تداخل إذاعات ( خطير )

انا كنت في رحلة وعملنا الكلام ده اسكتش في الاتوبيس

تداخل إذاعات

مذيع نشرة – طباخ – ومعلق كرة قدم ويبدأ كل واحد بتقديم فقرته ولكن تتداخل القنوات فيصل البرنامج للمشاهدين هكذا :
- المذيع : سيداتي آنساتي سادتي السلام عليكم ورحمة الله وبركاته وأهلا بحضراتكم معنا في نشرة الأخبار الأولي في نشرتنا .
- الطباخ : 3 أكلات جديدة ونوعين من الحلوبات بنفدمهم النهاردة لست البيت وخصوصا السيدات العاملات اللي بيعتبروا . . .
- المعلق : خط هجوم الفريق القومي اللي علي ايدك الشمال والفريق القومي النهاردة بيتكون خط الهجوم من . . .
- المذيع : السادة الوزراء والمحافظين . .
- المعلق : وخط النص . .
- المذيع : كبار رجال الدولة . .
- المذيع : أدوا اليمين الدستوري وعاهدوا القيادة السياسية علي وضع الشعب في . . .
- الطباخ : حلة كبيرة قوي ، وتقفليها خالص خالص وأوعي حاجة تخرج منها ، وبعد ما تتأكدي من قفل الحلة تجيبي . . .
- المعلق : 3 لعيبه من خط النص . . .
- الطباخ : وتغسليهم وتنشفيها وتقطعيهم كويس وعلي طول تروحي حطاهم . . .
- المذيع : في الوزارة القادمة التي تهدف إلي إتباع سياسة . . .
- الطباخ : سد الحنك . . اعملي حسابك يا سيدتي أن سد الحنك من الأكلات المحبوبة خالص وخصوصا عند . . .
- المعلق : الحكام الدوليين . الحكام الدوليين النهاردة علي أتم استعداد لإدارة المباراة اللي بتقام تحت رعاية وزارة الشباب .
- المذيع : وقد صرح السيد الوزير أن خطة الوزارة في المرحلة القادمة تهدف إلي استغلال طاقات الشباب وكيفية تشغيلهم في المشروعات الصيفية مثل مشروع . . .
- المعلق : لم الكور من ورا الجون وبيديها للجون لكن يا خسارة بتقع من أيد . . .
- المذيع : وزارة الداخلية والتي صرحت باعتقال عدد من المتطرفين وقالت أنها سوف . . .
- الطباخ : تدبحهم وتقطعهم وتفرمهم وبعد لما تسويهم علطول هتقدمهم لـ . . .
- المعلق : الحكم الدولي . . الحكم الدولي مصر علي طرد اللاعب رقم 8 لأنه رفض . .
- المذيع : التصويت علي استخدام القوات العسكرية ضد ليبيا وقال أن الامتناع عن استخدام هذه القوات لإنقاذ مسلمي البوسنة والهرسك والمطالبة باستخدامها ضد ليبيا يعد بمثابة . . .
- الطباخ : كوسة . . الكوسة لازم تكون صغيرة عشان تقدري تحشيها وبعد ما تقوريها علطول تحشيها بـ . . .
- المعلق : الجماهير العريضة اللي جاية النهاردة تستمتع . . .
- المذيع : برؤية السيد الوزير وهو يتكلم وقد نفي سيادته وجود علاقة بينه وبين أبو الهول وقال سيادته أنه قد تبين له أن الشعب يحتاج إلي نضج أكثر وأكثر وأنه ينفذ تعليمات . . .
- الطباخ : أبلة نظيرة . . وأبلة نظيرة قوي قوي . .
- المذيع : علي المسلمين في فلسطين حيث عبر المندوب عن استيائه الشديد من معاملة . . .
- الطباخ : أم علي . . أم علي أحسن حاجه تقدميها بعد الأكلات الدسمة دي تجيبي . . .
- المذيع : العالم العربي والإسلامي . .
- الطباخ : وتحطيهم في الفرن لمدة 10 دقائق وتقدميهم . . .
- المذيع : للنظام العالمي الجديد . . .
- المعلق : اللي هيشوط الكرة بره الملعب أوت يا خسارة . . يا خسارة . .
- الطباخ : باظت البصارة . . مش قولتلك متحطيش ملح كتير علي البصارة علي العموم تقدري تسيبيها زي ما هي وتقدميها . .
- المذيع : للمفاوضين العرب في محادثات السلام العربية الإسرائيلية وقد صرح مندوبنا هناك أن الوفد الإسرائيلي . . .
- المعلق : واخد الكرة وبيشوط صاروخ قنبلة . . .
- المذيع : في قلب العالم الإسلامي حيث استنكر سيادته عمليات القتل الجماعي التي يتعرض لها المسلمون في بقاع العالم وعلي رأسها فلسطين والبوسنة والهرسك وطالب سيادته بتكاتف المجتمع الدولي من أجل إنقاذ . . .
- الطباخ : صوابع زينب . . وطبعا منتوش عارفين إيه هي صوابع زينب علي العموم دا نوع جديد من الحلويات واكتبي معايا يا سيدتي المقادير . تجيبي . .
- المعلق : الحكام الدوليين . . .
- المذيع : وأعضاء الكنسيت الإسرائيلي . . .
- الطباخ : وعلي طول تروحي رمياهم في الزبالة . . وأي بوقي متسيبهاش عندك علشان متعملش ريحه مش كويسه . . وبعد كدا تحطي الخلطة في الـ . . .
- المعلق : الفريق الأجنبي اللي عامل لعبة خطيرة ومكاره بيلعبها . .
- المذيع : مجلس الأمن والذي رفض بقاء قوات حفظ السلام في البوسنة والهرسك وقال أن القوات صنعت أصلا لحماية . . .
- الطباخ : الكلاب . . خلي بالكم من الكلاب لأنهم لو شموا ريحة اللحمة عي طول هيهجموا علي . .
- المعلق : الجماهير اللي بدأت تنصرف بعد صفارة الحكم الدولي وبكده تنتهي المباراة بهزيمة الفريقين . . !
- الطباخ : وبالهنا والشفا يا سيدتي ولقائنا بكره مع برنامج ، لك يا سيدتي .
- المذيع : وبهذا سيداتي آنساتي سادتي نأتي لختام برنامجنا المفتوح وكل يوم مفتوح ونتمني أن تكونوا قد سعدتم معنا ومع مسك الختام القرآن الكريم بصوت الشيخ . .
إيه هو لسه بتصحوه ماشي ماشي . لحد ما الشيخ يصحصح كده ويفوق نسمع مع بعض كوبليه ( مسا التماسي مسا التماسي . . . يا ورد قاعد علي الكراسي )

أرجو التثبيت

» حذاري من اكل الاندومي خطير جدا ادخل وشوف