dr.m
صيدلي أستااذ
النوع : 
المساهمات : 857
تاريخ التسجيل : 15/02/2009
نقاط : 56496
 |  موضوع: لماذا قلت الثقه فى الصيدلى ؟؟؟؟؟؟؟؟ الأحد نوفمبر 01, 2009 7:59 pm | |
|
السلام عليكم
من أول يوم أدخل فيه صيدلية
باعتباري واحد جاي يشتغل في المكان ده مش
جاي يشتري حاجة و يمشي، لاحظت إن ناس كتير بييجوا
متحفزين، و متوقعين إن الصيدلي ده هيحاول يخدعهم أو يضحك
عليهم، و ده طبعا بيبان جدا في تصرفاتهم
انعدام الثقة ده ليه أسبابه ، تصرفاتنا في الصيدليات بتخليهم معندهمش
ثقة فينا، لإنهم بيكتشفوا بعض هذه التصرفات، و أحيانا تانية بيحسوا إن
في حاجة مش صح اتعملت بس هم مش فاهمينها و ده طبعا بيكتشفوه
من الغمز و اللمز و الكلام بالرموز
و إليكم أمثلة تحدث في الصيدلية عندنا و الصيدليات الصديقة و الشقيقة
قياس الضغط
في أوقات الزحمة جهاز الضغط عندنا عطلان و في أوقات الفراغ الجهاز شغال
و عمره ما عطل قبل كده، يجي واحد يقيس الضغط يلاقي حد بيقوله الجهاز
عطلان، كمان شوية يجي واحد تاني يسمع إن الجهاز شغال
و كده يبأى اتعرف إن الناس اللي في الصيدلية دول بيضحكوا علينا
حتى لو في حاجة بسيطة زي دي
أقراص المنشطات
كنت كتبت موضوع عن الأقراص دي، و إنها مجهولة المصدر و التركيب
و مالهاش تاريخ صلاحية، بس كل ده مش مهم بالنسبة للعميل بتاعك في الصيدلية
اللي بيحصل إن الصيدلي بيشتري الشريط أربع أقراص باتنين جنيه تقريبا
و بيبع القرص الواحد بسعر من أربعة لستة جنيه، و لما يكون واحد الصيدلي
عايز يعمل معاه واجب ممكن يديله قرص بتلاتة و نص أو بتلاتة
يجي الأخ اللي اشترى بأربعة يحس إنه أتضحك عليه، و المرة اللي بعدها
يحاول يفاصل مع الصيدلي و كأنه بيتعامل مع تاجر ملابس مستعملة
البدائل
صاحبنا الطبيب جاله مندوب و سابله شوية samplesمن دوا غريب
راح الأخ الدكتور قال نجرب و كتبه في روشتة، يجي الزميل الصيدلي
يدور على الدوا عنده على الرف ميلاقهوش عشان مش بيتكتب من فترة طويلة
بس عنده دوا بتاع شركة تانية فيه نفس المادة الفعالة بنفس التركيز
يروح مطلع السيد البديل و مديه للمريض على إنه الدوا المكتوب في الروشتة
و المريض يروح للطبيب استشارة، و لو العلاج جاب نتيجة الطبيب
ممكن ميجيبش سيرة البديل اللي الصيدلي مطلعه، و ممكن لو كاره الصيدلي
يجيب سيرة، بس لو العلاج مجابش نتيجة أول حاجة هيقولها الطبيب
مش هو ده اللي أنا كاتبهولك، ارجع للصيدلي خليه يديلك الدوا اللي أنا كاتبه
الدكتور سامح.. معهد عبده باشا
المريض يدخل الصيدلية يلاقي أربع شباب واقفين، و كلهم بسم الله
ما شاء الله دكاترة، كلهم بيقولوا لبعض يا دكتور، مريض هيصدق
و مريض هيشك إنهم دكاترة ، و بعض فترة من التعامل بين المريض و الدكتور
تامر، يكتشف المريض إن الدكتور تامر واخد أجازة أسبوع عشان عنده
امتحانات في معهد عبده باشا، فهيبتدي المريض يدخل أي صيدلية
متوقع إنه يقابل دكتور هيثم في تالتة تجارة و دكتور ماجد ربنا يزيد
و يبارك بكارليوس زراعة و بيقولوله يا دكتور محبة و احترام
مع احترامنا لكل المؤهلات دي بس هم في الآخر مش صيادلة
و مش من حقهم يمارسوا مهنة الصيدلة
تعالا كل.... اتفضل شاي
عم محمد داخل الصيدلية يصرف روشتة الساعة خمسة العصر
الوقت ده الصيدلية فاضية، الصيدلي عايز ياكل و مكسل يروح يتغدى
في بيتهم، بعت الأخ حمادة اشتراله ست ساندويتشات حواوشي
و قعد ياكل و براءة الأطفال في عينيه، عم محمد داخل الصيدلية
و هو معتبرها مستشفى أو عيادة دكتور، لاقى الأخ الصيدلي بياكل حواوشي
و بيعزم عليه بكرم العرب المعروف تعالا كل، مد إيدك متتكسفش
عم محمد معتقد إن الصيدلية زي المستشفى و العيادة، و نفس الصيدلي الله
يباركله قام و غسل إيده و و طلع سيجارة من جيبه و قعد يدخنها في وش عم
محمد و هو بيصرفله العلاج بتاعه ،عم محمد غير فكرته القديمة عن الصيدلية
،و اعتبرها محل بيبيعوا فيه شوية أدوية و شوية كريمات شعر على شوية بارفانات
حريمي
في أسباب تانية كتير بتخليهم يفقدوا الثقة في الصيدلي بس حضراتكم عارفين الزهايمر
ياريت اللي عنده أسباب تانية يقولهالنا
منقووووول
| |
|
