عبارات خاطئة لا ناخذ بالنا منها

بسم الله الرحمن الرحيم
بيقابلنا كل يوم اشكال واشكال من الامثال والعبارات ولكن نجد منها اللي هو غلط ومش صح وحرام كمان وانا هعرض بعض الامثلة زي
1- رزق الهبل علي المجانين
ده فعلا حرام لان الرزق لله وحده عز وجل وهو اللي بيوزع الارزاق علي الناس كلها وربنا له حكمة في توزيع الارزاق يعني منحاولش نقول ده خالص
2- ادي الحلق للي بلا ودان
وده زي المثل لان ربنا هو اللي بيوزع الارزاق واكيد بيدي كل انسان رزقه وله حكمة في كده
3- اللي يعوزه البيت يحرم علي الجامع
وفيه برضه عبارات زي
-هو ربنا مش واخد باله منا ليه والعبارة ده حرام لان ربنا معانا دايما ولو مش معنا مش كانت حالتنا كده
-ولما حد بيموت بيقولوا ربنا افتكره وده غلط لان ربنا امتي نسينا
* ده نموذج من عبارات وامثلة غلط بتقابلنا في حياتناوبنكون عادة مش واخدين بالنا منها
* ممكن لو فيه اي حاجه غلط او مش مظبوطة في الموضوع ياريت تقولوا ليا كمان لو في حد يعرف اي من الامثلة اللي زي دي ياريت يقول علشان مش نوقع في الغلط ده
واتمني للجميع التوفيق

جزاكى الله خيرا ................................
فعلا دى حاجات لازم ناخد بالنا منها
وانا ممكن أزود حاجه كمان : -
انا بسمع كتير بيقولوا لأصحابهم "الله يلعنك " وده طبعا مينفعش لأن اللعن هو الطرد من رحمة الله فده مينفعش .
وشكرا على الموضوع ده
:x :x :x :x :x :x

اولا انا بشكرك لانك اضافت شئ نتعلم كلنا منه
ثانيا لا شكر علي واجب لان واجبنا لما نعرف حاجه هتضرنا او مش صح ننصح بيها غيرنا علشان مش نقع في نفس الخطا
وشكرا لمرورك :D