يعنى ايه بنت محترمة...؟؟

البنت المحترمة

متى نقول علي اي بنت انها " بنت محترمة " ؟؟؟؟؟
سؤال محير جدا

تلاقي كل بنت ليها وجهه نظر مختلفة عن معنى كلمة بنت محترمة
لما تيجي تسأل اي بنت مهما كانت لابسة ايه
او تصرفاتها ايه
او طريقة كلامها ايه
هتقولك انا محترمة
مثلا تيجي تسأل واحدة مش محجبة
ترد تقول انا اه بشعري بس محترمة
تيجي تسأل واحدة بتهزر مع زملاء ليها في الجامعه او العمل
تقولك انا باهزر اه بس محترمة
تيجي تسأل واحدة لابسة حجاب وبنطلون جينز مبين جسمها
تقولك انا محترمة
تيجي تسأل واحدة بتتكلم مع كل واحد بنعومة قال ايه بتتكلم بادب يعني
تقولك انا محترمة
تيجي تسأل واحدة بتلبس لبس يبين مفاتنها بس مقفول وطويل
تقولك انا محترمة

عايزين نفهم يعني ايه بنت محترمة الاول وبعدين نقول دي محترمة او لا
انا عن نفسي من وجهه نظري البنت المحترمة اللي هي ملتزمة بالعادات والتقاليد والدين في نفس الوقت
يعني لبسها مقفول وطويل وواسع
يعني اللي بحجابها الكامل مش من فوق حجاب ومن تحت ضيق
يعني اللي ملتزمة في تصرفاتها وشكلها وكلامها
يعني اللي تجبر اي واحد يفكر مليون مرة قبل ما يقولها كلمة مش كويسة
يعني اللي عارفة حدودها كويس
يعني اللي قبل ما تعمل الحاجة تعرف صح ولا غلط
يعني تعرف الفرق بين الحرام والحلال كويس
يعني اللي عمرها ما احتكت بالجنس الاخر احتكاك يأذيها او يضرها او يخدش حيائها
هي دي البنت المحترمة

هل هناك تعريف واضح للبنت المحترمة
حد يقولي بالظبط امتى اقول علي البنت دي محترمة او .....؟

منقول

..ياريت كل واحد يشاركنا برايه........؟؟

المبادى ما بتتجزاش و مش معقول هتبقى ملتزمة دينيا و اخلاقياً و تهزر مع شباب زمايلها هى اصلاً لو حاولت تعمل كدا مش هتعرف و ده مش بمزاجها انما غصب عنها هتلاقى دينها بيمنعها و اخلاقها بتمنعهما غصب عنها و انى عقل اللى يقول واحدة لابسة جينز و مش لابسة حجاب او لابسة حجاب عصرى ان صح القول اللى هوبيبقى كدا.... عارفينه طبعا فمتجيش واحدة مش محجبة او بتدعى انها محجبة و تقولك انا محترمة
وماتجيش واحدة حاطه ميكب و تقولك انا محترمة
وماتجيش واحدة بتهزر مع الشباب و يخبطو كف مع بعض و تقولك محترمة
وما تجيش واحدة تمسك ايدها فى ايد زميلها و تقول انا محترمة
و ما تجيش و ماتجيش و ما تجيش امثلة كتير للاسف

نختم بقى الرد بموقف حصل مع واحد معايا فى السكشن و انتو علقو براحتكو

طبعا احنا دفعتنا حوالى 1300 على الاقل زى ما احنا عارفين البنات على اقل تقدير 850 يعنى بحسبة بسيطة الشباب 450 و انا حرف ال -ب- فكمان السكشن معظمه بنات
المهم كنا فى ايام لما اتلغى سكشن تشريح علشان يوم الخريجين فى طب فحضرنا السكشن الاسبوع اللى بعده و خلصنا السكشن وخرجت انا وواحد معايا فى السكشن وروحنا مكتب التصوير و قعد هو و انا دخلت اصور خرجت لقيته واقف معا بنتين و خدو منه ورق و مشيو فاستنيت على ما مشيم و سالته دى قريبتك؟
قالى لا
قولتله امال
قالى ابدا عايزين ورق التشريح

يعنى الدفعه تلت ارباعها او تلتينها على الاقل بنات و سكشنى بالذات تقريبا كله بنات تقوم تسيب كل ده و تيجى عليه هو تاخد منه الورق

احترم رايك طبعا يا باهى....لان هو ده الصح....
بس برده عايزة اقولك...مش عشان موقف تحكم على الانسان اللى قدامك....ده بعيد يعنى عن الموقف ده...لازم تعرف اللى قدامك ده ايه بجد...وبعد كده تحكم عليه..

...يلا يا دكاترة...مستنية ارائكم كلها....كل واحد يدخل يقول رايه......؟؟؟

جايز يكون موقف واحد مش كفاية بس زى ما بيقولو الجواب بيبان من عنوانه

بس هي ممكن تكون اضطرت لكده يا دكتور لاي سبب
والحكم علي انسان ما بيبقاش من مرة خصوصا
لو ما اتعاملتش معاه مباشرة

بالنسبة للبنت المحترمة فاعتقد اللبس ما بيحكمش احنا كان معانا بنت في الثانوي كانت هادية جدا ومؤدبة بجد جدا جدا ومطيعة اوي بس مش محجبة
واختها زيها بس محجبة ولكن لبسها جينز وبنطلونات برضه فاللبس مش بيحكم اوي يعني ده بيبقي تبع البيئة اللي هي عاشت فيها

البنت المحترمة ومش البنت بس الانسان المحترم عموما هو كل شخص تصرفاته لا تخرج عن حدود الدين و الاخلاق والادب والتقاليد الصحيحة لبيئته
وهو مش الانسان اللي الناس ما بتتكلمش عليه لان في اي حال من الاحوال الناس بتتكلم ومحدش هايقدر يرضي الناس كلها فمش بكلام الناس

والمحترم بحترم نفسه فبالتالي يحترم غيره لانه مايحبش حد يهينه

بس اول انطباع يا دكتورة جنة عن الانسان اللى قدامك بيبقى من اللبس و المظهر و دى مش سطحية بس انتى مش هتروحى على كل واحدة ماشية فى الشارع مش محجبه مثلا و نعاملها و نعاشرها ونتحط فى ازمات سوا و نبقى اصحاب علشان اعرف اذا كانت محترمة او لا وبالنسبة للناس فاحنا مش عايشين فى الدنيت دى لوحدنا

................................

محتاجين باقى الاراء....؟؟؟

اقتباس :: بس اول انطباع يا دكتورة جنة عن الانسان اللى قدامك بيبقى من اللبس و المظهر و دى مش سطحية بس انتى مش هتروحى على كل واحدة ماشية فى الشارع مش محجبه مثلا و نعاملها و نعاشرها ونتحط فى ازمات سوا و نبقى اصحاب علشان اعرف اذا كانت محترمة او لا وبالنسبة للناس فاحنا مش عايشين فى الدنيت دى لوحدنا

اوكي يا دكتور انا ماقولتش اننا هانروح علي كل واحدة ونصاحبها
بس اول انطباع مش دايما بيبقي صح
اللي اقصده اني مينفعش لو حد سالني عن واحدةانا معرفهاش لاني ما تعمالتش معاها بس شفتها
فاقعد اقول دي كانت لابسة كذاو عاملة كذا وانها مش محترمة
لو اتعاملناش مع شخص يبقي ما ينفش نقول اننا نعرفه او نحكم عليه

.... لا تحكم على شخص من الانطباع الاول...

اقتباس :: بس اول انطباع مش دايما بيبقي صح

اقتباس :: .... لا تحكم على شخص من الانطباع الاول...

اوكى بس الناس بتاخد باللى شايفاه و ما نقولش مالناش دعوه بالناس و الكلام ده مفيش حاجه اسمها مالناش دعوه بالناس احنا مش عايشين لوحدنا و حتى لو البعض ماحكمش على اللى قدامه من لبسه و سلوكه من اول مرة على الاقل هيبقى ليه تاثير على حكمه و ازاى البنت اللى ماشية اللى لابسة كدا ( المحترمة ) تحط نفسها فى الموقف ده اصلا.

والله البنت المحترمه ميختلفش عليها اتنين
مبتديش فرصه لحد يتكلم عليها
ليها حدود واضحه وصريحه
قلعه محصنه بالخلق اللى بيدعمه الدين
حجابها وعفتها من اقتناعها بدينها مش طرحه حسب الطقم اللى لابسها
حاجات كتيره بنشوفها وبنلمسها فى حياتنا وتعاملاتنا والمعدن النفيس دايما بيظهر

اقتباس :: اوكى بس الناس بتاخد باللى شايفاه و ما نقولش مالناش دعوه بالناس و الكلام ده مفيش حاجه اسمها مالناش دعوه بالناس احنا مش عايشين لوحدنا و حتى لو البعض ماحكمش على اللى قدامه من لبسه و سلوكه من اول مرة على الاقل هيبقى ليه تاثير على حكمه و ازاى البنت اللى ماشية اللى لابسة كدا ( المحترمة ) تحط نفسها فى الموقف ده اصلا.

بس انا مش قولت ان مالناش دعوة بكلام الناس
انا بقول ان الناس في كل الاحوال بتتكلم وكلامهم مش دايما صح (وهو غالبا مابيكونش صح)

انا مش هختلف ف حكاية الدين والاخلاق واللبس وكده....ده كلام صحيح مينفعش نختلف فيه اصلا

لكن مثلا...وليكن انا...انا مثلا متعاملتش مع ولاد السنة اللى فاتت دى ف الكلية...
معنى كده يا باهى انك لو عارفنى وشفتنى واقفة مع ولد...هتقول عليا ايه ؟؟...مش يمكن ده اخويا؟؟...مش يمكن ابن عمتى مثلا وجايلى ف مشكلة ...مش يمكن حد بيستظرف وجه يسالنى على حاجة؟؟...مش يمكن حد بيرخم وجاى يقول عايز ورق وكده ؟؟....اكتر من حاجة بجد.......ف مينفعش تحكم على حد من موقف ادامك...او موقفين تلاتة كمان....دى شخصية كاملة ...و لازم تتاكد من حكمك ده........

يا ريت تتقبل رايى....

وهو ده اللي انا اقصده

اوك بس لازم الواحد يحافظ على شكله و صورته قدام الناس وبعدين الموضوع مش على الناس التوبيك اسمه يعنى ايه بنت محترمة وقولت رايى انما حضرتك اللى قولتى ان اللبس ملوش دعوه و ان فى اتنين زمايلك واحدة مش محجبة و محترمة هو ده اللى انا مش موافق عليه
لان الدين ان صلح صلح سائر الخلق و ان فسد فسد سائر الخلق

يووووه
غلبتونا معاكو وربنا

بس انا رأيي من رأي لبني أكيد
وبعدين يا باهي انا مختلف معاك جدن ف حكايه صاحبك دي
عشان الموضوع ميتبصلوش من الناحيه اللي انت شايفها دي
انت بتقول_يعني هم سابو تلت اربع الدفعه وجايين ياخدو منه ورق!!!
انا مش شايف فيها حاجه خالص
وبعدين هم هيعرفو تلت اربع الكليه امته?
هي السنه فيها كام يوم يعني?

انا باتكلم علي حاجة انا شفتها بعيني
انما ضرتك رافض حاجة لان حضرتك ماشفتهاش
وبعدين انا مش قولت الناس وكلام الناس انا كنت باوضح حاجة معينة واعتقد
حصل سوء فهم

وعموما سوري لو كنت ما اقدرتش اوصل لحضرتك وجهه نظري

السلام عليكم ورحمه الله وبركاته
انا رايى من راى الشافعى بس ازود
انتو بتتكلموا فى حاجه زى دى ليه
اظن كل واحده ربنا مديها عقل تفكر بيه ايه صح وايه غلط طبعا مع اختلاف البيئه
انما الاحكام اللى انتو عمالين تحكموا بيها دى انتو ملكوش دعوه اصلا
زى ما قالت د/لبنى ممكن مع اختلاف المواقف
وعامتا انا شايف ان مش من حق الناس انها تتكلم عن غيرها اصلا
يعنى كل واحد المفروض يبقى فى حاله
ودا مجرد رايى

صح كده

بسم الله الرحمن الرحيم

انا مش مع غريب ف النقطه دى لان كل واحد لازم يكون غيور علي بنات الاسلام لان دى ممكن تكون بنتك او اختك او بنت خالتك او جارتك ومتقبلش ان اى حد مهما كان يتكلم عليها نص كلمه

وبعدين انا قريت كل الردود وهلخص تعليقي عليها ف نقط صغيره:-

*الدكتور جنه لما قالت ان الحكم مش باللبس والاحترام مش بينظر للبس وبس،فانا اختلف معاها كليا ف الحته دى...ممكن يكون تعاملها كويس وباحترام اوك لكن الاصل ف الحجاااااااااااب اعتقد هقولك علي حاجه بسيطه اوى ان اى حد ميعرفهاش هيقول عليها كدا لكن انتى تعرفيها وزى ما باهي بيقول(الجواب بيبان من عنوانه).

**وكمان حضرتك يا دكتور قولتى ان الشخص المحترم لا يخرج عن اصول الدين وبمخالفه البنت للحجاب بقت خارجه عنه بالفعل.

***انا بختلف كمان مع باهى ف حكايه صاحبه دي لاننا ف مجتمع الجامعه في تعامل بين الولد والبنت وطالما معداش العيب هى جت تاخد ورق والله اعلم بالنوايا وبعدين هى لو نيتها غير كدا ما كان صاحبك يكرشهم ويزحلقهم وخلاص .
****وبعدين يا جماعه زى ماالشافعي بيقول المحترمه اللى ميختلفش عليها اتنين ويكون حصنها الحصين هو دينها واخلاقها

وبصراحه انا كنت معترض علي فكره الموضوع لكن لما فكرت كويس لقيته فعلا موضوع مهم جدا ولازم نتناقش فيه لاني زى ماقولت ف الاول يهمنا ان بنات المسلمين كلهم يظهرو في احلي صوره ونتباهي بيهم ادام الناس ونغير عليهم من اى حاجه ومينفعش ابدا ان كل واحد يخليه ف حاله.

متاسف للاطاله وشكرا يالبني ع التوبيك الجميل دا.....

وكل سنه وانتو طيبين......

انا ماقصدتش الحجاب نفسه
انا اللي كنت عاوزة اوضحه للدكتور باهي ان الحكم علي اي انسان لايمكن
يكون الا بالتعامل معاه مش بمجرد النظر
وعلي فكرة هي حاليا محجبة

يا دكتورة جنة انا متفق معاكى تماما فى ان الحكم على الانسان اللى قدامك مش هنعرفه من مرة او اتنين و حتى فى ناس بنعاملها سنين ونكتشف فى الاخر اننا ما نعرفهاش و ملخص كلامى كله
* الاصل قبل كل شى هو الدين و الاخلاق ده بعد الحجاب احنا بنتكلم عن المحجبة اللى هى اضعف الايمان يعنى مبدئا تكون محجبة و بعد كدا الدين و الاخلاق اوكى
* طيب اوك الحجاب و شايفينه الاخلاق بقى و الدين هنعرفهم ازاى دول عايزين معرفة عن قرب و معاملة طويلة كمان بس الناس مش هتعاملك
* هنقول الناس ما بيعجبهاش حاجه و ممكن تكون محترمة جدا جدا جدا و يقولو انها مش تمام لمجرد لبسها الخارج شوية تمام و مظبوط وفعلا هيقولو كدا و هم غلطانين و مش هيعجبهم حاجه فليه احنا ما نقطعش لسانهم و نخرسهم خالص ده كل قصدى
* وممكن يا دكتورة جنة اعرف راى حضرتك لو شفتى واحدة مثلاً زى اللى فى الصورة دى يا ترى هيكون رايك فيها ايه طبعا ده مش هيبقى راى بس هيبقى امبريشن او انطباع عنها بس مش اكتر و حضرتك علشان متعلمةو فاهمة هتقدرى انك ممكن لو قربتى منها تلاقيها كويسة انما الناس بتشوف باللى قدامها

يعنى ايه بنت محترمة...؟؟ 10

ايه بقى اللى كان هيحصل لو لبسو زى الاخت المحترمة دى و قطعو لسان الناس من الاول و حضرتك نفسك رايك ايه فى الصورة اللى فاتت و الصورة دى يا ريت تتفضلى و تقوليه
يعنى ايه بنت محترمة...؟؟ St.egyptian.women.gi.jpg_-1_-1

يعنى ايه بنت محترمة...؟؟ St.egyptian.women.gi.jpg_-1_-1

» وايه يعنى خسرنا برضه وان تو ثرى تيييييت الجرى
» = هتضحكوا يعنى هتضحكوا