ســــــــــــــــــــــمع هـــــــــــــــــس

سمع هـس

من وسط خبط الحلل . حبة سكوت ياشباب
يا كل عاشق وعاشقة لتامر او دياب
يا كل عايش وعايشة معاهم في السحاب
ماتيجوا عندي حبه ليه معاكم عتاب
لو حتى قلنا السمع مش عيب وماهوش حرام
ولو الدماغ اتوجع في الحيطه راح نخبطه
يرجع مظبوط تمام واهي خبطه والسلام
**************
انتي ياشبه القمر عملتي ايه في يومك
وانت ياعم الروش يا عايق في هدومك
عملتوا في يومكم ايه
قولي ياست هانم قول ياسعادة البيه
صليت فروض ربنا ولا هاتقول نسيت
صليت ياترى في جماعة ولا اكتفيت بالبيت
وسؤالي ليكي كمان انتي ياست البنات
ياترى افتكرتي صلاتك ولا انشغلتي في مجلة
ولا حوار ع الشات
**************
حد فيكم قرى ايات من القرآن
حد فيكم جري يزور صديق تعبان
حد فكر يصوم ايام في غير رمضان
عملتوا حاجه في أي حاجه
حد ساعد أي ناس محتاجه
**************
تفتكرو لو ده حصل منا في كل يوم
هايكون في وقت نسمع سيديهايه او البوم
تفتكرو ممكن نشوف كوابيس او قلق في النوم
**************
ربنا حدد سبب لوجودنا هو العباده
ومش معنى العبادة حزن وقهوه ساده
دا دينا دين الفرح والراحة والسعادة
دينا دين الوسط لانقص ولا زيادة
**************
دي نصيحه ليا وليكم والله مش ملام
وفي الاخر مني التحية واتنين مليون سلام