تقول اييييييه؟

لما تلاقى الشمس قايمة بتصبح ع النيل
شعاع مغمض وشعاع مفتح يقول صباح الفل يا جميل
وسمكة عاملة آل ايه دى نايمة ورامية ودانها بتسمع مواويل
والتانية قامت صحت جارتها قالت نهارنا ده باينه طويل
والشيخ مورجان قام اتوضا والسبحة ف ايده يااخواننا هوا الجنة عليل
وأخينا نايم ولا على باله خاتم سليمان واقف حاله
ولا يوم هايجى له وده ياعينى همه اللى تقيل
وع الشط نايمة ورداية حلوة غنوتها هى يا عينى يا ليل
أبوها واقف ياخد بايدها ويقول يا بنتى الصبر جميل

وانت معدى وساعى لرزقك
سبحان الله ارتسمت على وشك
اجمل بسمة ف احلى عينين
بس اوعى يفوتك ولا توعاش دى دروس ربنا ماتفوتهاش
ماتقولش ده شعاع وكفاية دقق ده صورتك فى مراية
أخلاقه دى نور لطريقه وايمانه رفقته وصديقه
ولا عمره ف يوم ساب المصحف ولا فى الصلاة عاتبته سجادة
عينك ما تروحش الا على ده
المغمض قهوته ايه غير سادة
هربان م الدنيا مستنى ايه
زمن المعجزات ماراحت عليه
ولا هناك شوف فيه ايه
حبيب ومروشن بسلامته وعامل فيها فلانتينو

خيبة من ده تحط على ده

وانتى يا احلى ورداية
اوعاكى يغرك اى سلام
واوعاكى يفوتك كلام ابوكى دى مسكة ايده هى الامان
ولا تنخدعى ف ايها فارس خلاص ماعدى زمن الخيل
نفسك امانه والنصيحة امانة ومافيش بعديهم غير الويل
وماتلبسيش غير توب العفة ده هو الهنا
وخليكى دايما بدر الليل

ونفضل دايما على اتفاقنا
مانقولش غير
.
.
.
.
.
سبحان الله