انا اعتقد ان اليوم ده كان من اصعب الايام اللي مريت بيها ف حياتى،لاني ف اليوم ده ماكلتش الا قليل جدااااا وكنت مع واحد صاحبي اوى اصغر منى بسنه وجيبنا النتيجه سوا
هو جابها قبل منى وتخيلو جاب كاااااااااااااااام؟؟؟
77% وتخيلو كمان انا كنت عامل ازاى ساعتها بعد كدهع هو راح كشف لقي له 20 درجه كيميا بس منهم لله مدوهوش حاجه..والله انا قلبي وقف وكنت هموت وعيني دمعت دا الواحد بيبقي عاوز حد او اى حاجه تطمنه بس مش كده،بعد كده الموقع هنج.....يالهوي بقيت هعيط خلاص اي الفقر ده
المهم زميلي دا اخوه اتصل بينا واحنا ف المكان اللي بنجيب منه النتيجه وجالنا
وقام متصل بواحد صاحبه جابلي النتيجه المشؤمه
96.2% الاجمالي كله..طبعا انا مكنتش قادر امسك نفسي ومكنتش عاوز اروح البيت ومكنتش طايق كلمه من حد واول ما روحت البيت فتحت ف العياط .......
عيشتلي يومين اعتقد ان معظم الجيل بتاعنا عاشهم نظرا لقله المجاميع خصوصا انى كنت جايب مجموع علي ف تانيه والبيت كان حاطط عليا امل كبير.....
لكن الحمد لله ربنا ستر ودخلت مع الناس الجميله دى صيدله طنطا
وادينا عايشين...وراضيين
جايين ورايحييييين