كل سنه وانتوا طيبين ..الدخول اجباااااااارى

[center]السلام عليكم

اذيكوا يا دكاترة يارب تكونوا بخير

انا نزلت التوبيك دة بصراحه لسببين اول سبب عشان طبعا اقولكوا كل سنه وانتوا طيبين وباحسن حال ويارب دايما

تانى سبب عشان حاسه ان المنتدى نايم شويه يعنى كتير من الاعضاء مش بيدخلوا وناس كتير بتدخل بس مش بيشاركوا لا بتوبيكات ولا بردود فانا حبيت انشطكوا شويه

بصوا بئى كل كل الاعضاء لازم لازم يدخلوا يعيدوا ع الجميع ف التوبيك دة عارفين اللى مش هيدخل هو حرررررررررررر

والاعضاء اللى مش بيدخلوا خالص تقولولهم يدخلوا يردوا وبعدين ميدخلوش تانى هههههه

وعارفين اللى مش هيرد فالعقوبه مشددة بالسجن المؤبد مدى الحياه مع الاعدام شنقا ف نفس الوقت محدش يسالنى ازاى لان انا نفسى مش عارفه هههههههههه

يلا بئى وعاوزة الناس تنزل رسايل عن العيد وصور بالمناسبه دى وكدة

انا فاكره ان عيد الاضحى اللى فات كان فييه شغل جامد ع سايت دكتور ابراهيم عاوزين شغل اجمد بئى باذن الله

وخلوا بالكوا محدش يدخل ويخرج عادى كدة لا طبعا لازم يسيب رد يعيد ع اخواته ف المنتدى وطبعا اخواته دول مش هيكتفوا بالرد بس لا لانهم طماعين فللاسف لازم يسيب عديه والا هيتقطع يلا بئى كفايه كدة ومستنيه مشاركه من كل الاعضاء

ودى حاجه بئى بمناسبه العيد بصراحه بتفكرنى بايام الطفوله كمان يارب تعجبكوا
https://www.youtube.com/watch?v=4N88vDmA-B4[/center]

توبيك جميل جدا
كل سنه وانتى طيبه
وكل سنه واصحابى بخير
وكل سنه واعضاء المنتدى كلهم بخير وسلامه

كل سنه وانتوا طيبين ..الدخول اجباااااااارى 518624886

كل سنه وانتوا طيبين ..الدخول اجباااااااارى 835318895

كل سنة وانتو طيبين...وعيد سعيد عليكو كلكو

انت سبقتينى انا كنت لسه هعمل موضوع عن المنتدى اللى مبقاش زى الاول مش عارف ليه
وعموماً
كل سنة و انتم طيبين و عيد جميل و لذيذ كدا ان شاء الله و عساكم من عواده و كله بقى يشوف هيخرج يروح فين السنة دى

كل سنه و محمد ولبنى وباهى طيبين وميرسى كتير لمروركوا

وعندك حق يا باهى المنتدى بئى غريب جدا

كان عندى ملاحظتين بس كدة

اول حاجه ان التوبيك انتقل كدة عادى جدا ودة تانى مرة يحصل معايا الموضوع دة انا مش بقول للى نقله انت نقلته لييه لا بس المفروض يكون فييه حاجه اسمها وضع اعتبار للى كاتب الموضوع يعنى قبل متقرب للموضوع سواء كنت هتنقله او تعدل حاجه ف تنسيقه يبئى المفروض تستاذن الاول من صاحبه او حتى تكتب سورى نقلته لان دة مكان مش مناسب يعنى دة من باب الاحترام للى ناشر التوبيك زى مبيحصل وبنشوف ف كل المنتديات

تانى حاجه يعنى ناس كتير اكيد شافت التوبيك دة مش فاهمه كانوا هيخسروا اييه لو كتبوا كل سنه وانتوا طيبين يعنى دة حتى هتاخد ثواب ومش هيحصل حاجه وعموما كل واحد حر يشارك او مش يشارك وانا بس حبيت انزل التوبيك دة عشان احس بروح المنتدى تانى لكن للاسف اتصدمت برد الفعل الردود 3 مع ان اللى شافه girl__haha

عموما متشكرة اوى لكل اللى ردوا واللى مش ردوا

وياريت محدش يدايق من كلامى دة
سلاااااااام

كل سنة وانتى طيبة يا ولاء
وكل سنة والمنتدى كله بخير
وعيد سعيد عليكوا

المشكلة ان شوية تفكير بس هنعرف ليه دخول الاعضاء قل او انعدم تقريبا و يا رب اكون غلطان ومحدش يزعل من كلامى بس ده منتدى مش ... و كل سنة و انتى طيبة يا ولاء

اضغط

اولا : كل سنة وكل اعضاء المنتدى طيبين وبافضل صحة واحسن حال

وميرسى يا ولاء على التوبيك الرائع دة

ثانيا: يا دكتور باهى احب اقولك انت غلطان فعلا فى رايك دة المعروف ان رمضان مش فية وقت فاضى وخاصة للبنات مش كل البنات يعنى ولما بنلاقى وقت بندخل طبعا
انا عن نفسى كنت مقررة انى مدخلشى خلال الشهر دة الا ان اصحابى بيطلبو منى ادخل اشوف موضوعات تخصهم وبالتبعية برد عليها وبالتالى فى ناس كتير كدة
واكيد كل واحد لية ظروفة
وحضرتك لو تتابع دخول الاعضاء بردو هتلاقى ان الدخول كان قليل قبلها بكتير اوى
اقولك بئى انا السبب هو اية مش غرفة شات و الكلام دة (غلط خااااااااااااالص
)

السبب لقلة دخول المنتدى هو انعدام روح الجماعة والاخوة والمحبة اللى كانت فية
ودة بسبب المشاكل الكتير اللى حصلت فى الفترة الاخيرة بين الاعضاء مش اى سبب تانى
وبالتالى كل عضو خلاص زهق من المشاكل دى وانا اولهم تفتكر فى ظل منتدى بالشكل دة تحس فية بالوحدة ممكن تأدى او تقدم حاجة حلوة
ياريت كلامى يكون وصل وتعرف فعلا اية هى المشكلة الحقيقة وترجع لمعدل الدخول قبل ما الشات يتشال وبعدة ومش هتلاقى فرق

سورى انى طولت بس كان لازم اقول كدة بس الموضوع استفزنى شوية

كل سنه وانا طيب
وانتو كمان طيبين ومحمد واحمد ومحمود وكل الموجودين
وعيد سعيد وكل حاجه
هو انا اتفق معاكم ان المنتدى شبه فاضى
بس اختلف فى الاسباب
وياريت الاداره فعلا تراعى ابداء السبب عن النقل او التعديل او حتى الحذف
وكل سنه وانتو طيبين

الظاهر يا دكتورة ان حضرتك مش فاهمة صح المشكلة مش فى عدم الدخول على المنتدى علشان نقول انهم مشغولين او مش فاضيين انما المشكلة ان الناس فعلا بتدخل بس مش بتشارك
ولو تفتكرى ان تقريبا افضل فترة للمنتدى لما كان كل يوم مواضيع اكتر و اكتر و ردود و مشاركات احلى كان اكبر تواجد للاعضاء 11
دلوقتى بقى فى 12 ساعه بس بيدخل 21 عضو و لو حسبنا متوسط المشاركات لكل عضو هنلاقيه اقل من نص مشاركة و لو حسبنا متوسط الموضوعات ....؟

كل سنه وانتوا طيبين ..الدخول اجباااااااارى 837314673

[center]كل سنه وشمس وباهى وميرو ومحمد طيبين

احب بس اوضح حاجه مش غرفه الشات يا باهى هى السبب لان اصلا معظم الناس من بدايه رمضان مش كانوا بيدخلوا الشات بس كان فييه توبيكات كتير وكان فييه ردود اكتر

وبردة يا ميرو فييه اعضاء كتير بيدخلوا بس فعلا مفيش منهم اى مشاركات ع الاطلاق مش فاهمه لييه يعنى واعتقد ان غياب اعضاء مهمين عن المنتدى دة ماثر كتير جدا وع راسهم الادمن طبعا

عموما خلاص كل واحد حر يدخل او ميدخلش او يرد او ميردش بس بعد كدة مش يفضل نفس الاعضاء اللى لابيدخلوا ولا بيردوا دول يقولوا المنتدى بئى ممل ويزهق لان عدم مشاركه اى عضو ع المنتدى سبب من الاسباب اللى وصل بالمنتدى لجو الفتور دة

وعندى رجاء اخير
انا عملت التوبيك دة عشان ندخل نعيد فييه ع بعض فياريت بجد محدش يفتح موضوع المنتدى دة تانى
ياريت كل اللى يدخل يشارك يكون عشان يعيد ع الناس وبس منعا لاثارة الفتن والحروب ههههه اكيد طبعا عشان محدش يدايق من التانى

وكل سنه وانتوا طيبين بتمنى دخول الادمن ف اقرب وقت[/center]

كل سنة وكل اعضاء المنتدى طيبين وبافضل صحة واحسن حال

ويا رب تبقى حياتكوا كلها اعياد

وعقبال مليوووووووووووون عيد

شكرا ليكي علي التوبيك وأنا داخل المنتدي بالصدفة ولقيت الموضوع
أعذروني في عدم تواجدي في الفترة الماضية وللأسف إحتمال كمان فترة كمااان
وأنا مش حابب أتكلم عن قلة دخول الناس لأن دي بتبقي راحة وكمان تحس إنك بتستفيد من المنتدي اللي بتشارك فيه

أحب أشكرك الاول يا ولاء علي التوبيك

وأقول ليكم كل سنة وأنتم طيبين وعيد سعيد إن شاء الله علي الجميع
والكل يكون بخير وصحة وفي أحسن حالة

وأستنوا مني الحاجات بتاعة العيد قريب جدا

سلااااااااام لكل أخواني وأخواتي اللي في المنتدي

كل سنة و انتو فى اتم الصحة و السعادة

ربنا يتقبل مننا كلنا صيام شهر رمضان

و عيد سعيد و اكيد طبعا مش هدى حد عيديه هههههههههه كفاية كل سنة و انتو طيبين ههههههههه

كل سنة وكل اللي بيدخلوا علي المنتدي بخير وعيد سعيد

والتوبيك ده جه في وقته تماما

كل سنه وانتم طيبين وربنا يجعله عيد سعيد على الامه الاسلاميه كلها

وان شاء الله المنتدى يرجع زى الاول وتملاه روح الاخوه اللى كانت موجوده الاول وباقولكم دى ازمه وهتعدى علينا كلنا

شكرا ليكى يا ولاء عالموضوع ده وما تزعليش عشان زعلك ده غالى عندى

..............................................................
N.E.A

كل سنه وانتى طيبه يا ولاء وشكرا على التوبيك

وكل سنه واعضاء المنتدى كلهم بخير وسعاده وربنا يجعله عيد سعيد على الامه الاسلاميه كلها

كل سنه وانتوا طيبين ..الدخول اجباااااااارى User6

أولا ميرسى جدااااا يا أرق دكتورة
على التوبيك الجامد دة وكل سنة وانتى طيبه
ثانيا كل سنة وانتو طيبين يااجمل اعضاء

وعيد سعيد عليكوا وعلى حبايبكوا

ثالثا انا هتكلم بخصوص عدم دخول الاعضاء
طبعا فيه اعضاء قالو رأيهم بخصوص الموضوع دة..زى د\ باهى وميرو حبيبه قلبى وغيرهم
بس أحب أزود كمان تعليق بخصوص الموضوع دة

انا ملاحظة ياااااااااااااا جماعه ان فيه ناس
بتتعب علما تنزل موضوع جديد وطبعا
بتبقى مستنيه ردود للشكر على المجهود اللى هما عملوه....بس للاسف بعديها بحوالى خمس دقايق او أقل ألاقى فيه موضوع تانى نزل
فى نفس القسم وبكده يبقى الموضوع اختفى
وطبعا العضو بيزعل...انا مش عارفه اسمى
دا ايه ...جايز تحدى او عناد
مش عارفة انا بعتذر عن طريقتى فى الكلام

ومش عايزة حد بجد يضايق منى
انا بقول كده يا جماعه لآن فعلا فيه ناس
اشتكت بدون ذكر اسامى....وانا اسفة جدا انى مش
اتكلمت عن الموضوع دة الفترة اللى فاتت
لانى مشغولة جداااااا....وربنا يسهل وتعدى
الفترة اللى جاية على خير

ياريت يا جماعه لو فيه حد عايز ينزل موضوع جديد يستنى شويه علما الاعضاء يقرو موضوع
زميلهم او زميلتهم....؟؟لآن فيه ناس مش بتدخل القسم
علشان تشوف المواضيع الجديده...بتكتفى فقط
باحدث مساهمة....

بتمنى ان اللى انا عايزه اقوله يكون وصلكم

واظن ان دة سبب كافى ويكون سبب فى ان العضويزهق ويسيب المنتدى
لان مفيش اهتمام

اسفه على الاطاله
_______________

وبعدين ايه البخل ده محدش دخل وساب عيديه لبقيت الاعضاء...يا ساتر عليكوا
انا عن نفسى مش هسيب عيديه
هههههههههههههه
كل سنه وانتو طيبيبن كمان مرة
وميرسى جداااااا ليكى يا ولاء

------------

يلا سلااااااااااااااااااام

كل سنه وانتوا طيبين ..الدخول اجباااااااارى Eidcard9vv

كل سنه وانتوا طيبين ..الدخول اجباااااااارى Eidcard9vv

كل سنه ودكتور احمد جمال طيب وف احسن حال يارب

وكل سنه وانت طيب يا عجيز وميرسى كتير لمرورك وف انتظار حجات العيد زى مقولت بس كتر الكحك بئى عشان الاعضاء كتير هههههههه

وكل سنه وانت طيب يا عابدين بس احسلك تطلع بالعديه انا قولت اهو هههههه

وكل سنه ودكتور سيف المحيط بخير

وكل سنه وانتى طيبه يا ندى وميرسى كتير يا قمر ع زؤقك وربنا يخليكى يارب

وطبعا نورتينى يا سمسمه وكل سنه وانتى طيبه وبخير يارب دايما

وطبعا كل سنه واحلى نور بخير وميرسى كتير يا قمر ليكى ومش عاوزينك تغيبى عن المنتدى تانى لانه بيضلم من غيرك والله وف انتظار تصميماتك الرائعه عن العيد باذن الله

وكل سنه والجميع بخير

ان ان ان

انا جييييييييييييييييييييييييييييت

واحب اقول لكل اخ وكل اخت ف المنتدى الجميل دا كل سنه وهما طيبين وبخير وبصحه وبسعاده وهنا وفرح وطمأنينه وربنا يحفظه من كل الامراض والعيون الوحشه......

مش عاوز تطنيش....فين الكحك والبسكوت؟؟؟؟؟؟؟؟؟؟

ههههههههههههههههههههه...فعلا يا جماعه انا شايف ان المشاكات بدات تقل لكن باذن الله في امل انه يعود زى الاول بينا وبهمتنا وهيكون احسن م الاول كمان

وانا بتفق تماما مع نورا ف الملحوظه اللى قالتها ودا انا كان نفسي اقولو من زمان،لازم ياجماعه نقدر تعب العضو اللى بينزل التوبيكات ونحترمه ونراعى كل دا

مش حابب اطول عليكم

كل سنه وانتو طيبين وسلام خاص للدوكتور ولاء صاحبه التوبيك الجميل دا.........

ميرسى ليك يا هلال ونورت التوبيك والله

وكل سنه وانت طيب

بس بقولك اييه شييييييييييل الصورة دى جابتلى اكتئاب والله

كل سنه وانتي طيبه يا ولاء
وكل الاعضاء كلهم طيبين وبخير
عيد فطر سعيد علينا كلنا يا رب
وميرسي يا ولاء ع التوبيك ده
عشان بجد جه ف وقته
كان نفسي اكتب رد اطول من ده شويه
واشارك اكتر ف التوبيكات والمشاركات
بس المشكله ان النت عندي مفيش خاااااااااااالص

يلا بئي كل سنه وانتو طيبين
سلام يا احلي اخوات

crystalshining27 كتب:: ميرسى ليك يا هلال ونورت التوبيك والله

وكل سنه وانت طيب

بس بقولك اييه شييييييييييل الصورة دى جابتلى اكتئاب والله

هههههههههههههه..معقول اشيل ممدوح عباس(دحا) حبيب قلبي وقلب كل الزمالكاويه.الله ينكد عليه زى ماهو منكد علينا كده.

بسم الله الرحمن الرحيم

كا عام وحضراتكم طيبين يا دكاترةوكل عيد وانتم بخير اعاده الله علييكم باليمن والخير والبركات واللهم بلغنا رمضان العام القادم باذن الله

كل سنه وانت طيب يا محمد ولا يهمك خالص وان شاء الله ظروف النت تتحسن وتتواجد ع المنتدى باستمرار

وايوة كدة يا احمد غيرت الصورة الكئيبه دى انا كنت اقصد السواد القاتم اللى كنت حاطه مش ممدوح عباس اللى ربنا يخلييه لكل الزملكاويه

وكل سنه وانت طيب يا دكتور صقر الكتائب ونورت التوبيك حقيقى

» مؤثر جدا جدا ..ارجو الدخول
» هام جدا ارجو الدخول لجميع الاعضاء
» ارجو من الجميع الدخول للعبرة
» الدخول اجباري ... واللي مش هيدخل ... هعمله باند ع المنتدي بئي ... هاا