المراية

موضوع: المراية الثلاثاء مارس 30, 2010 11:04 am

بسم الله الرحمن الرحيم

الموضوع دوت أنا سمعته فى إذاعة القرآن الكريم بس عجبتنى فكرته أوى بس أنا حورت فيه شوية
هو عبارة عن المراية
يمكن ناس كتيرة تستغرب حكاية المراية دى
أنا هوضحها دلوقتى... مثلا ناس كتيرة أوى عندهم المراية دى هى فعلا المراية الجسم اللى مش بيشوفوا فيه غير مظهرهم وبس ويشوفوا هل كل حاجة متظبطة وكويسة وشكلها حلو ولا لأ بغض النظر عن أى صفة تانية فيهم سواء كانت حلوة أو غير كدة
وناس تانية تقول لأ..تقوللك صاحبى هو مرايتى يعنى بيشوف فيه كل مميزاته وكل عيوبه
ناس تانية تقول .. لأ مرايتى هى نفسى
لكن فيه حد فينا فكر إنه يخلى مرايته هى الإسلام و أحكامه

ناس كتيرة جدا ممكن تستغرب الكلام دة .. بس لأ أنا أقصد كدة فعلا إعتبر الإسلام مرايتك و إبدأ شوف جسمك كلة عضو عضو
شوفه كويس ولا لأ..مثلا شوف العين كويسة انهاردة ولا لأ بص فى مرايتك وشوف فعلا منظرها كويس ولا إيه الأخبار
شوف كل حاجة فى جسمك وطبق عليها فعلا حكمها علشان تقدر تصلح فيها بجد
أوقات كتيرة بتعدى علينا من غير ما نبص فى المراية وتتفاجئ إن فيه حاجة غلط فيك كانت المفروض انها تتصلح.. حاول فعلا تطبق دة بس فى مرايتك الجديدة وشوف هتقدر تصلح ولا لأ
و بس .. دى تذكرة بسيطة بس جت على بالى
ربنا ينفعنا و إياكم
و جزاكم الله خيرا
أنا كنت محتارة أحط الموضوع دة فى إسلاميات ولا فضفضة بس أنا حطيته هنا .. لو الإدارة شايفة حاجة تانية تتفضل تنقله

موضوع: رد: المراية الثلاثاء مارس 30, 2010 5:00 pm

جزاااااااك الله خيرااااا

موضوع: رد: المراية الثلاثاء مارس 30, 2010 11:38 pm

جزاكم الله خيرا يا دكتورة

ومش هنشوف اكتر من اللى حضرتك شايفاه

كده مكانه كويس لانه بيناقش قضية اسلامية بحتة

موضوع: رد: المراية الأربعاء مارس 31, 2010 11:00 am

جزاك الله خيرا
موضوع جميل يا سمسم