اصــعب قــرار

موضوع: اصــعب قــرار الأحد أغسطس 09, 2009 6:07 pm

وهلال رمضان مقرب
وبدره في السما باهي
لمحت طير ناحيتي بيهرب
وريشه في الظلام زاهي
حط بجناحه على بيتي
وقالي هاقولك سر
تسمع وتنفذ كلامي
او ماتنفذوش انت ياصاحبي حر
لازم تسيب البيت ده
خلاص مالكشي مكان
انا هابني عشي فيه
وتحته كام دكان
هابيع ياميش رمضان
وكنافة وبلح ولبان
وده مش كلامي لوحدي
دي رغبة كل الطيور
لازم تسيبنا بسرعه
ومن المكان ده تغور
انا قلت ايه السبب
بأي ذنب جنيته
قام رد الطير وقالي
وجعت دماغنا بكلامك
وعامللي فيها واعظ
يالا سمعنا سلامك
وبلاش حكم ومواعظ
ناديت لكل الطيور
ياعالم تعالوا هنا
انا موجود مابينكم
بقالي حوالي سنه
دانا كان كل مرادي
نعمل مع بعض عيله
اب لبناتي وولادي
ونكون اسره جميله
اتاري كل ده احلام
هوانتم عاوزين تعيشوا
في هيصه ودوشه وغرام
واهي عيشه ووقت ضايع
يخلص اوام اوام
واهي فتره والسلام
سهل اني اقوول وداع
وايه يعني حلمي ضاع
ولو عايزني امشي
ياريت تكون معلنه
مش كلمه في الخباثه
لازم تحبوا الصراحه
عمري ماهقعد غلاسه
وتقولوا في بعدك راحه
وان كان غيابي جنه انتم غيابكم نار
واديني مستني منكم اصدار اصعب قرار

وان كان غيابي جنه انتم غيابكم نار
بجد كلام حلو اوى يا مستر ويوصل للقلب بسرعه وان شاء الله كلنا نقضى مع بعض اجمل واسعد واحلى ايام فى رمضان واحنا متجمعين ومنتحرمش من بعض ابدا

مش اى كلام يبقى اسمه كلام
اه هو ده اصل الكلام
ربنا يارب يبلغنا رمضان ويديم علينا اللمة الحلوة

سلمت يمناك مستر مجدى

ربنا يخليكي يا اسماء
شكرا لذوقك واحساسك العالي
تقبلي تحياتي وامنياتي لكي بالخير الدائم يا ابنتي العزيزة

وان كان غيابي جنه انتم غيابكم نار

واديني مستني منكم اصدار اصعب قرار

كلمات رائعه ومعانى اروع

تسلم ايدك يا مستر

الى الابنة العزيزة / منى
وزميلة مجلس الادارة المبجلة / نورا
اشكر لكم كلماتكم الرقيقة
وردودكم التي تزيد من كلماتي قيمة ومكانه
اسال الله ان يديم مروركم وتعليقاتكم الرائعة
تقبلوا تحيات ابيكم / مستر مجدي

توبيك رائع جدا يا مستر تسلم ايدك

سلمت من كل شر بني
واشكر لك اهتمامك
وردك الذي اسعدني
الى ابن الصيدله البار
تقبل تحياتي وتمنياتي
لك بدوام التوفيق