صديق الطفولة هل يبقى ؟؟؟؟

صديق الطفولة هل يبقى ؟؟؟
السلام عليكم /

صديق الطفوله هل يبقى صديق ...؟؟

الطفولة نكون صداقة مع بعض الأشخاص ويكون هناك شخص هو الأقرب ،،،

نلعب معه ونعبث معه ونحبه ،،، إنه صديق الطفولة ..

نشتاق دائماً للقائه ،،، نغضب لفراقه ،،، مع أننا

أطفال (( لا نعي معنى الصداقة ))

في كل لقاء معه لا نعانقه ،، ولا نضيع وقتنا بسؤاله عن الصحة والأحوال

بل مباشرة نبدأ باللعب واللهو ،،، والعبث

نتمنى دائماً أن لا نتفارق (( بلا مقدمات ))

نتمنى دائماً أن لا نتفارق

نكبر شيئاً فشيئاً وتكبر صداقتنا ونحن مازلنا
(( لانعي معنى الصداقة ))

ولازلنا لا نعرف المعانقة والسؤال نقة والسؤال عن الصحة والأحوال
(( فقط نشتاق لبعض ونريد أن نبقى سوياً زمناً أكبر ))

بعد أن نكبر ،،، تحكمنا الظروف في الغالب على عدم الإلتقاء كثيراً وكثيراً أخرى تقل اللقاءات إن لم تنعدم ....

نلتقي ونحن كبار ،، نتعانق ونسأل عن الصحة والأحوال (( ونعي معنى الصداقة )) ولكننا لسنا أصدقاء الطفولة .......

في الغالب صداقة الطفولة بالرغم من جمالها وبراءتها ونقائها إلا أنها لا تدوم

سؤالي للجميع :::

هل صديق الطفولة مازال صديقاً لك ؟؟

أطول صداقه عشتها كم كانت مدتها ؟؟

وأجمل صداقة عشتها كم كانت مدتها ؟؟

lol!

اولا بجد موضوع رائع يا دودى ربنا يكرمك يا رب

اما الاسئلة بقى ففعلا اصدقائى بتوع الطفولة بقينا دلوقتى تقريبا نشوف بعض قليل لان كل واحد فى كليه تانية بس فاكرين ايام زمان كويس احلى ايام الطفولة والبراءة

اطول صداقة كانت اربع سنين لواحدة اسمها ايمان بس مبقتش تقريبا اشوفها دلوقتى من بعد ابتدائى

اما اجمل صداقة كانت سنة

الفكرة جميلة يادعاء
انا ليا صديق من ابتدائى برضة لسة مع بعض لدلوقتى وبيجى معايا الكلية كتيييييير وعلى طول مع بعض فى البلد ربنا يخلية ليا يارب
ودى اطول صداقة
اجمل صداقة كانت 3 سنين

اولا هشكرك يا دودى على الموضوع الرائع ده

هجاوب عليكى

السؤال الاولانى مش كلهم بس معايا واحده صاحبتى جدا من الحضانه اساسا ولحد الان مع بعض فى كل حاجه حتى لوهي اصلا مش معايا فى الكليه
بس معايا اثنين من اعز اصحابى من الابتدائى برده بس طبعا بنتقابل فى الاجازات بس وبنحاول علاقتنا ببعض متضيعش اوى

اطول صداقه عشتها العمر كله يعنى من الحضانه

اجمل صداقه عشتها كانت لمده 3 شهور بس

ميريب يا دكاترة ليكم كلكم نورتو

طبعا صديقة طفولتى لسة معايا دلوقتى ويا رب نفضل كده...هى بعيد اه...بس دايما برده مع بعض

اطول صداقة كانت 5 سنين

اجمل صداقة كانت سنة

اعتقد انى كنت شخصيه انطوائيه غير اجتماعيه بالمره وكنت ايام الطفوله منعزلا تماما عن اى صديق يعني لوحدي م الاخر مليش صديق طفوله ولا حتى مجرد زميل.

اطول صداقه دامت لمده اربع سنوات وهو يعتبر اغلي صديق عندي ف البلد وهو اخويا اللى ياااااااارب يسعده ويوفقه دايما.

احلى صداقه دامت لمده سنه تانيه ثانوى تقريبا لما كنت انا وصاحبي ده مع بعض وكنت بروح ازاكر معاه البيت ونتقبل بعد كل صلاه ونشوف الحاجات اللى منعرفهاش ونتناقش فيها والحمد لله علينا بعض ياااااااااااه،بجد مش قادر انسى الايام دي كانت احلى سنه ف حياتي.

نورتي يادكتورة وانت يادكتور كمان نورت

ويارب يارب كل الناس تلتقي اصدقائهم قريب اللي ما شافهومش من زمااااااان

يارب

» يبقى السؤال ؟!؟!
» صديق عايز يفارقنى
» ما أجمل ان يكون لديك صديق