النوع : المساهمات : 958تاريخ التسجيل : 18/02/2009نقاط : 58699
موضوع: فعلا اليوم الابيض بيبان من اخره الإثنين ديسمبر 14, 2009 1:08 pm
يا جماعه انا النهارده فرحان جدا جدا مش علشان الحمد لله امتحان الثيوتكس كان كويس وجاتلى الافرفيسينت اللى ما اشتغلنهاش فى السكشن بس الحمد لله طلعت انا فرحان علشان بعد السكشن و اخيراً و بعد طول انتظار ظهرت نتيجة البحث اللى كنت مقدمه فى نادى العلوم فى مسابقة البحوث على مستوى الجامعه و كان عن " الازمة الاقتصادية و تاثيرها على سوق التكنولوجيا " ما علينا سيبكو من العنوان دلوقتى المهم ان انا روحت و لقيت اسمى منور فى المركز التالت و ادونى مية جنيه نقدا المشكلة مش فى المية انا فرحان علشان انا معايا متين و بكدا بقى معايا تلتميه عارفين ده معناه ايه! ده معناه ان رحلة الاقصر و اسوان اللى هروحها انا و اختى حبيبتى هنروحها السنة ان شاء الله فى اجازة نص السنة ومش هنستنى السنة الجاية والله انا فرحان جدا. مع ان سبحان الله اليوم كان بادى غلط خالص يعنى انا كنت بذاكر ثيوتكس طول الليل و جيت عالساعه ستة و روحت نايم صحيت امتى بقى صحيت سبعة و تلت مع العلم انى المفروض اخرج من البيت سبعه علشان اوصل الامتحان 8.5 المهم صحيت سبعه تلت كنت لابس قميص لبست عليه اى جاكت و لقيت بنطلون جوز اختى قدامى اصلهم عندنا النهارده فلبسته مع انه واسع جدا عليا و ما غسلتش وشى ولا سرحت و روحت بالشبشب ابو صابع بتاع البيت ووصلت الكلية تسعه الا ربع و كنت تعبان فرجعت و روحتش اشترى ادوات لقيت المكاتب قافله يعنى حاجه اخر حلاوة الله يباركله بقى الراجل اللى جنب المدرج لقيت عنده ادوات خدتها و اديته مية و قولتله الباقى ابقى اخده بعد الامتحان و طلعت جرى بدات كل حاجه تتغير لقيتهم لسه ما دخلوش و لقيت صاحبى كملى الكتاب و دخلنا كان امتحان كويس و حليت كويس و خرجت لقيت بقى الفرحة الكبيرة بتاع نتيجة البحث. معلش انا طولت عليكو بس انا فرحان وكنت عايز اقول لاى حد اصلنا نفسنا نطلع الرحلة دى الحمد لله. لو حد عايز اى حاجه اقدر اعملهاله يقولى و انا هعملهاله علطول اه دى صورة الورقة بتاعة النتيجة اهى ـــــ
crystalshining27 صيدلي أستااذ
النوع : المساهمات : 978تاريخ التسجيل : 06/03/2009نقاط : 58442
موضوع: رد: فعلا اليوم الابيض بيبان من اخره الإثنين ديسمبر 14, 2009 5:26 pm
مبرووووووووووووووووووووووووك يا باهى والحمد لله انك حليت كويس واعقبال باقى الامتحنات باذن الله
بما انك بئى فتحت باب الطلبات للشعب فانا هطلب فرصتى بئى هههههههههههه
يا خبرانتى بتتكلمى ازاى ده انتى تشرفى ده انا مروحش و انتى تروحى
اقتباس :
الف مبرووووووووووك يا باهى
بسم الله ماشاء الله عليك...
عقبال المرة الجاية وتكون الاول باذن الله
الله يبارك فيكى يا نورا وميرسى على صورة بقيت عيلتى هههههههه ودول شوية صور ليهم بحبهم اوى [img][/img]
AhmedHelal دكتــــور
النوع : المساهمات : 1462تاريخ التسجيل : 14/02/2009نقاط : 59200
موضوع: رد: فعلا اليوم الابيض بيبان من اخره الأربعاء ديسمبر 23, 2009 8:24 pm
بصراحه انهارده يعتبر من اجمل الايام اللى عدت عليا ف الكليه بنت الذين دى وبجد اليوم الابيض مبيبانش الا ف اخره ،المهم عشان مطولش عليكم اليوم بدا كالعاده جمييييييييييل جدا..خرجت من بيتنا بدرى عشان الحق قطر الساعه 8 لكن السواق كان ماشي علي قشر بيض فوصلت متاخر وملحقتوش خرجت م المحطه عشان اركب عربيه للموقف ف الوقت اللى كان في طلبه كتير نازلين جايين جامعه بنها فكانت زحمه وعانيت علي ماركبت المهم وصلت ع السريع اللى بركب منه لقيت ناس كتير وده نادر جدا لما بيحصل وتتزحم يانهار جميييييييل،المهم الحمد لله لقيت الاتوبيس جاى قمت ركبت فيه ومحدش يعرف معاناه الاتوبيس الا اللى مجربه بطييييييييييئ جدا وممل وكنت ناوى ازاكر كلمتين وانا رايح عشان اجمع واثبت لمعلومات لكن كالعاده لما بركب الاتوبيس :sleep: :sleep: :sleep: ومدريتش بنفسي غير عند كوبري فاروق يعني كنت دخلت طنطا ،المهم دخلت الامتحان مرعوب كاى امتحان عملى بدخله وقعدت ادعى واخييييييييييييرا بدات الددنيا تتضحك.......... كنت داخل علي عينه هتاخد منى وقت ف الباودر لكن واحد صاحبي قاللي لا انا هقعد هنا قلتله واحد يا حبيبي وقعدت جنبه ولحسن حظى كانت ريحه العينه قرنفل يااااااااه الحمد لله اطمنت كتييييييييير بس برضو كان في حاجه غريبه اننا كنا حوالى مربع كلنا ريحه القرنفل لكن الحمد لله انا الوحيد فيهم اللى عينه بني ومحروووووووووووووووووووووق وبكده ضمنا الباودر..جينا للنظرى العملى والحمد لله كان سهل جدااااااااا وحليته كله تقريبا،وبعدين عملت التى اس واخدت A يعني درجه عاليه وعملت الايزولاتيد وكان واضح اوى اوى اللى عصلج معايا بس كان السرفيس بريباراشن لكن ان شاء الله اكون عملته صح.. تانى حاجه انى جبت درجه معقوله ف العقاقير الحمد لله كده يبقي لي ماده فيها امل.. وكمان ضحكنا انا وصحابي كتير انهارده عشان محاضره الاجتماع الجميله وتهييس درجات الشيت وكانت معنوياتي ف السما عشان حاجه حصلتلي ف المحاضره بس هو موقف اشبشيل حبتين.ههههههههههههههههههه كمان خرجت م المحاضره بتاعت الاجتماع روحت المحطه لقيت القطر جاى اول ماحطيت رجلى،واول ماوصلت لقيت عربيه الموقف مستنياني وده نااااااااااادر لما بيحصل وبعدين روحت الموقف والحمد لله ملقتش زحمه وركبت وروحت ف ثانيه.... فعلا..اليوم الابيض بيبان ف اخره.
bahy صيدلي أستااذ
النوع : المساهمات : 958تاريخ التسجيل : 18/02/2009نقاط : 58699
موضوع: رد: فعلا اليوم الابيض بيبان من اخره الخميس ديسمبر 24, 2009 6:41 am
مش قولتلك يا ابنى هو اليوم الابيض عامل زى التاكس حتة بيضة و حتة سودا ههههههههههه بس العقاقير بجد مادة جميلة جدا الحمد لله ان جالك قرنفل زيى كويس كدا مادة هنعدى فيها ان شاء الله كانو بيقولو ان نتيجة العقاقير هتبان هى بانت؟؟ على العموم مبروك كمل ورقك بقى انا روحت امبارح عن خالد صورت بعشرة جنيه كملت الورق كله ربنا يسترها معانا
[img][/img]
