السؤال الاول : علل لما يأتى (مجاب عنه )
1-عندنا فريق اسمه 4cats ومعندناش فريق اسمه4dogs مع ان الفرق اللى فيها أربع ولاد كتير
2-شاب سيس يضيفك على الفيس بوك لمجرد انه عجبه صورة البروفايل بتاعتك
3-ان صورة البروفايل بتاعتك تبقى لتامر حسنى
4-الفيس بوك من اساسه
5-عدم ارتداء المدرسين للزى المدرسى
6-ان الام مدرسه ولا تخضع لاشراف الوزاره
7-ان الزمالك أيضا مدرسه
8-ان البنات يذهبن الى التواليت فى جماعات او على الاقل فى اتنينات
9-بقالنا كتير مبنسمعش عن مشروع توشكى
10-اصرار امن الجامعه على رؤية كارنيهك يوميا رغم انه عارف شكلك واسمك
11-بنات الجامعه الامريكيه حلوين
12-اصرار الممثلين فى سن الاربعين على الظهور كطلاب جامعيين
13-لسه فى طلبه بيعاكسوا
14- لسه فى طالبات بتيجى بالمعاكسه
15- المدرج الخشبى اسمه بنج ولا بنش
16-ان الفتيات اللاتى يجلسن فى اول ثلاث مدرجات يتشابهن الى حد كبير
17-انك لو سألت احداهن على اى امر لما التفتوا اليك
18-لسه بياخدوا غياب فى الجامعه
الحل :
أجب بنفسك مستعينا بكتاب المدرسه
السؤال الثانى : أعط مفهوما علميا شاملا لكل من:
1-أحد تجمعات القبائل الطلابيه صيفا وشتاءا وفى ليالى الامتحان والمراجعه النهائيه يصل التجمع الواحد أحيانا الى 60 طالبا وهو عدد يفوق الفصول المدرسيه
(السنتر )
2-أحد تجمعات القبائل الطلابيه وتتواجد فيها العشيره بين المحاضرات فى صوره ثنائيه (للانتمه) او تجمعات انثويه(عشان مبيصاحبوش) أو ذكوريه فقط(عشان مش عارفين يصاحبوا) تصل فيها المشروبات الغازيه الى3او4 جنيهات وساندوتشات البانيه الى 8 جنيهات وهو الملجأ الوحيد للطالب المطرود من المحاضره
(الكافتيريا )
3-احدى انجازات مشروع البطل الاولمبى الذى لم يسفر الا عن ميداليه واحده يمكن استثماره بشكل افضل اذا دربنا التلاميذ على القفز بالزانه بدلا من اتباع مبدأ (شبك لى وأنا انط )
(سور المدرسه )
بعض من ملاحظات الكتاب :
1-الدين لله والأهلى فوق الجميع
2-لا تؤجل عمل اليوم الى الدوره البرلمانيه القادمه
3-استيقظ مبكرا علشان تلحق البلد وهى فاضيه
4-العلوم أساس تقدم الامم والباب مفتوح علشان تحول ادبى
5-مصر هى امك وأمك بس هى اللى تقدر تقول أبوك مين
6-الارض كرويه وزى مابيقولوا الكوره اجوان
7-الصدق والامانه من الصفات التى يجب ان تتخلى عنها