انفلونزا الخنازير واخر التقارير عنها

ربنا يحفظنا جميعا

يا جماعة الكلام ده مش مظبوط
وده كلام دكتور كان كاتبه في احد المنتديات

اقتباس :

أولا : دم الانسان قاعدي اساسا (pH=7.3-7.5) و مش حمضي و دي كارثه علميه في صاحب التأليف اللي فوق ده

ثانياً : فيروسات الانفلونزا كلها لا تتحمل درجه تصل لـ 48 وده سبب انتشارها الشرس في دول ما فوق مدار السرطان وما تحت مدار الجدي (دول المناخ البارد) .... اكل لحوم الخنازير المطبوخه ولو حتى نص سوا بيعقمها من الفيروس بسبب حساسيته للحراره ... وده يثبت خطأ علمي ثااااااااني (طبعاً دي مش دعوه لاكل البتاع ده .. انا بثبت الاخطاء العلميه فقط)

ثالثا: بيكاربونات الصوديوم تعمل على احداث قرحه معده بشكل غير مباشر نظراً لعمليه ال rebound اللي بتحصل بعد امتصاص البيكاربونات كلها بيكون الحمض فعليا بمستويات عليا ... و بمبدأ توازن القوى ... اختفاء البيكاربونات يعطي السلطه واليد العليا للحمض ... مع تكرار العمليه هيقل ال Protective Agents of mucosa وده will give the rise for peptic ulcer in the long run

رابعاً : اسمها بيكاربونات ... صوديوم ... ((((( صوديوم ))))))).... يعني ضـــغـــط و مشاكل في القلب (خصوصا مع التركيز العالي دي (حتى لو ملعقه شاي) )

خامساً : قاعده تكوين حصوات الكلى .... حسب السلسله الكهروكيميائيه ... الصوديوم هيطير اي عنصر سواء كالسيوم او مغنيسيوم و يحل مكانه في الملح بتاعه .... يعني كربونات صوديوم + اوكسالات كالسيوم+ ميه => هتتغير اماكن العناصر النشطه => كربونات كالسيوم + اوكسالات صوديوم .... والاتنين نسبه ذوبانهم في الميه قليله .... على المدى الطويل هيكون حصوات

سادسا : التأثير الفعلي على الفيروسات بيتم من فوق pH=8.4 وتحت pH=5 و سواء المريض سف شيكاره بيكاربونات صوديوم او حتى خدها حقن وريد ...هيموت قبل ما يوصل للرقم الهيدروجيني ده (معدل الحموضه) لان عند pH=8 الخلايا كلها بتفقد الميه و تموت و الانزيمات مبتشتغلش .... وعند pH=6 الخلايا بيدخلها ميه كتير و تفرقع عشان الضغط الاسموزي غير ان الانزيمات برضو مش هتشتغل

سابعاً : انا اول مره في حياتي اسمع عن ورقه تباع شمس بتتحول للون اصفر ... طول عمري اعرف انها Basic Blue او Acid Red ...يا ازرق يا احمر ... او ارجواني عند ال pH=7 ..... بس السؤال اصلا ايه علاقه التجربه بالموضوع ؟!!! .... وكمان حاجة ورق تباع الشمس بيقيس التغيرات الكبيييييره في الرقم الهيدروجيني ... مش كسور

ثامناً : تركيز فيروس الانفلونزا اساساً في الجهاز التنفسي و خلاياه و ليس بتركيز عالي في الدم ... وعشان كدا اختبارات الاصابه عباره عن مسحه من الزور و ليس تحليل دم .... إذا سؤال .... هل قتل الفيروس في الدم له فائده اصلا !!!! .... ولا بعد تقليعه ملعقه بيكاربونات ... ممكن سطرين بودره بيكاربونات برضو !!!!

تاسعاً : لو فرضاً ان الشخص ده بياخد علاجات مزمنه سواء للقلب زي ديجيتاليس او للجهاز العصبي زي اللورازيبام او الفاليوم.... تغيير ال pH بتاع الدم will induce toxicity عشان ال Plasma Binding Protiens بتشتغل في حدود ضيقه .... او ممكن تخلي الدوا بلا اي فائده عشان موضوع ال Forced Diuresis وبالتالي اخونا يدخل في كوارث ما يعلم بيها إلا الله


ملخص اللي عايز اقوله الرسايل دي خطر جدا جدا خصوصا لو وقعت في ايد شخص نصف متعلم او غير متعلم اساساً ...يا فرحتي ياخد معلقه الصبح و معلقه الظهر و معلقه على العشا و ممكن واحده قبل النوم و هوا في نظر نفسه بيوهم نفسه انه في حمايه من المرض ... وبالعكس بيدمر جسمه جهاز جهاز
وبعدين كويت ايه اللي هيجو يقولوا لينا كمصريين على علاج المرض !!!!!! دول حتى معندهمش Infection control Unit اللي هيا عندنا من 100 سنه فاتت !!!!

[center]شكرا يا دكتورة على هذه المعلومات.
وكان من المفروض فعلا ان نكون اول ناس تقول لا الكلام ده مش مظبوط بما اننا درسنا احياء.
وندعو من الله ان يحفظنا جميعا ويرفع عنا هذا البلاء .[/center]