.... ولان الزواج الان اصبح موضوعا فى مكانه على رف رابع الستحيلات بجوار الصديق الوفى والعنقاء والغول .......
فالاكيد ان الكثير منا توصل فى لحظة ارشميدسية _ نسبة الى العالم اليونانى ارشميدس _ حينما اكتشف قانون الطفو وهو بيستحمى فى البانيو فصرخ " وجدتها" !!!!
الى ان الجواز العرفى هو الحل ........ والتكلفة محدودة جداااا ..... ورقة صغيرة منزوعة من كشكول المحاضرات الملىء اصلا بعبارات الحب والهيام وليس بمحاضرات الكتور " عبد المجيد استاذ التاريخ "
وكمان علبتين كانز للصديقين "هانى " و " هيثم " اللذان سيكونان الشهود...... احنا يا باشا ماشيين قانونى....... !!!!
+ كيس شيتوس للصديقة " نهى " واللى هتطرقع زغرودة فى قلب الجامعة عشان نبقى عملنا الاشهار !!!!! ولما حد يسألها بتزغردى ليه هتقوله : " اصل انا نجحت فى امتحانات نص السنة !!! رغم اننا لسة فى اول اكتوبر!!!
+ 30 جنيه تمن الغرفة الراقية اللى هتأجروها فى انظف فنادق العتبة حتى تقضوا فيها شهر العسل الذى لن يزيد عن يوم واحد فقط .......
بعدها ستكتشف البنت ان ما فعلته شىء شنيع جداااااااهتصوت وهتلم عليك الناس وهتكون النهاية فى القسم ان شاء الله !!!!
( فى السطور القادمة عرض لستة اسباب عبيطة _ ولا مؤاخذة _يتخذها البعض ذريعة للزواج العرفى ... ولانها اسباب عبيطة .... فهى طبعا عبيطة ... ولا ايه رأيكوا )
(1): الاستعجال ... " مافيش وقت خالص ... الحياة قصيرة جدا يا جدعان !! "
وهو اكثر الاشياء العبيطة شيوعا... تجد الولد والبنت عندما يسألوهما : ليه عملتم كدة؟؟؟؟
ترد عليك البنت بكل بجاحة : " احنا عارفين اننا ممكن نتجوز كمان كام سنة .. بس انا مش بقدر اعيش يوم من غير ما اشوف سيد ! "
وفى نفس الوقت تجد سيد يقولك فى تناحة منقطعة النظير : " انا عارف انى ممكن اتجوز ست ابوها فى خلال سنتين .... بس مش حرام نضيع السنين دى من عمرنا فى الهوا ... يرضيك كدة .... ها يرضيك ؟؟!! "
*** هو طبعا يرضينى ... لسبب بسيط جدااا هو ان العلاقة بين الولد والبنت اذا لم تنضج على نار هادئة .... فأنها ستكون نيئة قد تجد اول قطمة منها فى غاية اطعامة واللذاذة ..... لكن بعد كدة هتحس انك بتاكل لحم رخيص ...
" بس مش بتاع ايناس الدغيدى " ما لهوش طعم اصلا ....
بعد وقت قليل جداا هتلاقى نفسك بتدور على نوع تانى وطعم تانى
حكمة هذه القصة : ما يأتى سريعا .. يضيع سريعا هذا عن الفلوس فما بالك بالبنى ادم
(2) : الاهل رافضين " بابا حالف ليطلق ماما لو اتجوزت سيد "
لو كنت اخصائى اجتماعى ستجد ست ابوها تبكى بحرقة وهى تعترف لك قائلة :
" والله يا استاذ حسونة انا ما كنتش عاوزة اعمل كدة .. اهىء .. اهىء .. بس سيد جه واتقدم لى بس بابا راسه والف سيف ما اتجوزش سيد... ماله سيد وحش سيد ... ده حتى جتة وملو هدومه
بابا طرده من البيت ورفض حتى انه يكمل كلامه معاهوحلف بالطلاق ان سيد ما يدخلش بيتنا تانى .... ماله سيد وحش سيد ده حتى كسيب وبيشتغل فى ال..... فى ال.... يعنى بيتاجر وخلاص !!!
*** قد يحن قلب الاستاذ حسونة ويرق لست ابوها ويقتنع بمنطقها ....
لكن دعونا ماذا لوكان لدى والد ست ابوها اسباب مقنعة حقا؟؟
ماذا لوكان سيد فعلا غير مناسب لها او ان الوالد يعرف عنه ما لاتعرفه ست ابوها ؟؟
حكمة هذه القصة : رأى الاهل فى الاغلب _ ان لم يكن دائما _ بيكون على صواب .. حتى اسألوا ست ابوها !!!!
(3) : الظروف الاقتصاديه " ما فيش فلوس حتى اسألوا نجلا "
كان سيد يجلس على قهوة " احلى من الشرف ما فيش " مع صديقه اللدود " عبده توكل " ثم قال لصديق وهو يشد نفس من الجوزة : " كح ... كح .. تعرف يا عبده انا اتجوزت البت ست ابوها عرفى ليه ... قولى ليه ... ما تقول يا جدع ... اه نسيت انك اخرس !! ... اقولك انا , عشان ما فيش فلوس .... هو احنا لاقيين نشرب جوزة ... كح ... كح ... لما نلاقى نجيب شبكة وعفش وشقة وكلام فارغ من ده ..... وبعدين مش انا لوحدى اللى بقول كدة ...
ده حتى الست المحترم اللى اسمها " نجلا " غنت وقالت : " بح .. خلاص ... مافيش شطبنا " .. ايوة كان قصدها على الفلوس .. لآ انا عارف قصدها على الفلوس مش اى حاجة تانية !!! "
*** حسنا .. يمكن ان نتعاطف مع سيد لو حاول ان يعمل وفشل ... لووقف ضده العالم كله ووضعت لافتة " سيد ممنوع من العمل " فى كل مكان يذهب اليه
لو دققنا النظر سنجد سيد جتة وملو هدومه وده كلام ست ابوها مش كلامنا .... يعنى ممكن لو سند بايده على جدار يهده ... صحة يعنى
طيب ليه يا سيد ما حاولتش تشتغل واكتفيت انك تشغل نفسك وتشرب الشيشة وتتفرج على نجلا وخلاص
(4) : التقليد ... " واشمعنى ست ابوها وسيد يعنى "
غريب جداا هذا السبب ... اذا نجد داليا سعيدة جدااا وهى تمسك ايد احمد بعد ان تزوجا عرفيا وهى تقول لك :
" كنا بنحب بعض ومش عارفين نقدر نتجوز امتى .... لغاية ما اتعرفنا على ست ابوها وسيد اللى قالولنا على الطريقة المفتكسة دى ......
وما تكلفناش حاجة ممكن نبقى نقول لاهلنا بعدين ..... عشان نحطهم قدام الامر الواقع .... لما اكون خلفت ياسمين وشادى
انا ناوية اسميهم كدة .... كنت فكرت اسميهم ست ابوها وسيد بس لقيت الاسمين دول فرافيرى اووووى "
**** جميل... هذا المنطق خاطىء مائة بالمائة .. الامر اشبه بتقليد اغرب فى ملابسهم وسلوكياتهم دون اى رجوع لعادتنا وتقاليدنا .....
مايصلح لزيد لا يصلح لعبيد فما بالك لوكان ما يفعله عبيد اصلا غلط ؟!!!!
هل تقلده فى غلطه ؟؟ سا معنا يا عبيد ؟؟!!!
حكمة هذه القصة : زيد يخطىء كثيراااا ..... حتى اسالوا عبيد
(5) : الحب ... " عندما اراها يذوب قلبى واصبح ........ "
ربما يكون هذا السبب من اكنر الاسباب التى تبدو منطقية من وجهة نظر المقبلين
على الزواج العرفى ....... سنجد سيد ينظر اليك مسهما وهو يقول
" بحبها ياض ده حتى خليتنى اكتب فيها كلام بالفصحى .... فسح كدة فى القعدة واسمع :
.. عندما اراها بعيد عنى يذوب قلبى ويصبح كحبة فيتامين سى ... عندما تضعها هى
بأناملها الرقيقة فى كوب من عصير القصب ....!!! من الماء !!! .... شفت الحب عمل فيا ايه ؟؟؟!!!!!
وسنجد ست ابوها تقول لاختها الصغيرة وهى تغسل الاطباق بعد الغذاء وهى تتأمل فى خيط المياة وهى تنزل من الحنفيه : تعرفى انا بحب سيد موووت ...
ده خلانى اكتب عنه كلام بالفصحى .. حتى اسمعى ... عندما اراك يا سيد تتجمع ذرات قلبى التى ذابت كقرص فيتامين سى فى كوب من الماء عندما ابتعدت عنى لتعود مرة اخرى وتسكن فى صدرى واشعر بطعم البرتقال الحقيقى الذى غاب عنى كثيييييرا
شوفتى الحب عمل فيا ايه ؟!!
بعد ذلك قرر سيد وست ابوها الزواج العرفى .. لانه الكوب الوحيد الذى يمكن ان يجمع بين قرصى فيتامين سى اى بين قلبيهما !!1
*** جميل جداا لكن دعونا نسأل ماذا لو انكسر الكوب ........ بل ماذا لوتم وضع قرص فيتامين سى فى كوب من الماء المالح ... هل سيكون هناك طعم للبرتقال ؟؟!!!
الحكمة المستفادة : قرص فيتامين سى يعالج البرد .... ليس الحب !!!
(6) : التجربة ... " دا الواحد لما بيشترى قميص جديد بيجربه ! "
فى الغالب ستجد ان سيد وست ابوها يعانيان من مرض شديد يسمى "البلاهة منقطعة النظير "
وذلك عندما يقولان لك فى ثقة : احنا قولنا نجرب بدل ما نعمل حاجة فى الحرام ... نتجوز عرفى ..... ولو اكتشفنا ان الجواز بينا حلو ... واننا مرتاحين لبعض ... واننا ممكن نكون اسعد زوجين فى العالم ...... اكيد اكيد هنعلن جوازنا ... وهنتجوز رسمى ... ياريت تفهمونا وبلاش رجعية ... كل حاجة اليومين دول قابلة للتجربة .... والمفروض الجواز يكون اولل الحاجات دى ... ده حتى الواحد لما بيشترى قميص جديد بيجربه
الأكيد انك وقتها ستحتاج اطنان من التلج لتضعها على جسدك كله حتى تكون باردا وهادئا وان تتكلم معهم وتقول لهم
" جميل جداا ....... لكنك عندما تجرب قميصا جديدا فانك تفعل ذلك فى المحل وامام الزبائن
وصاحب المحل ... فلا يمكن ان تسرق القميص وتجرى به الى غرفة البروفة لتجربه دون موافقة صاحب المحل "
ثم تالعوا نتخيل رد الفعل اذا قطعت كم القميص وانت تجربه ......مش انت برده اللى هتدفع تمنه ؟؟؟؟؟
فما بالك بقميص تقطع بالكامل وانت تجربه ...... من يدفع الثمن ؟؟؟!!!!!!!
الحكمة : لاتشترى قمصانا من محل معروف بانه يبيع قمصان مضروبة !!!
...................................................................
منقول ... يارب يعجبكوا
