ماذا تفعل لو صارحتك اختك بانها تعيش قصة حب

ميرسي يا حبيبتي على ردك اللي نورني ده
وبجد كلامك صح جدا جدا .بس ياريت الاخ يسمع مش مجرد ما تقولو يتعصب ويبهدل الدنيا
اصلا هيه البنت مجرد ما تقولو يعني واثقة فيه ومش عايزة تعمل حاجة غلط وبتكبروا ..صح؟

. و مستنية اسمع اراء الشباب... واكييييد كمان البنات ..

موضوع جااااامد جدااا يادودى ***** بشكرك عليه *******

اولا : ده بيتوقف على شخصية الاخ ... يعنى لو متفاهم هيقدر يعرف منها التفاصيل وبكدة يقدر يساعدها وينصحها

اما بقى لو كان عصبى فهتحصل مشكلة جامدة....

وكمان بيتوقف على صلة الشخص اللى هى بتحبه ...... اعتقد لوكان قريبها الموضوع هيبقى اسهل شويه لكن لو اتعرفت عليه فى الجامعة او العمل......الخ

فهيكون الامر مختلف واحتمال كبير رفض

منوراني والله يا حبيبتي ..

ويارب دايما كده

وكلامك صح الصح كمان ... كله فعلا بيتوقف على شخصية الاخ ..

ومستنية اراء الشباب

يس يس يا دكتور ياريت الكل بيفكر نفس تفكيرك ...

نورت الموضوع كلو

وبشكرك عالتفكير ده

موضوع لطيف يا دودى ربنا يوفقك
انا اعتقد والله اعلم يعنى لو اخويا قلتله كده اممممم
يعنى هيبان عليه انه اضايق شوية بس لانه عارفنى هيفهمنى وهيتعامل بالموقف بالعقل يعنى هيقولى لو الشخص ده بيلعب وكده فسبيه طبعا ولو هو الشخص ده بيتكلم جاد فخلاص انتى عرفتى انه بيتكلم جاد يبقى يبرهن كلامه صح واعتقد البرهان المحترم معروف وهو البيت هيتحجج بظروف وكده يبقى مكنش المفروض يقولى حاجة الا لما يبقى قد الظروف ولو كان بيقول من باب انه يعرفنى انه معجب فملوش لازمة مدام مبرهنش بصى من الاخر يعنى لو واحد بيحبك جدا بس من برة وانتى عارفه انه كده يبقى ملوش لازمة التانى اللى دخل البيت على طول احسن منه لانه بدخوله يبقى احترمك وقدرك
على فكرة ده كلام اخويا ورايه مش كلامى انا هو قالولى قبل كده قبل دخولى الكليه رغم ان مفيش حاجة حصلت بس حب يعرفنى وانا اقتنعت بكلامه
اللى يحترمك هو ده اللى تحترميه
سورى طولت عليكى بس موضوع حلو وجاوبتك بصراحة اى خدمة

ميرسي يا دكتورة عالكلام الجميل ده وربنا يخليلك اخوكي يارب ويوفقو

وانت يادكتور احمد ربنا يوفقك كمان عالعقل الجميل والمتفهم ده ميرسي جدا

نورتوني يا جماعة

....طبعا لازم يفهم الموضوع كويس...ويعرف ايه طبيعة العلاقة دى؟؟...واخرتها ايه..وناوى على ايه؟؟...دى اخته مش عدوته...ويكفى انها وثقت فيه واحترمت وجوده وصارحته بحاجة جميلة زى دى...ده لوحده يخليه يحترمها وميتعصبش عليها ويحل معاها الموضوع بكل عقلانية ودين.....بس بصراحة..كل اللى اعرفهم هيعصبو ويبهدلو الدنيا من اللى بيشوفوه دلوقتى...غيرة وحب وخوف على اختهم..بس برده مش ده الحل....شكرااا يا دودى

انا من رأيي ان اى شاب متعلم ومتفهم ومثقف يعنى فى جيلنا ده او اى شاب عموما فى الزمن اللى احنا عايشين فيه هيتفهم جدااااااااااا الموضوع ويحترم وجهه نظر اخته وهيحاول يفهم منها حدود العلاقه بجديه وطريقه التعارف ولحد فين وصلوا او يعنى هو شاب ناوى على ايه من الاخر يعنى لو هيتقدم رسميا هيحاول اكيد يقنع والديها حتى لو فى بعض العيوب هيحاول يتكلم معاه ويكون معاه صداقه بحيث يعرف اذ كان فعلا يستاهل اخته ولا لا وبيتهيئلى كل الشباب العاقل هيعمل كده

اما بقى فى شباب تانيه تعامل اختها كأنها اذنبت اخر ذنب فى حياتها كلها ويمنعها من كل حاجه حتى الخروج مع صحابها والتليفون والنت ده اذا مرحش للولد ده كليته او شغله وفى الاخر وطبعا اكيد الحل الامثل هو التفاهم ومحاوله اقناع الاهل بجديه العلاقه

ميرسي جدا يادكتورة سومة انتي ودكتورة لبنى ده الي المفروض يحصل بس محدش حيعمل ده الا قليل جدا _ _
‏ وميرسي جدا يادكتور ريزو وشكرا جدا ياريزو على صراحتك _

نورتوني جدا بصراحة _