كابيلو : واجهنا منتخب "أوروبى" ولانعرف لماذا لم يصل للمونديال

أكد المدير الفنى للمنتخب الانجليزى الايطالى فابيو كابيلو فى تصريحات صحفيه ان المنتخب الانجليزى لم يواجه منتخب من دول افريقيا ولكنه واجه فريق يلعب كره قدم أوروبيه وذلك فى المؤتمر الصحفى الذى أعقب لقاء مصر وانجلترا الودى والذى انتهى بفوز انجلترا 3-1

ذكر فابيو كابيلو من خلال المؤتمر الصحفى الذى اعقب لقاء المنتخب المصرى والذى فازت به انجلترا 3-1 انه لا يدرى لماذا لم يتأهل فريق مثل مصر الى كأس العالم 2010 القادمه مشيرا انه فريق يلعب كره قدم جميله وعصريه وليس كماهو المتوقع من منتخب افريقى

وتابع كابيلو أن الفراعنه لعيوا طوال 90 دقيقه بأسلوب لعب يختلف شكلا ومضمونا عن المنتخبات الافريقيه والتى تتمثل فى سذاجه الدفاع وعشوائيه التحرك ليظهر أمام الجميع أنه منتخب قوى وصعب التغلب عليه مما جعلنا نخرج مهزومون فى الشوط الاول 1-0

وأضاف كابيلو أن طريقه لعب الفراعنه فرضت عليه اشراك 3 مهاجمين دفعه واحده يتسمون بالطول الفارع والسرعه من أجل محاوله التغلب على دفاعهم المحكم وحارس مرماهم المتألق طوال 45 دقيقه من الشوط الأول قبل ان ينجح فى قلب المباراه لصالحه

واختتم كابيلو تصريحاته ان المنتخب المصرى أحد المنتخبات التى وصلت الى مرحله النضج الكروى داخل الملعب ولعب دون عشوائيه متوقعه مما أهله للفوز ببطوله افريقيا ثلاث مرات وتصدر منتخبات افريقيا طوال 6 سنوات

اوربي مينبس ياعم على صلي ع النبي بس ف سرك،دا كفايه لما عمرو زكى طلع قال شرف لينا اننا فضلنا متقدمين لحد الدقيقه 60!!!!

ليه هو الماتش ستين دقيقه؟!!!!!!!!!!!!
للاسف العقليه لكرويه عندنا مش احترافيه بالمره،الناس التانيه دى بتلعب من اول دقيقه لاخر دقيقه واديك نزلت سبع مراكز بسبب ماتش.

احنا نزلنا السبع مراكز قبل الماتش يابنى
وبعدين مصر ماكنش فيها غير زيدان كان نفسى ابو تريكة يلعب جنبة ويخدم علية فى الملعب واتفرج بقى لكن للاسف ماحصلش نصيب لكن المهم اننا بنتعلم واول درس
ان المنتحب مش مصدق انة بقى فى مكانة عالمية لازم يحافظ عليها ولسة بيلعبوا كانهم وحشين مافيش ثقة فى التفس خااااااااااالص

وتابع كابيلو أن الفراعنه لعيوا طوال 90 دقيقه بأسلوب لعب يختلف شكلا ومضمونا عن المنتخبات الافريقيه والتى تتمثل فى سذاجه الدفاع وعشوائيه التحرك ليظهر أمام الجميع أنه منتخب قوى وصعب التغلب عليه مما جعلنا نخرج مهزومون فى الشوط الاول 1-0
ارى انه رد مهذب من مدرب محترم
احنا لعبنا 45 دقيقة فقط وفي الشوط الثاني كنا اسوء من اسوء فريق افيقي وعلينا ان نقتنع ان هناك ضعف في اللياقة البدنية وهبوط حاد في الرغبة في الفوز كنا ضعافا جدا ونحمد الله على هذه النتيجه
امامنا الكثير لكي يطلق علينا فريق يلعب كرة اوربية اخطر شيئ ان نكذب على انفسنا

على ريشة كتب:: كان نفسى ابو تريكة يلعب جنبة ويخدم علية فى الملعب

ياااااااااااااااااااااااااعم اقعد سااااااااكت،يلعب جنب مين؟؟وخده المنتخب على اى اساس اصلا،للاسف مع احترامى الكبييييييير جدا لابوتريكه وحبي ليه كلاعب ذو خلق فانا بقول ان حسن شحاته جامله على حساب الفرقه حتى لو شارك ثوانى المفروض مكانش انضم اصلا من الاول لانه بقالو اكتر منشهرين ونص مصاب يرجع يلعب!!!!!!!!
وبعدين احمد حسن وحسنى كانو زى الزفت..احسن تلاته لعبو فتحى والحضرى والكينج زيدان طبعا.
بالتوفيق في المرحله القادمه

AhmedHelal كتب:

على ريشة كتب:: كان نفسى ابو تريكة يلعب جنبة ويخدم علية فى الملعب

ياااااااااااااااااااااااااعم اقعد سااااااااكت،يلعب جنب مين؟؟وخده المنتخب على اى اساس اصلا،للاسف مع احترامى الكبييييييير جدا لابوتريكه وحبي ليه كلاعب ذو خلق فانا بقول ان حسن شحاته جامله على حساب الفرقه حتى لو شارك ثوانى المفروض مكانش انضم اصلا من الاول لانه بقالو اكتر منشهرين ونص مصاب يرجع يلعب!!!!!!!!
وبعدين احمد حسن وحسنى كانو زى الزفت..احسن تلاته لعبو فتحى والحضرى والكينج زيدان طبعا.
بالتوفيق في المرحله القادمه

ما اسمهاش مجاملة اسمها حاجة تانية زى اللى عملها قبل كدا مع حسام حسن فى 2006 وزى اللى عملها مارشيلو ليبى مع ديلبييرو فى كاس العالم و اللى المدربين المحترمين بيعملوها مع اللعيبة الكبار فما بالك بابو تريكة و بعدين ده ماتش ودى و كويس ان الراجل صرح التصريح المحترم ده و كان نفسى تقرا تصريح جيرارد كمان ومش هقولك تقرا عن ابوتريكة بس انت اكيد عارف انا بقى اللى مش عارف هى قالبة معاك اليومين دول ضد ابوتريكة كدا هو كان رايح الزمالك قبل الاهلى ولا ايه !!

هو مين اصلا فى اللى لعبو فى النص يستاهل يلعب
؟؟؟؟؟؟؟؟؟؟؟؟؟؟؟؟

الدكتور احمد هلال بيقول كده عن ابو تريكة علشان ابو تريكة ((اهلاوي)) محترم فالنفسنة والغل الطبيعي في قلوب كل الزملكاوية فلازم يقولوا كده عن ابو تريكة مش غريبة يعني ولا اية يا دكتور احمد..؟؟؟....
اما عن مصر ..فمصر والله مستواها حلو الى حد ما مش وحش اوي بس احنا بنطمع باكتر من كده...المشكلة ان مصر لما تكسب تحس كانهم عملوا اللي متعملش وناخدها نشوة الفوز وتلهيها هو حلو طبعا انك تفرح بس لكل حاجة حدود..زي ماتش مصر مع الجزائر اللي هو كان على تصفية كاس العالم لما لعبنا على ارضنا لما كسبنا عملوا زي ما نكون فوزنا في كاس العالم وكنت خايفة الفرحة دي تاخدنا ونخسر وده اللي حصل فعلا..انا طبعا اول واحده بفرح بس هما بيزودوها اوي...
اما الغريب بقى اللي كنت عايزة اكلمكم فية ان المدربين والاعيبين دول واكلنها ولعه مشطشطة..والله حرام يعني اكيد سمعتم بحالة الاحتجاج الشديد اللي رافعها الاعلامي المحترم المبجل الاخ اللي اسمة عمرو اديب انه ازاي مدرب زي حسن شحاته يقبض 200الف فالشهر بس وان ده لا يليق بية كمدرب عالمي والفيفا بتدرس الموضوع ده,,,فحين انهم بيتكلموا في ده غيرهم من نفس الشعب من نفس الطينة مش لاقي لقمة العيش...طبعا دي ارزاق وده اعتراف لان الدنيا طبقات لان الجنة طبقات بس برضة مش بالطريقة دي......ولا انتو اية رايكم...؟؟؟!!

bahy كتب:

AhmedHelal كتب:

على ريشة كتب:: كان نفسى ابو تريكة يلعب جنبة ويخدم علية فى الملعب

ياااااااااااااااااااااااااعم اقعد سااااااااكت،يلعب جنب مين؟؟وخده المنتخب على اى اساس اصلا،للاسف مع احترامى الكبييييييير جدا لابوتريكه وحبي ليه كلاعب ذو خلق فانا بقول ان حسن شحاته جامله على حساب الفرقه حتى لو شارك ثوانى المفروض مكانش انضم اصلا من الاول لانه بقالو اكتر منشهرين ونص مصاب يرجع يلعب!!!!!!!!
وبعدين احمد حسن وحسنى كانو زى الزفت..احسن تلاته لعبو فتحى والحضرى والكينج زيدان طبعا.
بالتوفيق في المرحله القادمه

ما اسمهاش مجاملة اسمها حاجة تانية زى اللى عملها قبل كدا مع حسام حسن فى 2006 وزى اللى عملها مارشيلو ليبى مع ديلبييرو فى كاس العالم و اللى المدربين المحترمين بيعملوها مع اللعيبة الكبار فما بالك بابو تريكة و بعدين ده ماتش ودى و كويس ان الراجل صرح التصريح المحترم ده و كان نفسى تقرا تصريح جيرارد كمان ومش هقولك تقرا عن ابوتريكة بس انت اكيد عارف انا بقى اللى مش عارف هى قالبة معاك اليومين دول ضد ابوتريكة كدا هو كان رايح الزمالك قبل الاهلى ولا ايه !!

**هبدأ من عند كلمه ماتش ودى،كلنا عارفين ياحاج خصوصا الرجاله اللى متابعين كووووووره واللى انا وانت منهم ان شحاته قاال الماتش مش ودى ابدا ومش هنعتبره ودى وهنلعب بكل جديه..
**تاني حاجه حسام كان بيلعب مع فريقه ونزل غيرلك ماتش كوت دى فوار وماتش الكونغو احرز هدف،وديل بييرو امن وصولك نهائي كاس العالم 2008 يعني كان مؤثر،وكمان كان جاهز وبيلعب مع فرقته مش راجع من اصابه بقالو شهرين ونص وياخدو وكمان لما كان مصاب خدو معسكر المنتخب!!!!!..اعتقد الكل عارف اد ايه انا بحب ابوتريكه بس اكتر حاجه اكرهها الكوسه والمجاملات ،وابوتريكه اتجامل ومفيش حاجه اسمها تكريم ولا بتاع..وبعدين هو فى تكريم على حساب البلد يا عمنا؟!!!!!!!

على ريشة كتب:: هو مين اصلا فى اللى لعبو فى النص يستاهل يلعب
؟؟؟؟؟؟؟؟؟؟؟؟؟؟؟؟

** معاك كلهم كانو زى الزفت باستثناء زيزو.

$Moon Feeling$ كتب:: الدكتور احمد هلال بيقول كده عن ابو تريكة علشان ابو تريكة ((اهلاوي)) محترم فالنفسنة والغل الطبيعي في قلوب كل الزملكاوية فلازم يقولوا كده عن ابو تريكة مش غريبة يعني ولا اية يا دكتور احمد..؟؟؟....
اما عن مصر ..فمصر والله مستواها حلو الى حد ما مش وحش اوي بس احنا بنطمع باكتر من كده...المشكلة ان مصر لما تكسب تحس كانهم عملوا اللي متعملش وناخدها نشوة الفوز وتلهيها هو حلو طبعا انك تفرح بس لكل حاجة حدود..زي ماتش مصر مع الجزائر اللي هو كان على تصفية كاس العالم لما لعبنا على ارضنا لما كسبنا عملوا زي ما نكون فوزنا في كاس العالم وكنت خايفة الفرحة دي تاخدنا ونخسر وده اللي حصل فعلا..انا طبعا اول واحده بفرح بس هما بيزودوها اوي...
اما الغريب بقى اللي كنت عايزة اكلمكم فية ان المدربين والاعيبين دول واكلنها ولعه مشطشطة..والله حرام يعني اكيد سمعتم بحالة الاحتجاج الشديد اللي رافعها الاعلامي المحترم المبجل الاخ اللي اسمة عمرو اديب انه ازاي مدرب زي حسن شحاته يقبض 200الف فالشهر بس وان ده لا يليق بية كمدرب عالمي والفيفا بتدرس الموضوع ده,,,فحين انهم بيتكلموا في ده غيرهم من نفس الشعب من نفس الطينة مش لاقي لقمة العيش...طبعا دي ارزاق وده اعتراف لان الدنيا طبقات لان الجنة طبقات بس برضة مش بالطريقة دي......ولا انتو اية رايكم...؟؟؟!!

**يادكتوره انا مش هتقل عليكي ف الرد عشان انتى مش بتابعي كوره اد كده فاعتقد اننا عمرنا ما هنبطل حب لنادينا وسموه حكد تسموه خل هنفضل نشجع فرقتنا مهما حصل..وخليكو عايشين ف الحكد والخل.

يا جماعه مش عاوزين التعصب دا لانه بينتج عنه امور نحن فى غنى عنها

ياريت كل واحد يشجع فرقته من غير مايهين المنافس

انا اهلاوى اشجع الاهلى وغيرى زملكاوى يشجع الزمالك من غير مانهين بعض

بس ياريت بقى لو حد عرف يوصل الجملتين دول للدكتور طارق البنا علشان يرحم اخوانا الزمالكاويين اللى كرهوا فرقتهم علشانه

اللي يغيظك بس يا دكتور علي انك تحس ان الزملكاوية دول طالعين فيها اوي مش عارفة على اية....؟؟انا والله طبعا بهزر اوعى حد يزعل مني..ده انا غلبااانه...اختلاف الراي لا يفسد في الود قضية..وكلنا في الاخر مصريين بنشجع المنتخب....

$Moon Feeling$ كتب:: اللي يغيظك بس يا دكتور علي انك تحس ان الزملكاوية دول طالعين فيها اوي مش عارفة على اية....؟؟انا والله طبعا بهزر اوعى حد يزعل مني..ده انا غلبااانه...اختلاف الراي لا يفسد في الود قضية..وكلنا في الاخر مصريين بنشجع المنتخب....

مهما عملتى يا دكتور كل واحد هيشجع فرقه طبعا ومش هيتنازل عنه

وممكن تكونى بتهزرى حد يخدها جد وميكونش عارف انك بتهزرى

وزى ماقولت كل واحد يشجع فريقه زى مايحب بس برده يحترم المنافس

وكلنا بنشجع مصر

» قائمة منتخب مصر لمواجهة منتخب الجزائر
» فوز هزيل لمصر علي زامبيا بهد مقابل لا شئ يحافظ علي فرصنا للتاهل للمونديال...
» إعجاز رباني "" شكل الفاكهة والخضار لم يخلق عبثاً""
» لاعبو إنجلترا يتناولون "الفياجرا" قبل مواجهة "الخضر"!
» كابيلو : المنتخب الجزائرى اقوى من المصرى