قلــــــــــب تانـــــــــي

الله اكبر الله اكبر لا اله إلا الله
خلص الآدان وغاب عن السمع صوت صداه
الحق وضوئك قبل ما يقيموا الصلاة
اغسل ايديك
ووشك وراسك ورجلك كمان ده امر ربك يا صاحبي ليك
******
هاتورح تصللي ياسيدي صللي
وبعد السلام وبعد الختام شايف نفسك بقيت تمام
******
طيب غسلت قلبك مع الوضوء
فيه نقطة سودة لازم تروح علشان تروق
ممكن تكون اغتبت صاحبك
او كذبت او غدرت بحد حبك
ممكن تكون خنت الامانه
والشيطان لعب بعقلك وقال ده حقك
ده نصيبك مش خيانه
******
عارف السواد ده جايز يكون سببه عينيك
بنظرة خاطفة لأخت صاحبك أو بنت جارك
ما هو فاتح ببانه ومش مخون
دي حيطة واحده لداره ودارك
أو أي حد آمنك وحاطط مفتاح أمانه بين أيديك
مش بقولك ممكن يكون السبب نظرة عينيك
******
ولا تكون البقعة دية من عنادك أو خصامك مع أبوك
أو صرخة زهق في وش أمك
انت فاكر إن سعادتك وراحة سيادتك لما يسيبوك
اجري عليهم وبوس ايديهم قبل كيلهم ما يفيض عليك
ولا لسانهم في ساعة زهقهم يقول ياريت ما كانوا فيوم اسود جابوك
******
ملخص كلامي ان الغرض من الوضوء مش غسل رجل ولا ايد ولا وش
لازم كمان قلبك يروق من الخيانة من أي مكر او أي غش
وعشان تكون في الدنيا راضي عشان تكون دايما سعيد
لازم تكون عن المعاصي دايما بعيد ولشيطانك تكون عنيد
والسواد من القلوب لازم يزول لازم يضيع ويختفي
ونار الذنوب بمية وضؤنا هيبقى سهل تنطفي
******
أوعى تحسب إن بكلامي إني خالي من العيوب
الرب وحده هو اللي يعلم قد ايه كلي معاصي واني غرقان في الذنوب
لكن بقول بكلمة مني وكلمة منك ونصيحة منها ونصيحة منهم
نشق طريقنا عشان نتوب
نمشيه سوا وقلوبنا طاهرة
ماهو ربنا رب النوايا والقلوب

بصراحه انا مش هعبر بكلام غير انى ادعى ان ربنا يكرمك يا مستر ويخلليلنا اللي زيك من اللي بيكتبولنا الحاجات اللي بجد مش هقدر اوصفها بالكلام.....ربنا يكرمك ويجعله في ميزان حسناتك ان حضرتك افادتنا.

جميل اوى اوى يا مستر بجد.....كلامك مؤثر جداااا

اللهم إني ظلمت نفسي ظلماً كثيراً و لا يغفر الذنوب إلا أنت , فاغفر لي مغفرة من عندك و ارحمني إنك أنت الغفور الرحيم

بارك الله فيكِ

وأحسن لكِ

موضوع رائع

رقق الله قلوبنا للذكر والطاعة

مع الشكر الجزيل.

وفقك الله يا ابنتي العزيزة
وجزاكي الله كل خير على مرورك الرائع
وردك الجميل الذي يزيد من جمال اي موضوع يتشرف بردك عليه
اشكرك دوما وابدا
تقبلي تحياتي وامتناني بتعليقاتك وكلماتك الرائعه يا دكتوره سومه

مش عارفة اقول اية بعد كلامك الرائع دة يا مستر
جزاك الله كل خير دايما حضرتك بتقدم لينا النصيحة باسلوب جميل ومفيش اجمل من كدة
ربنا يهدينا جميعا للصواب ويجلعك يا مستر دايما خير مرشد

(اسفة على التاخير يا مستر حضرتك عارف بئى اللغة كانت عاملة ازاى)

ياسمو الاميرة بالرغم انني يهمني سرعة ردك الا انه يكفينا شرفا ان كلماتك وردك تتواجد على موضوعاتي
مما يزيدها اهميه بالنسبه لي
تحياتي لكي ابنتي اميرة ودوما وابدا تقبلي تحياتي وتمنياتي بدوام التوفيق