مفاجأه كنت أتوقعها وحدثت

الاتحاد الدولى لكرة القدم ( فيفا ) قد اسند ادارة المباراة الفاصلة بين مصر

والجزائر والتى ستقام يوم الاربعاء المقبل على ملعب استاد المريخ بالعاصمة السودانية الخرطوم

الى الحكم السيشلى ايدى ماييه ويعاونه على الخطوط مساعدين من دولة الكاميرون ..

المصدر :

مراسل كووره سودانيه من داخل مكاتب الاتحاد السودانى لكرة القدم ..

معروف طبعا أد ايه الحكم دا مميز و أد إيه كانت المباريات اللى حكمها لمنتخب مصر او حتى لاندية مصر كانت بتنتهى لمصلحتنا فى العاده .. وش السعد زى ما هو فى العنوان

ان شاء الله هحاول اشوف احصائيه للماتشات اللى حكمها لينا و اضيفها للموضوع فى اقرب وقت

اتمنى لنا التوفيق و اتمنى له التوفيق فى ادارة اللقاء

الحكم ده تيت وابن تيت ووشه زفت ع المصريين والفرق المصريه..ربنا يستر،وهو كان مرشح اصلا للماتش بتاع امبارح.

بالعكس يا هلال انا فاكرة الحكم دة كويس
ودة مصدر ان وشة وش السعد ع المصريين من موقع يالا كورة

ويعد اختيار هذا الحكم هو فأل خير وبشرى سارة للمصريين حيث سبق وأن أدار نهائي كأس الأمم الأفريقية في 2006 في الدور والتي انتهت بنتيجة 3-1 ليتأهل أبناء حسن شحاته إلى الدور ربع النهائي ثم يتوج بالبطولة.

كما أدار الحكم نفسه مباراة مصر والكوت ديفوار في بطولة كأس الأمم الأفريقية 2008 والتي سحق فيها بطل القارة السمراء الأفيال الإيفوارية برباعية مقابل هدف وحيد.

بس احب اقول فى الاخر لا حكم ولا غيرة هى الروح والعزيمة المصرية اللى هيخلصو اللقاء ونتأهل ان شاء الله
ربنا ينصرنا يااااااااااااااارب

علي كل حال ربنا يستر لانى مش متفائل الماتش ده.رربنا يستر.

يا جماعه الحكم دا من أفضل حكام افريقيا بل وأفضل حكم فى افريقيا

وبعدين يا هلال دا وشه خير على المصريين زى ما كتبت ph.mero

وبعدين تفائل خير ان شاء الله هنصعد

وشه حلو ايه ده كان حكم ماتش للاسماعيلى و فرقة من الجزائر كل شوية يصفر و حسبو الوقت اللى لعبوه فى الشوط التانى طبع 12 دقيقة ربنا يستر

bahy كتب:: وشه حلو ايه ده كان حكم ماتش للاسماعيلى و فرقة من الجزائر كل شوية يصفر و حسبو الوقت اللى لعبوه فى الشوط التانى طبع 12 دقيقة ربنا يستر

دا اللى خلانى اقول انه حكم زفت،ولو رجعنا بماتش كوت ديفوار 2008 هنلاقيه محماش لعيبتنا من الضرب المتعمد..ربنا يستر انا مش متفائل.