crystalshining27 صيدلي أستااذ
النوع : المساهمات : 978 تاريخ التسجيل : 06/03/2009 نقاط : 56332
| موضوع: يا امه ضحكت من جهلها الامم الأربعاء يونيو 30, 2010 10:48 pm | |
| بصراحه موضوع طل في دماغي كده وانا قاعد عانت بدور في الاحصائيات بتاعت الويكبيديا
فقلت اعمل كده احصائيات وهو بجمله المهازل
هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
هل فكرت مره انك تفتح مصحف وتتتمعن في ايتين يمكن ربنا يهديك!!!!
بتقرا حاجة غير مجلة ميكي وقصه الواد السحلول والاحمر الخدود؟؟
عندك مصدر بتجيب منه معلومات غير قعدة القهوة والتسكع على الكافيهات؟؟
تعرف يعني إيه حزب ولا ايه حال السياسه في بلدك؟؟
هل تعلم ماهى الليبرالية والفدرالية والإشتراكية وعنفوان الشباب ؟
يا ترى بتدخل ع النت ليه؟؟ عشان تتثقف؟؟ولا عسان تعاند بابا وماما وتزود فاتوره الكهرباء (ماهي خربانه خربانه)
إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث اثبتت أن الشباب المصرى عليه العوض وهو في أسوأ حالاته الثقافية .......!!
يعني احنا شباب تمام..في العصر التمام-حيث تشير إحدى الدراسات إلى أنالدراسات منقوله) (والتعليقات من عندي)
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-
لا بصراحه ايه الشباب المتدين ده حاجه عظمه قووي
-
أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..
ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس
-يا حلاوة ايه العسل ده!!-
..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي والزماللك كمان عشان مش عاوزين تعصب
-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..
طب تعالوا نشوف ازاى الشباب المصرى بيستفيد من الإنترنتاحصائيات منقوله برده)
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا.
.
فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سمح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل والسحلول والسبع عيون -
طب الحمد لله أهو لقينا حد بيقرا حاجة (يا خلاشي طب ما احنا زي الفل اهو)-..
طبعاً مش لازم تبقى محمد حسنين هيكل..ولا لازم تكون نجيب محفوظ-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟
وقبل كل ده تكون عارف كويس..أنت عايز إيه؟؟
ولا ايه كده حتقلقني منك؟؟؟؟
لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة واللممثله الفلانيه اتجوزت والعلانيه اطلقت والفيلم الفلاني واخد جائزه نوبل كاحسن فيلم ورانا قصه حياه عجلاتي مكافح.
.حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر في اواخر الصفوف!!..
يا ترى الموضوع ايه الاسباب ايه السبب؟؟؟ حد عارف ايه السبب,,
انا الله وانا اليه راجعون
(يا امة ضحكت من جهلها الامم)
منقوووووووووووووووووووووول | |
|
nadaaboshady صيدلي متميز
النوع : المساهمات : 317 تاريخ التسجيل : 21/02/2009 نقاط : 55699
| موضوع: رد: يا امه ضحكت من جهلها الامم الخميس يوليو 01, 2010 4:48 am | |
| | |
|
ضي القمر Moderator
النوع : المساهمات : 936 تاريخ التسجيل : 26/02/2009 نقاط : 56818
| موضوع: رد: يا امه ضحكت من جهلها الامم الخميس يوليو 01, 2010 1:24 pm | |
| لولو حبيبتى ايه المواضيع الجامدة دى انا والله لما قريته على الموبايل قولت لازم اكتبلك رد يليق بيكى نظرا لانى محرومة من النت لمدة اسبوعين ع لما الصحة تتحسن شوية بس ولا يهمك.... ودا اكتر جزء عجبنى بصراحة لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة واللممثله الفلانيه اتجوزت والعلانيه اطلقت والفيلم الفلاني واخد جائزه نوبل كاحسن فيلم ورانا قصه حياه عجلاتي مكافح.
.حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر في اواخر الصفوف!!..
ثانكس يا قمر | |
|