لو منحتك 60 دقيقة

لو منحت 60 دقيقة لتعود بها الماضي

أين ستذهب بها ؟؟

من تختار من الناس كي تقضيها معه؟؟

وماذا ستقول له؟؟

وماذا تختار له من أرق العبارات وأبسطها؟

مستنيه ردودكم ((الفكره منقوله))

هقعدهم مع بابا نتكلم كتير و اقضيها بوس فيه يللا بقى زمانه فى الجنة دلوقتى

هقابل اصحابى من ايام الثانوية
عشان هما وحشونى اوى واد ايه مفتقداهم

من الرائع ان نمتلك القدرة على العودة للماضي
60 دقيقة كافيه جدا ساختار العودة اولا ليوم 13/4/1995 وساغير كلام قلته في لحظات من التردد والضعف كانت هي الاحجار التي شيدت مستقبل احياه لم اندم الا على تلك الساعة وهذه الكلمات
جميل ان نستطيع اصلاح الماضي لنسعد في الحاضر ولا نندم في المستقبل
تستحضرني ايه قرآنيه جميله
{حَتَّى إِذَا جَاء أَحَدَهُمُ الْمَوْتُ قَالَ رَبِّ
ارْجِعُونِ **لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا
كَلِمَةٌ هُوَ قَائِلُهَاوَمِن وَرَائِهِم بَرْزَخٌ إِلَى يَوْمِ يُبْعَثُونَ
}المؤمنون 99 - 100
فكره جميله لكن مستحيله برغم جمالها
جزاكي الله خيرا

انا بقى اتمنى انى اقابل صديقه ليا

من ايام الثانويه واخدها ونروح المكان اللى كنا بنحب نقعد

نزاكر فيه مع بعض

وهقولها وحشتينى موووووووت

بس اعتقد ان 60 دقيقه مش هيكفوا

بس يلا اهو احسن من مفيش

هههههههههه

فكره رائعه يا سمسم

original

انا هروح لناس كانو جيرانا بس عزلو ....واقعد معاهم كتيييير اوى اوى ..لانهم هيفضلو ف قلبى مهما بعدت ومهما حصل.......بحبهم اوى بجد

عاوز ارجع لايام 3 ثانوى شهر ابريل يوم 3 من الشهر ده كان يوم الاتنين الساعة 2 الظهر

علشان فى الساعة دى احمد اتوفى قدامى فى حادثة عاوز اقعد مع صاحبى و زميلى و اللى كان اكتر من اخويا الله يرحمه و هفضل احضن فيه و ابوسه و اقوله عمرى ملقيت ولا هلاقى صاحب زيك بجد بجد نفسى و الله العظيم اقعد معاه ولو حتى دقيقة بس نفسى اشوفه ...... ربنا يرحمه يا رب و يدخله فسيح جناته .. اللهم امين .

قال ( ص ) : تدمع العين و يحزن القلب و لا نقول الا ما يرضى الرب و انا يا ابراهيم عليك لمحزونون و انا لله و انا اليه راجعون

نفسى ارجع يوم من ايا م3 ثانوى تانى

واقابل احلى اصحاب ليا واحلى اصدقاء

اللى بيهم بجد الحياه ليها شكل تانى

بجد عشت معاهم اجمل لحظات حياتى واللى مستحيل هترجع تانى

انا مش عارف اعمل بيهم ايه....فهستغنى عنهم لاى حد محتاجهم لانى مش عرف..هحتاجهم ايه.

اممممممممممممممم
فكرة حلو اوى يااسماء
بصراحة محتار اوى
مش هايكفوا حتى لو عمرى كلة مش هايكفى
بس مش مشكلة
انا بصراحة نفسى ارجع اعيشهم مع الرسول صلى الله علية وسلم والصحابة واشوف سيدنا ابو بكر وسيدنا عمر وسيدنا عثمان وسيدنا على
ولو فاضل شوية اقضيهم مع الشيخ محمد حسان ومع الشيخ مشارى والعجمى

فكره جميله اوى يا سمسمه

يااااااه لو ده حصل

كنت قعدت مع جدو زى زمان و اخدت رايه فى حاجه كده شغلانى اوى و نفسى اسمعه رايه فيها

بس ازاى ؟؟؟

ربنا يرحمه و يدخله فسيح جناته

كنت هرجع يوم امتحان العقاقير العملي

واغير كلام قلته لحد قبل الامتحان بدقايق

بندم عليه لحد دلوقتي

ميرسي اوي يا دكتورة عالفكرة الجميلة دي

ااااااه كنت رجعت فيها ل7 شهور ورا بجد بجد كنت فضلت قاعدة مع جدو وما تحركتش من عندو وعملتلو كل اللي هو عاوزو ونفضل نتكلم نتكلم بجد واحشني موووت ربنا يرحمو يارب وفي الجنة انشالله ....

» أصعب 12 دقيقة تواجهك فى حياتك **************