بانسى انا مين

أنا وياكي بانسى أنامين
أنسى ايامي وأنسى ألامي
وأنسى معاهم أي أنين
وألقى مشاعري بسرعة بتهرب
لبحر عيونك الحلوين
يبعدوا عني ويهربوا مني
مش سامعني مهما ناديت
ولو اترجيت اسمع قولهم
مش هانعيش مع قلب حزين
وأفضل أقول انتوا نسيتوا ايام صحبتنا ومحبتنا
وسهد الليل يردوا يقولوا مش فاكرين ابعد عنهم وارجع تاني لأحلى عينين
المح فيهم ارض الجنة
طاير فوقها يمامه لونها بلون الحنة
وعصفور شفته جوه عينيكي ابيض لونه بلون الفضة
طار على بحر عينيكي يتوضا
يغسل ريشة وينفض لولي من الجناحين
وشفت كمان جوز غزلان لونهم دهبي
ماشيين سعدا بيهدوا لبعض زهور ياسمين
شفت الفرحة جوه عيونهم
ولما حاولت اقرب منهم
قالوا بسرعة ابعد عنا
احنا بنكره أي انين
رحت سايبهم وانا بادعيلهم
يعيشوا لبعض احلى سنين
وعلى البعد شفت اميره راكبه حصانها
قلبي لمحها هي حبيبتي من حركتها
ومن نظراتها ومن ملامحها
مش انسيه ولا جنيه احتار عقلي
وقلت ياقلبي لو مش هي تبقى دي مين
قلبي جاوبني قال دي حورية جت من الجنة لاجل اتهنى
وشوك الصحراء يكون بساتين
ولما عينيها بقت في عينيا جت حضنتني
وزرعت ورد من شفايفهاعلىالخدين
ايوه ده كله بورده وفله شفته وعشته جوه عينيكي
عشت ايامي وسنين عمري في قربك ثانيه
وعشت اللحظة وانتي بعيده ايام وسنين
وانا وياكي بانسى الدنيا ولا انساكي وانا وياكي بانسى اهاتي وانسى انا مين