موضوع ملهوش لازمه

قالك العيب ع الام

منذ قليل انتهى برنامج البيت بيتك على المصريه الاولى
كان به فقره مع تامر امين ومعه عدد من الاطفال بتتراوح اعمارهم بين 7و17 سنه بيشتغلوا زياده عن 12 ساعه فى اليوم وفى مدارس وبينجحوا واباهاتهم موجوده
واحد والده نجار يوم كده ويوم كده فنزل يساعد
وواحد والده مدرس العاب !! طبعا بلا دروس خصوصيه نزل يساعد برضه
وواحد والده موظف ده طبيعى لازم ينزل يساعد
واحد والده متوفى اخ اكبر مريض اخ اصغر فى التعليم ام لا حول لها ولا قوه بلا معاش ده بقى لازم ينزل يعول الاسره
مساعد بقال عامل فى ورشه عامل بناء ما بين 10 و30 جنيه فى اليوم يكفوهم مد ايديهم للتسول من ذوى القلوب الرحيمه
وسط ذهول من تامر امين...

مدرسه !!!!!!!!!

بتشتغل من 11 ل11 او من 2ل2 !!!!!!!!!!!!!!!

بابا موافق!!!!!!!!!!!!!!!

تامر امين مش عارف يعلق حتى

مداخله من سياده الوزيره اللى تخصصها اعاله الاطفال دول
بكل برود سيدى الفاضل لتقول له ازاى بينجحوا فى التعليم

" ال يعنى الكلام ليكى يا جاره " مش مسؤليتها دى بقت مسؤليه وزاره التعليم دلوقتى
مش تخصصى
يرد تامر :

هانشوف ده بعدين دول فين من الوزاره معاش اعانه تخليهم مينزلوش الشغل ده قالتله

الاسره اللى سابتهم ينزلوا هى المسؤله ازاى تخليهم ينزلوا الشغل وهما اطفال كده لازم يتعلموا
قالها واللى والده ميت بلا معاش ده
قالتله
والدته كان لازم تتصرف من اهل الخير

العيب ع الام !!!

عندما تلفظ اللاعب الناشئ بوجى بألفاظ نابيه تجاه الجهاز افنى لعدم اشراكه فى اللعب
ومن قبله شيكابالا للجمهور
وقامت الدنيا ولم تقعد
ليخرج علينا اصحاب الاراء العصماء بأنـ

العيب ع الام !!

عندما يخرج الصغار بكل وقاحه ليشوهوا صفوه الكبار بكل غباء ينتج عنه فضيحه لكيفيه تفكيرهم

وفى النهايه هزيمتهم
ليتعلموا بعد ذلك اساليب الحوار ولن يتعلموا

يبقى العيب ...ع الام !!!

مصر هى ....ام صاحبى

عندما تصبح مباراه كره قدم محتمله الخساره والفوز هى حلم لشعب كامل
يفكر فيها الغنى والفقير
قبل الطعام
ليصحو العامل من نومه ويقوم ليغسل وجهه وهو وسط الصابون يفكر
3 نصعد
2 فاصله
الفاصله هاتبقى فين
تفتكر هانفوزها
طب لو 4/2 نروح النار؟؟؟؟!!

ثم يتناول افطاره ده اذا لاقاه ليجد ان اولاده التهموه عن اخره فلم يبق الا قرصين من الطعميه ليصرخ فى وجه لابنه
هى كانت ناقصاك يا بن ال...........
كده مباراه فاصله
ويذهب الطالب الى نومه يحلم بفرحته العارمه عندما يحرز ابو تريكه الهدف الثالث وينهى الحكم المباراه
حلم القاصى والدانى
هل لم يبقى فى هذه البلد الا قطعه الكاوتشوك اتى يتقاذفها 22 شخص
جمله افكر فيها كثيرا
لماذا اصبحت مصر بالنسبه لنا قطعه كاوتش
ولو امعنت فى الاجابه لملأنا صفحات وصفحات ووصلنا الى
ام صاحبى
اللى ربيته وحكمت فيه اللى كرهوه فيها

العيب على امه

وهنا ارجع الى تساؤل هام
ماذا لو لم يحرز ابو تريكه الثالث وانهى الحكم المباراه

هاتعمل ايه

ليه الناس مش عاوزه تشوف انه ممكن يحصل ؟؟!!

يا ترى هايبقى العيب من الفرقه؟؟؟ ولا من شحاته ؟؟؟ولا

نتيجه طبيعيه لاتحاد فاسد ؟؟

هايبقى العيب ....

ع الام
لو كانت زودت الطعميه!!!!!.

العيب ع الام!!!!!!!!!!!!!!

حسبنا الله ونعم الوكيل،بس العيب مش عليها..العيب ع اللى عينها وهى ممعهاش الا اعداديه.

حسبنا الله ونعم الوكيل

» موضوع جرىء ***********
» موضوع خفيف
» موضوع شقى جدااااااااا
» موضوع المليون رد......
» المعركة مع الشيطان(موضوع شيق)