روح فنان

تقدر لما الحلم ييجى لك .........ترسم وردة ريحتها جنان
ولما الضحكة صوتها يسمع ........تزرع بسمة وسط ريحان
ولما نجوم السما تنده لك ........تقول يا دمع فات الاوان
وفراشة تدق على بابك ..........تغنى يا عشق انا السلطان
وخيط النور الوردى تشوفه ........تحب الدنيا كمان وكمان
تشوف الرضا ف عيون مشتاق....جاى يا خير ف ايديك امان
والصبر بيرقص للفرحة ...........تقول أمل يعنى الانسان
تلمح حق ف باب كان.........تعلى الصوت ارجع يازمان
وجراح ملت طير الغرام ......ليه ياقمر ضيك حيران
وحبر جف من قلب قلم.......والله ياورق انت الخسران
تقدر تبنى سفينة ف صحرا..........ولا تخاف ترجع ندمان
وبراءة بتنده ساعدونى.............ولا يقولو انت الغلطان
تروى حلمك حب ورحمة........والخير يصحى ف كل كيان
بأخلاقك تقطف م الجنة.......ولا يهمك سور ولا مكان
وجزيرة نبنيها ب أقلامنا .....دى تبات رماد تصبح بركان
نعبر منها لبر نجاة............والزهرة تكمل بستان
ب ايديك نور الحق تطوله.....ده سلاحنا قران وايمان
ولو طريق مش عارف اسمه.....ف ايديك فرشه و بالالوان
وملامحك تطبع على رسمه.........ويشهد لك انك فنان
علم عينه تحب النور........وماتلمحش غير المليان
وتطير روحه دايما للعالى.....يقرا كتاب لقمر سهران
يمد ايديه لالم ف الزحمة.....يغنى معاه ويقول فرحان

وخلى روحك روح فنان