بصراحه انا كنت ناوى افتح موضوع جديد بمناسبه الموضوع ده لكن ولاء وفرت عليا،هو سؤال واحد بس عاوز الكل يسأله لنفسه:هل الواحد لما بيكتب الرد ده ويقول الدعاء ده بيدعي من قلبه وبيبقي خاشع ف الدعاء وهو بيقولو؟؟ولو ده بيحصل كام واحد بيعمل كده؟؟!!
للاسف المسجد الاقصي يهدم واحنا نايمين على وداننا ولا هنا وكمان اغلب الشباب معندهمش ايمان بحكايه القضيه ميهمهمش الاقصى يهدم يحرق الاطفال تموت متموتش مش فارقه معاهم،اى نعم ممكن الحزن يوصل لقلبه يدمع دمعتين(ده لو كان حزين اوى)ويقول:حسبي الله ونعم الوكيل.ربنا ينتقم منهم وياخدهم!!!!!!!
هل القضيه محتاجه مننا كده،وعلى اى اساس ربنا هيستجيب الدعاء،انا واحد من الناس لما واحد صاحبي جالى امبارح -بدون ذكر اسماء(احمد عطالله) بيقولى المسجد الاقصي اليهود بنو كنيسه جواه وهيقتحموه فى موعد اقصاه بكره او بعده،انا صعقت ف ساعتها ووجمت فتره،وبعدها تاثير الصدمه راح وقعدنا نسمع اغانى والعيشه فله!!!!
هل كده ربنا هيستجيب الدعاء مننا،كل واحد يقول انشر وادعى واعمل مش عارف ايه واحنا اصلا اصول الدين عندنا مدمره تمااااااااااااما واولها حكايه الايمان بالقضيه،ازاى بتقول ادعى وانت قلبك فاااااااااااضى مفيش بينك وبين ربنا عمار الا قليل جدااااااا،لا بتنصر القضيه ف دراستك ولا ف صلاتك ولا دعوتك بالحسني ولا اجتهادك ف العباده ولا صلاه الفجر،بص علي كلام الشباب دلوقتى هتلاقيه كله عن عموره وتموره والاهلى والزمالك والدورى الانجليزي مولع،تؤتؤتؤتؤتؤ الاسبانى احسن،ياراجل لا والله الايطالى ناااااار،وناسيين اننا اصلا ورانا حاجات اهم من دى بمراحل واولها القضيه ونصر القضيه بكل الوسايل اللى عندك،دلوقتى الواحد لما ييجي ينصح واحد ويقولو اسكت او بلاش تعمل الحكايه دى عشان غلط يقولك يااااااااااعم هو فى ايه ف حياتنا مش غلط ماكل حاجه غلط،او يتريق عليك ويقولك ماشى ياعم الشيخ خلاص اسكت!!!
ولا البنات بقي ينهار ابيض،بصراحه امهات المستقبل بصحيح،قسما بالله انى ركبت مع بنتين مره من كتر تفاهه الكلام بتاعهم اللى مش هقولو عن ايه طبعا فطست من الضحك وقولت لنفسى:معقوله فى كده؟!!!!!
لازم التغيير يبقي بجد،لازم نكون عباد ربانييييييييييييييييييييييييييييين..تخيلو ان العبد لما بيوصل لدرجه انه يكون عبد ربانى يبر الله قسمه لو اقسم العبد على الله!!!!!!!!!!!! ياريت تتخيلو الجمله دى وتركزو فيها اوىىىىىىىى.
انا مش بستثني حد من اللى نا قولتو ولا حتى نفسى،للاسف الشديد بالطريقه دى مش هنتقدم ولا سنتي وااااااااااحد لادام وحلال اللى بيحصل فينا.
حسبي الله ونعم الوكيل.
