كرسي الاعتراف

موضوع: كرسي الاعتراف الأحد مارس 22, 2009 8:41 pm

تذكير بمساهمة فاتح الموضوع :

دي لعبه كنا بنلعبها زمان في المنتديات وحبيت نلعبها مع بعض

وتفاصيل اللعبه اننا في كل مره في حدهيعد علي الكرسي وهيتسال شويه اسالها ويجيب عليها كلها بصراحه ولو كان في كدب هيتحكم عليه ويرجع تقدير الحكم لثاضي البلاج

/21/286717814.jpg" border="0" alt=""/>

الاسئله
1_ايه رايك في اللعبه؟
2_ايه رايك في احمد عابدين اللي سبقك؟
3_ليه اختارت تكون معانا في المنتدي رغم اختلاف السن ؟
4_غشيت في امتحان قبل كده؟ ول اه كان امتحان ايه؟
5_من الناس اللي معانا في المنتدي مين اكتر واحد قريب لقلبك؟
6_من الناس اللي معانا في المنتدي مين اكتر واحد بتكرهه؟
7_لو قلتلك في عبارات موجزه اوصف العضوه mai تقول ايه ؟
8_تعمل ايه لو حد قاللك ان انت بتسرق الشعر اللي انت بتكتبه ووصل ده لكل الناس؟
9_بحكم خبرتك في الحياهازاي تجذب واحده زي القمر ليك ؟
10_ايه رايك في الريس؟

اظن ان انا مكنتش رخم معاك اوي في الاسئله بس ياريت الاجابه علي كل الاسئله بدون فيتو

ج1: لانها اكثر من رائعة اعترض على تسميتها لعبه سميها حاجه تليق بروعتها وجمالها.
ج2: احمد عابدين بلدياتي واخويا الصغير انسان مجتهد ولكنه مثله مثل الكثير ممن هم في سنه متسرع في الحكم واحيانا قد يجرح المحيطين لا يستمع لاراء الاخرين ولكنه طيب جدا وصدقني باحبه جدا جدا
ج3:انا ماخترتش اكون معاكم ولكن تم اختياري لده من محمود عجيز وبصراحة كنت سعيد بده جدا لاني حسيت ان اشتراكي معاكم امتداد طبيعي لعملي الاساسي كمعلم واني اكون اخ اكبر يمد اليكم النصيحة حينما تطلب منه
انا عارف اني ممكن اكون مضايق ناس كتير وقد اكون غير مرغوب في وجودي ولكن لا تلوموا الا انفسكم يجب ان تكون هناك شجاعة عند من لا يرغب في وجودي ويبدي رايه بصراحه فانا متواجد لحين البت في امري من الجميع .
ج4: بصراحه ومش كداب انا عمري ماغشيت الا اذا فرضت الاجابة علي يعني استاذ يكتب اجابه على السبورة او مشكورا يمللي الاجابه هو بنفسه لكن كمحاولة شخصيه لم تحدث .
ج5: لله الحمد الكل باحبهم جدا ( ربنا لا تجعل في قلوبنا غلا للذين امنوا ) ولكن اقربهم الى قلبي محمود عجيزلاني اعرفه من اكتر سبع سنوات وهو بمثابه ابني او اخويا الصغير وصديقي اوي اوي مع انه زملكاوي وده عيبه الوحيد واطلب له الهدايه .
ج6: انا اكره كل من يضع قناع على وجهه في بعض اللحظات او يحاول ان يخرج من عبأءة اهلة وده مش دوما ولكن اراها في بعض اللحظات الخاطفة من بعض الاشخاص ولكن سرعان ماتزول تلك العيوب
وان ماعجبتكش الاجابه اعتبرها ( فيتو )
ج7:كنت واثق ومتاكد انك هاتسال ده ياريت تجاوبني انت ليه ان كنت متاكد انك هاتسالني انا عن نفسي مش عارف .
مي من الشخصيات الرائعة اخت وابنه صغيرة اشعر دوما بالسعادة حينما استطيع ان اكون الاذن التي تسمع لها والاب والاخ الناصح حينما تطلب ذلك ربنا يخليها ويرعاها دوما لاهلها ممكن تقول هي اخت محمود وايمان( اولادي) مش محمود عجيز بس طبعا هي الاخت الكبيرة.
ج8 : الكلاب تعوي والقافلة تسير ( واذا اتتك مذمتي من ناقص فتلك الشهادة منه باني كامل)
واذا خاطبك السفيه فلا تجبه فكل ما قال فهو فيه فما ضر نهر الفرات يوما أن بعض الكلاب خاضوا فيه .
ج9: بحكم خبرتي اقولك يا سيدي مع اني عمري ماعملتها بس وصفتها كتير ونفعت وعلى فكرة البنت لازم تكون غير انها زي القمر بنت ناس ومحترمة مش مخها ضارب وبتحب الشاب يكون ابيض وشعره اخضر ( بتحب فجله يعني )
اولا : طنشها وهمشها دائما مع تواجدك باستمرار قدامها في كل حته بس من غير ماتبص حتى ناحيتها
ثانيا : لازم تكون عندك الصفات اللي تجذب البنت زي ايه يعني ؟؟؟ اقولك
الشهامه : يعني تشوف أي حد في وضع احتياج او مساعده وتخش ياريس وتعمل فيها فتى الشاشة الاول ويكون قدامها او على الاقل يوصلها اخبار بطولاتك
الكرم والجود : يعني تكون كريم مش مسرف او مبذر رشه جريئه في الطيبات على اصحابك وتزعق وانت بتعزمهم بس ما تعملشي ده كل يوم لاحسن تقول عليك حرامي او انك بعت كتبك او بتختلس من ابوك فلوس الكورسات
متدين : وده طبعا مايكونشي تمثيل لانك كده هاتخش في دور الرياء والشرك والعياذ بالله وهاتشوف ايام اسود من قلب الكافر واظن مش عيب اننا نكون عندنا اخلاق من غير تمثيل ( وعلى فكرة انا مش باشجع حكاية اني اعلق بنت لانه حرام من وجهة نظري اللعب بقلوب الناس )
ج10: الريس عمر حرب فيلم مش حلو لانه اكيد بيحتوي على مناظر يحرمها الدين فيلم وحش اوي ولا انت تقصد الريس ( محمود عجيز ) رئيس المنتدى اظن انا جاوبت عليه
ايه رايك في الاجابات ....

موضوع: رد: كرسي الاعتراف السبت مارس 28, 2009 8:42 pm

انا رديت وكنت بحسب الرد وصل لكن مش مهم ارد حالا انا اسف ياحسن
ج1 انا دخلت صيدلة بمزاجى وكان لى مطلق الحرية الحمد للة
ج2 انا رومانسى جدا لدرجة بتتعبنى من اى موقف يحصل امامى او افتكر حاجة انا عارف انكم مش فاهمين لكن المهم انا رومانسى وكفاية حبيبتى تقولى كدة

ج3 هبقى متاكد ان دا واحد قريبها لانها مش تعرف حد فى الكلية غيرى وهعرف من لهجة الحوار وانا قايلها لو حد بص لك بس فى الكلية قولى لى وانا اخلية يندم على اليوم اللى فكر فية يبص لك واخيرا فى ثقة كبيرة جدا جدا بينا
ج4 بصراحة لا كنت بجرح دايما ودا لة اثرة دلوقتى الحمد للة ربنا بيعاقبنى
ج5 لجميلة جدا واللة تسلم ايدك ياحسن
تانى مرة انا اسف لكن كنت فاكر الرد وصل ومش قعدت على النت الا انهاردة انا اسف للجميع

موضوع: رد: كرسي الاعتراف السبت مارس 28, 2009 8:51 pm

انا تقريبا كده كان المفروض اتسال من زمان...بس معرفش فى ايه؟؟

موضوع: رد: كرسي الاعتراف السبت مارس 28, 2009 8:56 pm

ياجماعة انا ممكن اسأل انا لبنى
بعد ازنك طبعا ياحسن
ياريت توافق

نشكر العضو hamilit ونستاذنه يقوم من علي الكرسي
بس بصراحه افضل عضو حتي الان اعد علي الكرسي

ويتم الان وضع dr.lobnaعلي الكرسي بس علشان متزعلش ونعتزرلها عن التاخير في قبول الطلب ونقولها يا لبني لو النيل بتاع البلد دا اتقلب صلصه مش هيقضي الكوسه اللي فيها

بعتذر للعضو علي ريشه علي طلبه علشان دا مش مع قواعد اللعبه بس ان شاء الله في اللعبه الجايه هيبقي موجود

كده برضه يا حسن
بقي اليومين اللي غيبتهم ع المنتدي
تقومني من ع الكرسي؟؟؟
نداااااااااااااااااااااااااااااله
مش انت ياض اخر مره كنت فيها هنا قلتلي انا اللي عليه الدور_
ما علينا
عيب عليك بقي وخللي اخوك يقعد ع كرسي الاعتراف قريب!!!!
عشان مزعلش منك بقي يا ابو علي...

الاسئله للدكتوره لبني علشان بس مش تزعل

الاسئله؟
1_ايه رايك في اللعبه؟
2_ ايه رايكفي hamlitاللي سبقك؟
3_لو قلتلك اهدي اغنيه لاحمد عابدين اللي سبقك تهديله ايه؟
4_مين اكتر شخصيه بتكرهيهافي المنتدي وفي الكليه؟
5_مين اكتر شخصيه بتحيبها في المنتدي والكليه؟
6_تعملي ايه مستقبلا لو زوجك ضربك( لاقدر الله)؟
7_في حد جرحك قبل كده ول اه كام مره اتجرحتي؟
8_تعملي ايه لو في حد جاي يقولك انا معجب بيكيوعايز اتعرف عليكي ونتي متعرفهوش وعايز رد حالا دلةقتي؟
9_تعملي ايه لو نفس الشخص جه تاني وقالك( انتي شايفه نفسك علي ايه )؟
10_لو قلتلك خليكي معايا في الكرسي تاني ترضي؟

ليكي بس يا لبني واحد فيتو

واظن ان الاسئله مش رخمه خاااااااااااااااالص

وعايز اجابات صريحه ولا يتم الحكم عليكي

انا معاك ان شاء الله يا حسن و مستنيه دورى

1_طبعا طبعا لعبة جميلة جدا جدا...شبه كده التحليل النفسى بس من بعيد اوى...بتظهر شخصيات ناس وناس لا طبعا ..اللى هما فيهم غموض شوية وانا منهم :D
2_استاذ مجدى ده انسان جميل جدا ....صادق جدا...صريح...متعايش معانا اوى لدرجة لو حد جديد دخل المنتدى مش هيحس انه اكبر مننا...بحس كتير انه زمان كان عنده طموحات كتير اوى واحلام كتير كان نفسه يحققها بس للاسف معرفش..وبقوله منورنا يا هاملت
3_بصراحة مش عارفة..بس ممكن اهديله الاغنية اللى بسمعها دلوقتى.....ربك لما يريد ...لمحمد منير
4_انا مش بعرف اكره لانه احساس صعب اوى...بيدل على حاجات كتير حلوة مكسورة ف الانسان اللى بيكره ده ..وانا مش كده..ممكن مش احب حد اوى ..او مش اطيقه خالص بس مش هكرهه...لا لا انا ف حاجة بكرهها ...بكره كل الشخصيات اللى بتدى كيميا عضوية :( :(
5_انا بحب كل اللى ف المنتدى ...بس ف الكلية بقا..بحب صحابى ..دكتور بيتر..دكتور ابراهيم سالم ...شخصيات محترمة جدا...بحب كمان عمو مصطفى بتاع الكافتريا...ممكن بس اروح اسلم عليه من غير م اشترى حاجة
6_ضربنى!!!!عمره م هيعملها...ولو عملها هسبله البيت طبعا..هو انا مليش اهل ولا ايه؟؟؟
7_لا مفيش حد جرحنى قبل كده ....بس لو قولت اه ...يبقى انا اللى كنت جارحة نفسى وقت طويل اوى وكنت عارفة كده
8_عايز رد حالا !دلوقتى!ده بيلعب بقا...هو ايه اللى حالا ؟..وبعدين انا مش بكلم ولاد اصلا..الا لو حاجة ف الدراسة مثلا
...معجب بقا وعايز يتعرف ...يبقى يتعرف ادام اهلى كلهم..يعنى من الاخر اكون ماشية صح وخلاص...و ربنا يسهل
9_شايفة نفسى!!!!!!!على فكرة انا متواضعة جدا لاقصى الحدود بجد...وكل صحابى عارفين كده...ولو جه تانى عمره م هيقول كده لانه هيتاكد بنفسه انى مش مغرورة خالص ف المرة الاولانية...ممكن يكون بيبان عليا انى شايفة نفسى بس طبعا ده غلط جداااااااا....انا الحمد لله متواضعة ومش شايفة نفسى خالص الا طبعا ف المراية... :D
10_ايوة ارضى ...بس مش عايزة اتكهرب عليه ابداااااااااا

شكراااا ويارب تكون اجاباتى حلوة lol!

شكرا بجد ليكي يا لبني علي الصراحه بتاعتك وعلي فكره الاسئله دي بس علشان انرفزك بس يا خساره

والعضو التالي هو محمد عبد الرازق

الاسئله الجايه لمحمد عبد الرازق
1_ايه رايك في اللعبه؟
2_ايه رايك في العضوه لبني اللي سبقتك؟
3_لو قلتلك اهدي اغنيه للعضوه لبني تهديلها ايه؟
4_انتي رومانسي؟لو اه ازاي عرفت؟
5_انت جرحت حد قبل كده؟ولو اه ممكن نعرف ايه كان رد فعله؟
6_مين اكتر شخصيه بتحبها في المنتدي والكليه؟
7_مين اكتر شخصيه بتكرهها في المنتدي والكليه؟
8_تعمل ايع لو رايح تكلم بنت في مشروع علاقه بينكم وجيت في االلحظه الحاسمه وقمت واقع اتبهدلت علي الارض؟
9_تعمل ايه لو الدكتور قالك تضرب احمد هلال علي قفاه والا هتشيل الماده؟
10_تعمل ايه لو نفس الدكتور قال لاحمد هلال يضربك علي قفاك واحمد ضربك؟

يلا يا محمد انا مردتش اتقل عليك علشان انت بس زعلان مني ويا ريت تجاوب علي كل الاسئله بصراحه

وليك واحد فيتو بس

1_اولا اللعبه دي بجد جامده اخر حاجه..بجد جميله اوي وعجبتني اوي

2_اكيد لبني اخت ليه قبل ما تكون زميله..واكيد طبعا بحترمها وبقدرها عشان هي بجد شخصيه محترمه جدن..
3_اغنيه واحده بس..خليك كريم شويه وقول اتنين ولا تلاته
اهديلها اكتر 3 اغاني بحبهم..هم صحيح حزايني شويه بسي اعمل ايه بقي بحبهم
a_ليه بفكر..تامر عاشور
b_هخللي بالي من نفسي..فضل
c_صدقت عنيك..صابر الرباعي
4_اكيد طبعا رومانسي..عشان انا برج الحوت طبعا
ودي اكتر حاجه مبحبهاش ف نفسي..عشان الزمن ده مش زمن رومانسيه خااااااااالص
ولا تنفع فيه رومانسيه من اساسه
واللي يفكر يبقي رومانسي ويحب مثلا .........يبقي اكيد حيوان سلمندر !!!!
5_انا اجرح حد !!! طيب تيجي ازاي بس؟؟؟
بس انا اتجرحت مره واحده فقط لا غير قبل كده..والحمد لله دلوقتي احسن بكتيييييييييييييير وعمري ما هسمح لحد يجرحني تاني
6_المنتدي بحب كل اللي فيه طبعن...ودي مفيهاش كلام
اما الكليه فأكيد بحب اصحابي كلهم...يعني مش معقوله مهحبش حد فيهم..والا مكنتش صاحبته....أي نعم بيبضنو ويخنقوا ساعات عليه..بسي بحبهم اكيييييييد
7_ف المنتدي اكيد لا..بسي ف الكليه فيه حد واحد بس اتعرفت عليها ويا ريتني ما اتعرفت عليه..(لازقه)(خنقه) (بتوقع الدنيا كلها ف بعضها) (مبيتبلش ف بقها فوله)
مش بحب الحدده اه بس مبكرهوش...عشان مينفعش وميصحش نكره حد اصلا
8_ههههههههههه
فيه حلين اتنين...
يا اما اخليني قاعد ع الارض لحد ما هي تبص لي من فوق لتحت وتمشي وبعد كده اقوم :oops: :oops: :oops: ..وده طبعن استحاله يحصل
الحل التاني .....اني اعمل بقي ان انا رجليه اتكسرت ولا اتجزعت واطلب منها المساعده ..اخليها تشيللي كتبي اللي وقعت مثلا..واهو منها تعارف برضه
9_يا نهار ابيض...بالذمه ده سوال..دا يوم المني :lol: :lol: :lol:
ومن غير ما الدكتور يقول والله ..انا من نفسي بقوم بالواجب معاه كل يوم
دا الغالي ابو اسم غالي
انا اقدر اتاخر لطلب طلبه مني الدكتور؟؟؟؟
ولا عايزني ازعل الدكتور بقي ويشيلني ماده؟؟؟؟؟
!!!!
10_احمد ميقدرشي يعملها اصلا
عشان لو فكر..فكر بس ...ولو مجرد تفكير ف حاجه زي دي
:pirat: :roll: هو عا رف كويس اوي ايه اللي هيجري له اول ما يخرج من المدرج
مش هيروح بيتهم سليم اساسا
....
بس يا ريت استخدم الفيتو ف السوال الاخير..عشان انا كده هيبقي المورفولوجي بتاعي مش تماااام...يعني كرامتي اتبعترت ع الارض!!!!
واولا قبل ما الوم احمد..الوم الدكتور اللي قال له يعمل كده...مش معقوله ده دكتور بيدرس لطلبه جامعه...ويطلب الطلب ده !!!
كده بقي يا حسن جاوت لك ع كل الاسئله اهه يا عم
حتي السوال اللي انا استخدمت فيه الفيتو جاوبته لك...
اي خدمه
.....بس بجد والله كل اجاباتب كانت بصراااااحه شديده جدا........

اقتباس :: ..بسي ف الكليه فيه حد واحد بس اتعرفت عليها ويا ريتني ما اتعرفت عليه..(لازقه)(خنقه) (بتوقع الدنيا كلها ف بعضها) (مبيتبلش ف بقها فوله)

ههههههههه نيس

مستنى دورى يا حسن

الان مع عضو جديد وكرسي الاعتراف والعضو الجاي يعتبر من اهم الاعضاء في المنتدي وهو طبعا من اهم الاعضاء المشتركين جوه قلبي لان في حاجات كتير اووووووي مشتركه ما بينا سؤاء في الصفات او التعليم ونت فاهمني وصباح......

ويلا معانا يا ريس

علشان انت ضيف مش عادي هتلاقي الاسئله بتاعتك مش عاديه وطبعا انت عارف ان ليك الحق في واحد فيتو بس خلال عشر الاسئله واتمني منك الصراحه والوضوح
1_ايه رايك في اللعبه؟
2_لو قلتلك حددلي شخص (وياريت اسمه) بتعبره قرب واحد لققلبك هنا في المنتدي وفي الكليه؟
3_لو قلتلك حدد شخص بتعتبره اكتر واحد بتكرهه هنا وفي الكليه ؟
4_تعمل ايه لو في بنت بتبصلك علي طول ونت عايز تكلمها بس خايف؟
5_تعمل ايه لو في حد رخم عمال يقولك مين عمر ده هو بيعرف يغني دا الواد عمده احسن منه علي الاقل بيرقص ويولع الفرح ؟
6_لو قلتلك اختارلي افضل توبيك في المنتدي ختي الان ومش عايز اجابه دبلوماسيه عايز توبيك معين؟
7_لو قلتلك اخنار مستر فارما 2009 من المنتدي تختار مين ؟
8_لو قلتلك اختارلي ميس فارما 2009 تختار مين؟
9_تعمل ايه لو انت بتحب واحده وهيا مش عارفه؟
10_تعمل ايه لو انت واعز اصحابك معجبين بنفس البنت ؟
من واحد صحبك

1-- بصراحة أنا معجب جدا باللعبة وأنا لعبتها فترة في منتدي عمرو دياب بصراحة بس أنا مش عايز أقول عليها لعبة عايز أقول مواجهة مع الأخر.
2-- بصراحة هما كتير بس هو واحد معانا في الكلية بس مش في المنتدي " محمد رجب " بستريحله جدا
لكن إنت يا حسن بعتبرك قريني وفي تشابه كتير بينا فعتبرك روحي بس في جسد أخر
3—أنا من عادتي مش بكره حد بس هقولك """""""" فيتو """""""""""
4- ههههههه بصراحة أنا طبيعتي فري جدا مع أصحابي لكن أمام الجنس الأخر ببقي خجول شوية بس لو هي بتبصلي و أنا معجب بيها هكلمها لاني بسمع نصيحة عمرو دياب " ضحكت " مستني إيه بعد الضحكة ،،،،
يالا يا قلبي روحلها يالا أقولها كل اللي بيتقال
5- هقوله دا عمرو دياب بس لأنه لو بيفهم هيعرف يعني إيه عمرو دياب بس علي فكره حصل مشادات مع ناس كتير علشان الموضوع دا بس أنا طبعا بطلع كسبان من كل المعارك دي
6-- موضوع " ظهور علامات يوم القيامة علي قناة الجزيرة " موضوع جامد وبصراحة وقع قلبي ساعتها
7— سافيولا ( محمد )
8 – بصراحة أنا مشفتش ولا واحدة من الموجودين معانا فمش هظلم حد
9—أولا : هحاول ألفت نظرها ليها أستغل موقف في سكشن محاضرة كده بعد كده طبعا هتحجج بأي حاجة علشان أشوفها
ثانيا : أنا مش من النوع اللي مثلا أعرف واحدة صاحبتها أقولها ممكن تقوليلها لأني لو بحبها صحيح هيكون عندي الشجاعة إني أكلمها Face to Face علشان كده لو أنا شفت واحدة وحسيت إني مش قادر أعمل حاجة بعرف إنه إعجاب مش أكتر
10 – لو هي بتحبيني أوكي هعرفه لأني مش ممكن أسيب صاحبي كده لكن لو أنا معجب بيها وهو كمان هترك المجال فورا لأني مش ممكن أخسر صاحبي علشان إعجاب أو حب من طرف ومش عارف الطرف الأخر رأيه إيه

للأسف أنا معنديش طلاقة في الكلام شوية فأعذروني

اللعبه جامده بجد يا حسن وانا ممكن اشترك معاك وده يشرفنى

ربنا يخليك يااحمد وان شائ الله تبقي معانا

تظرا لامتحانات الشيت يتم سحب الكرسي موقتا لحين العوده علشان اصحاب الكرسي عاوزينه وبعد الشيت ان شاء الله نبقي نلم من بعض ونجيب كرسي تاني بدل الكرسي ده

تظرا لبعض الظروف يتم بعد العوده تغيير نظام اللعبه من طلب للجلوس علي الكرسي الا استدعاء يتم من قبل اصحاب الكرسي الي العضو المرغوب فيه وذلك تبعا لفكره ph.miro

ومن لن يلبي الاستدعاء سيتم محاكته وياريت من عجيز يساعدنا في كده

من dr.h

انا مش فاهمة يا حسن التغيير ده هيكون ازاى ...ياريت توضح اكتر........؟

يعنى يا د/ لبنى حسن هايستدعي العضو اللي هو عاوزة مش احنا اللي نطلبة يعني مابقاش كرسي اعتراف بقى تحقيق نيابه اللهم احفظنا

شكرا ليك يا مستر علي التوضيح واحب اضيف ان دا مش هيبقي زي ما حضرتك وضحت يا مسترالاستدعاء يبقي عادي واللي مش عاوز يدخل عادي يعني مش هنجيبه غصب عنه دا لعب واحنا بنهزر مع بعض

ولو في اي اعتراض علي التغيير الجديد يا ريت نقول؟

» كرسي الاعتراف الجزء التاني