اسمها ويعلى شانها وليس ان تعلى هى قدر النادى وتضيف جديد للفريق الابيض
5 كثره الحديث عن ان الاداره هى السبب يرفع بعض الحرج عن اللاعبين المتخاذلين
فكيف يحقق فرق الزمالك للسله واليد والطائره البطولات تلو الاخرى طالما الاداره فاشله ويعجز فريق الكره من تحقيق اى شئ يذكر
اكيد العيب اساسا بفريق الكره وهو ده بيت الداء مش بس الاداره
طبعاَ هناك اسباب اخرى وراء تدهور احوال الزمالك لكن برايى هذه هى اهم الاسباب اللى لو تم علاجها سريعا قد نشاهد الزمالك من جديد
طرق العلاج السريع للفريق الابيض
1 اقصاء المتخاذلين فوراَ وتوقيع خصومات مردعه على فريق الكره حتى تعود الانتصارات
2 ثبات تشكيله الفريق امر لابد منه لمواجهه حاله التوهان بوسط و هجوم الفريق
3 التعاقد مع نجوم اصحاب اسماء كبيره وخبرات دوليه لارتداء القميص الابيض للزمالك تماما مثلما فعل الاهلى ليواجه ازمه مشابهه لما يواجه الزمالك الان لكن الاهلى تدارك الموقف سريعا
تعاقد مع بركات و اسلام الشاطر و عماد النحاس و حسن مصطفى و تريكه اللى وجد لاعبين تقال جنبه تساعده عشان يعرف يساعدهم
التعاقد مع مدير فنى صاحب شخصيه قويه مثلما فعل الاهلى بالتعاقد مع جوزيه عدو الدلع الاول بالكره المصريه
4 بتر الاعضاء الفاسده فوراَ من الفريق لانها تفسد كل من حولها ولا تكتفى فقط بافسادها لنفسها
____________________________________
الترتيب العـــام
الترتيب الفريق المباريات الأهداف النقاط
لعــب فــوز تعادل هزيمة له عليه الفرق
1 الأهلى 16 11 3 2 30 12 18 36
2 بتروجيت 17 9 7 1 30 20 10 34
3 انبى 17 9 5 3 32 22 10 32
4 الأسماعيلي 17 10 2 5 28 22 6 32
5 حرس الحدود 17 6 6 5 14 10 4 24
6 الاتحاد السكندري 17 6 5 6 16 19 -3
7 المصري 17 5 6 6 24 21 3 21
8 المقاولون العرب 17 4 9 4 22 21 1 21
9 الزمالك 17 6 3 8 18 17 1 21
10 إتحاد الشرطة 17 5 5 7 19 20 -1 20
11 غزل المحلة 17 5 5 7 12 14 -2 20
12 بترول أسيوط 17 6 2 9 15
-8 20
13 طلائع الجيش 17 5 4 8
34 -11 19
14 المصرية للاتصالات 17 4 6 7 25 28 -3 18
15 الترسانة 17 3 4 10 16 27 -11 13
16 الأوليمبي 16 3 4 9 17 31 -14 13
الزمالك بموقف صعب للغايه بالمركز التاسع بالدورى برصيد 21 نقطه ومبارياته القادمه بغايه الصعوبه لان اغلبها خارج القاهره
المصرى ببورسعيد وكلنا عارفين المصرى يما بيلعب وسط جماهيره
الاسماعيلى بالاسماعيليه وكان الاسماعيلى فاز بلقاء القاهره
انبى الفريق الشاب والمنافس على مركز للعب افريقياَ
بتروجيت المنافس بقوه على صدراه الدورى
الحدود بطل كاس مصر بالمكس اسكندريه
المقاولين العرب اللى اساسا كعبه عالى على الزمالك
الاتصالات المنافس على البقاء بمدربه ابن الزمالك طولان
اخيراَ وليس اخراَ بطل افربقيا الاهلى واللى مؤخراَ الزمالك يعجز عن تحقيق التعادل معه !!!
بالنهايه رساله حب وتقدير لمشجعى الزمالك اللى بتشجع فريقها فى كل الاحوال واللى بجدكانو بيموتو فى ستاد اسكندريه وصوتهم
راح من تشجيعهم للزمالك لكن كانو مثل اللى بياذن فى مالطا او كانهم يصيحون باموات لا يسمعونهم
لكم الله يا عشاق الزمالك لتدراك هذه الازمه الاسوء بتاريخ القلعه البيضاء
راح خلاص زمن الهندسه واتقفلت المدريه فى ظل تواجد هذا الجيل اللى اصبح وصمه عار على الكره المصريه وليس فقط للزمالك
موضوع من اهلاوى لكنه يكن كل الاحترام لتاريخ وعراقه الزمالك
