حكايتنا مع المبارة

الموضوع دا هيبقي عبارة عن إن الواحد هيحكي حكاية المبارة مرت عليه إزاي وإيه الليي حصله
وعمل إيه لما دخلنا الجون الاول وكان عامل إزاي في الدقائق الأخيرة وإيه اللي جري بعد هدف
عمااااد مُتعب

وياريت بالمرة نقول نتوقع إيه لماتش السودان
بالأرقام

اولا:انا كنت بتفرج ف البيت مع ابويا واخواتى.
ثانيا:كنت قاعد ع الارض بفرك من اول ما الكوره اتلمست لحد ما عمرو رزع الاولانى قمت قعدت اصقف واتنطط وحضنت اخويا محمد،وكل كوره خطيره كنت بزعق واتنطط وقلبي كان بيدق مووووووووت،لحد ما الشوط الاول خلص.
بعدها قمت مدمع وفضلت ساااااااااااااااااااكت منطقتش غير كلمتين"خلاص..مش هنصعد"لانى عارف الجزئريين هيعملو ايه هيموتو الماتش باى وسيله مشروعه او لا،وفات الوقت ببص ف الساعه لقيت الوقت فووووو هوا الدقيقه 16 قمت مدمع تانى وفضلت ساكت منطقتش،بصيت ف الساعه تانى لقيتها 26 وبعدين 34 ف ثوانى،واول ما كوره رفيق صيفي جت اللى الحضري تعملق-كعادته-وطلعها قلبي وقف وقولت خلاص انتهت،المهم عدت وعدى الوقت والجماهير بتهتف باسم مصر-اغلي اسم-وخلص الوقت الاصلي متعرفش ازاى كل ده ف لحظات،المهم قبل الجون بحوالى تلت اربع دقايق قعدت جماهيرنا تهتف(كاس العالم-كاس العالم)ساعتها متمالكتش دموعى ونزلت اوى ساعتها وبعدين ريحنا متعب وقلق منامهم،اول لما متعب حطها-قبل متلمس الشبكه-حسيت انها رايحه جون لكن استنيت ثانيه وبعدين دخلت الجون،مهيصتش لانى كن عندى اعتقاد ان لحكم لزفت هيحسبها اوف سايد ،وده كان لمده ثانيه لكن اول ماجه الجون قمت قعدت اهيص واتنطط واصقف لحد ما صوتى راح وايدي وجعتنى والله وصحيت تانى يوم الصبح زورى واجعنى والله.........
الحمد لله..هنكيللهم فوق دماغهم باذن الله.

يااااااااااااااه دا يوم متيوصفش يا محمود
روحت من الكليه وحضرت العلم وروحت اسمع الماتش عند خالى انا وأخويا
بدأ الماتش وكلنا فرحانين وبنضحك وفجأه جه الاول ياااه قومت اجرى وفرحت اوى اوى وقولت الله اكبر ان شاء الله هيشيلوا
بعدكده هدى الماتش وقولت ان شاء الله يختموها فى الشوط التانى
بدأ الشوط التانى كان منتخبنا ضعيف شويه فى الاول خالى قاللى الماتش دا مش لينا لاعيبة الجزائر هتفضل تقع وتضيع وقت وبعدين يعملوا تغيير
ودا فعلا السيناريوا اللى حصل قولتله ان شاء الله التانى جاى
فضلوا يضيعوا فى الوقت والوقت لاول مره احس بيه كده كان بيجرى
وجات كرة صايفى قلبى وقف معاها والضربه الثابته اللى طلعها الحضرى واخويا قاللى خلاص راح الامل
قولتله والله حاسس انه جاى جات كره السقا اللى حطها برأسه قولت الله جووووووووووون وجابها من جوه ولقيته مااتحسبتش
قعدوا بقى يقولولى كل سنه وانت طيب اربع سنين كمان ان شاء الله
قولتلهم والله الجون هيجى لانى دايما بتفائل بالوقت الاضافى والله مش عارف ليه فى اى ماتش مش دا بس
وهبا والهدف التانى لعماد متعب الكل جرى عليا وحضنونى وفرحنا اوى اوى وانا ملقيتش نفسى والله فرحت اوى اوى اوى وانتهى الماتش

الماتش الجاى بقى خايف منه اوى لانى مش بحب اكتمال صفوف منتخبنا
بس طبعا متفائل جدا بالفوز ان شاء الله وفرحان طبعا بوجود حسنى اللى نص الملعب اتأثر بيه اوى
وان شاء الله ليلتنا هتبقى بيضا على الملعب الاحمر اللى بلون فانلتنا وهنكسب 2 /0 تانى

انا بقى حكايتى حكايه مع المباراه انا كنت بقولك الصبح هنكسب 1/0 وهنقطعهم ومش هنصعد بس اكيد كنت بتمنى صعود المنتخب
قبل الماتش انا مجيتش معاكم عشان اتفرج فى البيت براحتى واركز فى الماتش المهم انا من الساعه 5 وانا متوتر افتح التليفزيون مره واطفيه تانى وافتح الاذاعه مره ومش قادر اتحكم فى نفسى
المهم ابتدى الماتش وجه هدف عمرو فى الدقايق الاولى مبقتش حاسس بنفسى الا وانا بطنطط فى الشقه وازعق لغايه مصوتى راح وامى تقولى اهدى قلبك وبعد الجون جت كره ابو تريكه اللى فى العارضه قولت خلاص هيشربوا فجاه لقيت الاداء اتغير بعد ربع ساعهوبلعب طولى وخلص الشوط الاول وقولت زى احمد انهم هيتفننوا فى اضاعه الوقت الشوط التانى ابتدى وكان وحش اوى وهما كانوا اخطر بس الحمد لله الحضرى كان رااااااااجل
لما الحكم احتسب الوقت بدل الضايع قولت خلااااااااص مش هنصعد اللى انا قولته للاسف هيتحقق وقاعد الف فى الشقه كلها متوتر ومحمود اخويا جنبى هيعيط فجأه لقيت متعب حط الجون انا طرت للسقف وقعدت احضن فى عبد الرحمن اخويا مووووت لانه قالى ان الماتش محتاج متعب قبل م هو ينزل
وان شاء الله هنقطعهم فى السودان وانا متفائل اووووى بالماتش ده

انا خالى كان عازمنا كلنا عنده عالماتش احنا وولاد خالتى وخالتى التانية روحنا و اتفرجنا عالقناة التانية علشان الاشارة بتاع النيل سبورت كانت ضعيفة وجوز خالتى التانيه عمى السيد روح علشان واحد زميله اتصل بيه و قاله انه هييجى يسمع الماتش معاه اول ما قام وخرج راح عمرو زكى جاب اول جون بعدين مشى الماتش و المحمدى ده خد شتيمة لما شبع المهم انا جيت عالدقيقة اتنين و اربعين كدا فى الشوط التانى و مقدرتش اكمل علشان ما كنتش هقدر اشوفهم و هما فرحانين فينا قومت و مشيت افكر طول السكة فى افكار زبالة يعنى معقول مش هشوف الحضرى فى كاس العالم ولا ابو تريكة ولا زكى ولا كل دول و معقول هنستنى اربع سنين تانيين و و طبعا عمر العيال الزبالة اللى اسمهم طلعب و عفروتو ما هيقدرو يودونا كاس العالم و طبعا الشوارع كلها هسسسسسس المهم و انا فى وسط الافكار دى كلها لقيت البيوت كلها بتصقف و اللى يقول هيييه و الستات تزغرد قومت محود على راجل كان فاتح بتاع كروت شحن و كدا و كملت الماتش عنده و بعدين روحت
وبس

انا برده حكايتي مع الماتش العصيب ده انا جيت من الكليه انا وزمايلي عجيز وعابدين وعطا الله وكان معانا واحد زميلنا في سنه رابعة واتفقنا اننا هنروح نتفرج علي الماتش في بلد جنبنا اسمها الحامول وروحنا والحمد لله وكانت اللحظت اللي قبل بداية الماتش صعبة جدا كلنا كنا مستنيين الماتش يبدأ بفارغ الصبر وبدا والحمد لله مع لحظات ترقب مننا كلنا وبعد دقيقتين حط عمرو الجون في الجوواي والكوره مكنتش عاوزة تدخل انا ساعتها قولت نفسس الكلا اللي قاله احمد بدرقولت خلاص هيشربوا خمسه ولا حاجة ولكن الماتش اتغير بس لم افقد الامل للحظه الا في الدقيقة 93 ولكنني شوفت منظر تاكدت بعدها ان الماتش ده مش هيخلص واحد صفر بس( شوفت احمد سليمان ماسك المصحف وبيقول يا رب ) وفي اللحظة اللي الناس كلها كانت بتقول يا رب عماد متعب يحط الجون اللي اصاب الجزائريين بالصدمة وفي اللحظة دي انا معرفتش امسك نفسي وانفجرت من البكاء وقولت الحمد لله (ربنا محبش يزعل 85 مليون مصري في هذا اليوم)

انا برده حكايتي مع الماتش العصيب ده انا جيت من الكليه انا وزمايلي عجيز وعابدين وعطا الله وكان معانا واحد زميلنا في سنه رابعة واتفقنا اننا هنروح نتفرج علي الماتش في بلد جنبنا اسمها الحامول وروحنا والحمد لله وكانت اللحظت اللي قبل بداية الماتش صعبة جدا كلنا كنا مستنيين الماتش يبدأ بفارغ الصبر وبدا والحمد لله مع لحظات ترقب مننا كلنا وبعد دقيقتين حط عمرو الجون في الجوواي والكوره مكنتش عاوزة تدخل انا ساعتها قولت نفسس الكلا اللي قاله احمد بدرقولت خلاص هيشربوا خمسه ولا حاجة ولكن الماتش اتغير بس لم افقد الامل للحظه الا في الدقيقة 93 ولكنني شوفت منظر تاكدت بعدها ان الماتش ده مش هيخلص واحد صفر بس( شوفت احمد سليمان ماسك المصحف وبيقول يا رب ) وفي اللحظة اللي الناس كلها كانت بتقول يا رب عماد متعب يحط الجون اللي اصاب الجزائريين بالصدمة وفي اللحظة دي انا معرفتش امسك نفسي وانفجرت من البكاء وقولت الحمد لله (ربنا محبش يزعل 85 مليون مصري في هذا اليوم)

انا حكايتى مع الماتش دا حكايه طول اليوم فى الكليه بلعب كوره وبعدين روحت اخويه كان فى مؤتمر الاسنان الدولى فى سيتى ستار وراح لاستاد واخويه التانى بيشوفه مع اصحابه وانا فضلت مع بابا وماما رغم ان زمايلى جولى اشوفه معاهم بس انا بحب الهدوء فى الماتشات دى
فى الاول كدا حسيت ان اللعيبه فايقه واول ما زكى حط الجون الاول انا دمعت وحسيت بالفرحه اوووووووووووووووووووووى وقلت دول هيشيلوا 4 بعدين لقفيت الكوره بتتلعب طولى والدفاع هناك طويل قلت مستحيل نجيب جون ابالشكل دا والحكم طبعا كان وحش اوى فانا بقى اتنرفزت وبابا قالى قوم اسمع الماتش مع اصحابك مش عاوز دوشه متنزل تحكم انته هههههههههههه
لبست ونزلت اشوف الماتش مع اصحابى وقبل ما الشوط يبدا قولتلهم الجون التانى هيجى فى الدقيقه 95 واللى هيجيبه تريكه اه والله بس مش مهم متعب اللى جابه
موصفلكمش بقى قبل الجون كنت خلااااااااااااااااااص دماغى هتنفجر وقلت يارب يعنى مفيش ولا دعوه استجبتها والله والله فى لحظه تفكيرى دى الجون جه بعدها ب 20 ثانيه
وبعدين بقى اما الجون جه انا وزميلى حضنا بعض وطرنا للسقف وكانت ليله ولا كل ليله
بس زعلت اوووووووى على كوره بركات
اما بالنسبه للنتيجه المتوقعه انا حلمت انهارده ان ان شاء الله هنكسب 3/1 والجون التالت بتاعنا هيجى فى الدقيقه89 والجزائر الجون بتاعها فى الدقيقه 83 وهنكون كاسبين وقتها 2/0 والجزائر تجيب جون وتفضل تهاجم والحضرى يشيل لغيه ما نجيب التالت فى الاخر

للاسف

» خطوة جديدة نحو الغاء نتيجة المبارة الفيفا طالب نصف مليون توقيع انتوا فين
» ملعب المريخ ::ملعب المبارة الحاسمة