صحيت على صوت بينادينى

صحيت على صوت منادى بينادى فى المدينه

يلا يا ولاد بلدنا يا شبابنا يلا بينا

نشجع منتخبنا وربنا يقوينا

هنلاعب الجزائر والعالم بينادينا

وهنكسب بالتلاتة والعالمية لينا

قالك جمهور شقيق وجاى ضيف الينا

وازاى لازم نقابله بالورد والياسمينا وردة لكل واحد !!

دول فاكرينها جنينه!!

فاكرين ماتش الذهاب ولا خلاص نسينا؟

والضرب والصواريخ واللى حصل فينا؟

هنرده الف مرة ودا مكتوب علينا

و ايد واحدة هنبقى زى ما وحدنا مينا

هنراقب منتخبهم مش هيغيب عن عينينا

وهيذكرنا التاريخ وولادنا من بعدينا

ان احنا جيل رجالة عشان بلدنا جينا

والاستاد ملينا

اهلى وزمالك نسينا

ولربنا صلينا

ولمنتخبنا دعينا

وزى ما اتمنينا

كسبنا واتهنينا