ازاى تبقى رزل فى الكلية ؟؟؟

ازيكم يا شباب ويا بنات بمناسبة دخول العام الدراسي الجديد اقدم لكم ازاي تعرف ترخم
ازاى تبقى رزل فى الكلية؟؟؟؟

1-لما تكون عندك محاضرة او سكشن وكالعادة البنات مخططين للتدافع واحتلال الاماكن الامامية كالعادة

افلت انت بسرعة ولو كان فى بنت او اتنين لحقو قعدو مش مشكلة اقعد بمنتهى البرود وافرد كتبك وادواتك واستعد عادى خالص للمحاضرة

ويا سلام لو تاخد البراح فى القاعدة ولا تفرد رجليك على البنش عشان تحرم البنات محاولة احتلال البنش الاول تانى

2-ولو انت فى كلية عملية وعندكو شغل فى المعمل على الميكروسكوب وفى زحمة عشان تشوفو العينات اقعد ساعة على كل ميكروسكوب والناس اللى وراك امال تهاتى ياعم خلص عايزين نشوف وانت ولا هنا

بعد ربع ساعة بعد ما يكون جالهم شلل تقوم من الميكروسكوب على اساس انك خلصت ولما بتنفسو الصعداء انك خلصت قبل ما تتعدل وطى تانى على الميكروسكوب وقول ثانية واحدة لسه حته ما شوفتهاش كويس ومعاك كمان نص ساعة لحد ما تخليهم يكرهو نفسهم ويكرهو المادة والحياة كلها

3-فى الكلية هتقابل صاحبك وهتقعدوا على أى كافيه

هيجى الجارسون سيب صحبك يطلب الأول وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ما تطلب اللى انت عايزه

لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة
ومتنساش وأنت بتحاسب تقول الحساب غالى اوي

4-ولو فى سكشن والطلبة مستنيين بره اختار طالبة او مجموعة من الطالبات واقفيين واسال بكل تلامة وبرود

هو سكشن 5 هيبدا الساعة كام وايه مواعيده

ولما يردو قللهم انا فى سكشن غيره بس بس عاوز اعرف

5-فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

6-عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع شئون الطلبة خالص

لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن

وبكده يبقى أنت مارست هوايتك وقضيت يوم رذل سعيد
((منقوووول))

وبكده يبقى أنت مارست هوايتك وقضيت يوم رذل سعيد

انت متأكد ان انت مش هتقضى بقيت اليوم ده اساسا فى المستشفى انا بقى متأكده انك هتضرب ضرب ههههههه

توبيك جميل يا دكتور

صبااااااااح الفل
لأ اصلي اصلي اصلي
ايوه كدا يا عابدين
خللي الواحد يعرف ياخد فرصته بئي يا راااااجل

انا اكتر حركة رخمت بيها يا عابدين فى اعدادى
كان عندنا سكشن عضوية و دخلنا لقينا انبوبة كدا فى حاجة حمرة لازقة عمالين نخبط فيها مش راضية تطلع
المهم كسرتها علشان نشوف فيها ايه قامت ايديى اتعاصت و بقت زبالة
روحت رايح عالواد ايهاب اللى كان واقف جنبى و اللى بيهتم بالنضافة بشكل فظيع و يكوي البالطو و كدا
المهم قمت مسحها فى كتفه الواد بقى هاين عليه ياكلنى بس ماسك نفسه لان خلاص كتفه بقى احمر كله بس انا كنت مطمن انه مش هياخد البالطو بتاعى لانه متبهدل خالص
المهم راح و غسله وفضل لاخر السنة بالبقعة الحمرا دى لانها ما بتطلعش لا ببونكس و لا تايد و لا غيره و اتكتب عليه انه يكمل صيدلة بيها ....

ههههههههه لالا دى رذاله رذاله مفيش بعد كدة

كان ليا تعليق واحد

فى الكلية هتقابل صاحبك وهتقعدوا على أى كافيه

المفروض تكتب وهتقعدوا ع اى رصيف هههههههههه هو فييه كافيه ف صيدله او اقولك قول تقعدوا تحت الكوبرى

لذيذ اوى التوبيك بس اوعى تفكر تعمل كدة هههههههه

ايه يا بنى الرخامه دى
انا اكتر حاجه اعملها لما اديا تبقى مبلوله وعاوزه تنشف وممعايش مناديل
كام حضن كده ديا تنشف

بس توبيك لذيذ جدا

توبيك لذيذ
بس بصراحة اللى يعمل كدة يبقى شخص لا يطاق

ويبقى خنيق لدرجة rouleteet

اجدع حاجه اننا قضيت السنه اللى فاتت الترم الاول مبحضرش محاضرات والسكاشن يعني يوم اه واتنين لا،والترم التانى كله ياما ادام مدرج اتنين ياما تحت الكوبري يعني احنا مش محتاجين نرخم علي حد ولا نوجع دماغنا الا اذا كانت طالبه كده بقي....صح يا عابدين؟؟؟

وحوى يا عمو.......

ههههههههههه صح يا هلال

وحوى يا حبيبى هههههههههههه

أصلللللللللللللللللى يا معلللللللللللللللللم
بس أنا اعتقد إن بعد مسيرة أسبوع من الرخامة دى
مش هتلاقى نفسك فى الكلية أساسا

» امتى تبقى حمرااااااااااااااااااااا
» .:. قلوب محطمة و لكنها تبقى رائعه .:.
» أنا زعلان....ازاى تراضوني؟؟؟
» ازاى تخنق على نفسك
» ازاى تعرف انك فى فرح مصرى....