خاص بطلبة صيدلة طنطا
 
الرئيسيةالبوابةس .و .جالتسجيلدخول
Our Group



شاطر | 
 

 سوسو وكتالوجات الالتزام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صقر الكتائب
Moderator
Moderator
avatar

النوع : ذكر
المساهمات : 430
تاريخ التسجيل : 19/02/2009
نقاط : 32698

مُساهمةموضوع: سوسو وكتالوجات الالتزام   الأحد فبراير 14, 2010 1:09 pm

ابسم الله الرحمن الرحيم

سوسو بنوتة طيبة ومرحة وعايشة حياتها زي كثير من البنات .. مرت بيها الأيام علي نفس الحال لغاية ما سمعت عن شيئ اسمه الالتزام .. قعدت تدوَّر وتبحث وتسأل لغاية ما ناس قالت لها إن الإلتزام دة فيه منه أنواع وموديلات كثيرة .. فطلبت منهم كتالوجات عشان تشوف منها أنواع الإلتزام .. قالوا لها الأفضل أنك تنزلي وتبحثي بنفسك وشوفي الموديل اللي يناسبك ويكون علي ذوقك ومقاسك .. وفعلاً نزلت وبحثت ..
في البداية اتفاجئت ببنات لها شكل غريب أول ما شافتهم قالت ’’إيه الكآبة دي .. لبس واسع وغامق وكلام قليل ومتحفظ وخروج محدود ومعدود ’’ .. سألتهم ’’أنتم عاملين في نفسكم كدة ليه’’ فكان ردهم ’’يا أختنا دة ديننا .. وكل شيئ بيخص الدين مش بنخده بمزاجنا لكن بناخده من قدوتنا وأسوتنا لأن مينفعش إننا نألف من دماغنا .. ولازم الدين يكون زي ما كان عليه الأولين ..’’ .. ردت سوسو باشمئناط ’’ يعني إيه ؟ هترجعونا تاني نركب الجمال ونطحن بالرحي’’ .. ابتسمت الأخوات وقالوا لها ’’ يا أختنا إحنا مش بنقولك إن السيشوار بدعة ولا إنك لازم تستخدمي الحطب مكان الميكروويف .. عيشي حياتك بعصريتها زي ما تحبي لكن أي أمر فيه دين لازم تلتزمي فيه بما كان عليه الأولين .. لأن أي تغيير أو تبديل أو تطوير في أي شيئ يخص ديننا دة يُعتبر بدعة وضلال .. باختصار .. أي شيئ يمس العقيدة وكان له أصل في عهد النبي صلي الله عليه وسلم فإحنا ملزمين باتباع فعل وقول النبي ..’’.. ارتبكت سوسو واحتارت .. وبعدين فكرت وقالت .. ’’طيب أنا عايزة أكون زي ما أنا كدة من غير ما أغير ’’استايل’’ حياتي .. أنا بأموت في الأغاني ومعنديش استعداد أغير لبسي بس برضة عايزة ألتزم’’ .. ردت الأخوات ’’يبقي أنت لسة مش عارفة معني الإلتزام .. الإلتزام يا أختنا إنك تعرفي طريق الحق وتغيري كل حياتك عشان تلائم الطريق دة .. وهتلاقي كثير بيقولوا لك إن طريقهم هو طريق الحق .. لكن لازم تعرفي إن طريق الحق الوحيد هو اللي يقول لك ’’قال الله وقال الرسول’’ هو اللي يقول لك ’’إزاي اتصرف الصحابة أول ما سمعوا قول الله وأمر رسول الله لأنهم خير من فهم عن النبي وخير من طبق أمر النبي .. ومادام أي حاجة بتحبيها أو عايزة تعمليها كان لها أصل في عهد النبي والصحابة فعلينا نعرف إزاي اتصرفوا ونقلدهم’’ .. ردت سوسو ’’بس أنا أعرف إن مفيش رأي واحد في مسائل كثير لكن فيه آراء واجتهادات بتبيح حاجات محرمها ناس تانيين’’ .. ردت الأخوات ’’ يا أختنا إحنا قلنا لك مادام الأمر كان له أصل في عهد النبي والصحابة فاحنا بناخد بفعلهم وقولهم .. مثلاً مثلاً يا أختنا لو فيه دكتور بيوصف دوا مر جدا بس مفعوله أكيد وفيه تمرجي بيوصف دوا حلو وجميل ومفعوله مرة تخيب ومرة تصيب .. فيا تري هتختاري مين لو أنت فعلاً مهتمة بصحتك؟’’ .. ردت سوسو بتلقائية ’’طبعاً الدكتور أكيد لازم أختار الشيئ المضمون .. دي صحتي مش لعبة’’ .. ردت الأخوات ’’ بالظبط كدة .. إحنا بنختار المضمون لأن الموضوع جنة مش لعبة .. والمضمون الوحيد هو اللي كان عليه السابقين لأن الموضوع دين مش موضة بتتغير مع الزمن .. هتلاقي كثير يقولوا لك إن الموضوع أوسع من التضييق بس يا أختنا يا حبيبتنا زي ما كنت خايفة علي صحتك واختارتي الدكتور الصح .. برضة لازم تخافي علي آخرتك وتختاري الطريق الصح والمضمون واللي يخرجك من دايرة الخلافات والاحتمالات ’’..
سكتت سوسو وفي الوقت اللي كانت لسة بتفكر وتقلب الكلام في دماغها لقت بنات شدوها من إيديها وهم بيصرخوا فيها ’’إنت إيه اللي وقعك مع الناس دول .. دول ناس متحجرين ومنغلقين ومعزولين عن الدنيا .. تعالي تعالي نفرجك علي كتالوجنا اللي فيه التزامنا .. احنا بقي يا ستي التزامنا فري سايز .. أي مقاس أي موديل أي ذوق يمشي معاه معندناش أي مشاكل .. بس يعني مع بعض الرتوش الصغننة .. يعني مثلاً بتحبي الأغاني .. وماله عندنا أغاني وإيقاعاتها تجنن بس عشان نكسر عنين الحاسدين بنقول إنها ’’أغاني إسلامية’’ .. وعندنا ’’مسلسلات حلال’’ و’’اختلاط حلال’’ و ’’حجاب مودرن’’ الحجاب دة بقي فيه كل الاستايلات بداية من ’’الحشمة’’ ومروراً ’’بالعِمة’’ اللي هية الاسبانش’’ وانتهاء بالخمار ومتقلقيش دة برضة له موديلات تري شيك .. وكل اللي نفسك فيه هتلاقيه دة غير أن من وقت للتاني بينزل عندنا ’’بروموشن’’ من مشايخنا الثقاة بيحللولنا فيه حاجات كثير محرمها الناس المعقدين’’ .. سوسو قالت لهم ’’لكن أنا سمعت أننا لازم نمشي في ديننا بنفس الطريقة اللي كان عليها النبي والصحابة’’ .. صرخ البنات في وشها وقالوا لها ’’لحسوا عقلك في الدقيقتين اللي قعدتيها معاهم .. يا بنتي إحنا عندنا مشايخنا ربنا يخليهم لنا مش مخليين في نفسنا حاجة .. طب خدي عندك مثلاً .. كان فيه فنانات قالوا أنهم عايزين يتوبوا ويعتزلوا .. مشايخنا قالوا لهم ’’لآ.. توبوا من غير ما تعتزلوا خليكم في الفن ومثلوا التمثيل الحلال .. هو آي نعم أن كثير منهم انتكس وحجابهم اتعكس وفيه منهم رجع أبشع مما كان .. لكن حقيقي حقيقي ربنا يجعلهم في ميزان أعمال مشايخنا .. المهم .. أنك متشغليش بالك كثير مادام كلامنا بيستند لقال الشيخ فلان وحدثنا العلامة علان وهم دول مرجعيتك وسندك .. وعلي فكرة برضة للناس اللي غاوية فتاوي العلماء الكبار فدول برضة لهم عندنا حل .. لأننا عندنا كوليكشنات فتاوي يجنن .. فمن كل عالم كلمتين وبس .. مش مهم كان سياقهم إيه ومش مهم بقية فتاواه شكلها إيه .. إحنا بس بناخد الحتة اللي تعجبنا ونلزقها في اسم العالم الكبير .. ’’ .. سوسو تنحت واتلخبطت وقالت لهم ’’يعني مش مهم أبحث اللي أنا بأعمله دة كان له أصل عند الصحابة والرسول؟؟’’ .. ردوا عليها في نفس واحد ’’يا بنتي إحنا مش بنصلي وبنصوم وبنحتفل بالمولد ؟؟.. خلاص منشغلش بالنا أبعد من كدة ويلا يلا ورانا مجتمع عايزين نطوره وأمة عايزين نغيرها’’ .. وبالفعل انطلقت وراهم سوسو وهي فاكرة إن دة الإلتزام الحقيقي خصوصاً أنها شافت مقاسه وموديله علي ذوقها وكأنه متفصل عليها!!!..




مسكينة سوسو ومسكينات كثير زيها . ..


خدعوها وفهموها إن الإلتزام إنها تاخد من الدين فهم مغلوط من غير أصل سليم وتنطلق لتصلح به المجتمع .. ولو كانت حقيقي واعية لعرفت أن إصلاح المجتمع يبدأ بإصلاحها هي لنفسها .. إصلاح الأمة كلها متوقف عليها ’’هي’’ .. أنها تبحث وتعرف دينها صح .. وتنطلق به لتنشئ جيل صحيح نفسياً ومعنوياً ودينياً وتحرص علي متابعته ورعايته بنشاط وهمة ودقة .. لأن بمنتهي البساطة ’’لن يصح غرس نام عنه ساقيه’’ .. فلو فعلت ذلك بحق لنهض المجتمع ولصلح حال الأمة .. أما الانطلاق شمال ويمين بدعوي نهضة المجتمع .. وآهي العيال كدة كدة بتتربي وفي النهاية نلاقي جيل فاشل ونهضة مزعومة لم ولن تتحقق لأن أساسها مُشَوَّه ..



مسكينة سوسو ومسكين كثير زيها .. فاكرين الالتزام موضة .. عشان كدة يوم ما بيفكروا يلتزموا مش بيقولوا عايزين إلتزام زي اللي كان عليه النبي والصحابة .. مش بيبحثوا عن الدين الصحيح .. .. أو بيقولوا عايزين التزام يلائم حياتنا وكأن الإلتزام قماشة هتتفصل حسب المواصفات اللي هم عايزينها .. ومش قادرين يفهموا إنهم لازم يغيروا حياتهم بحسب ما يمليه الإلتزام لأنها جنة يا جماعة مش لعبة..



يا بخته جيل فات .. كانت الدنيا عنده إما هدي وإما ضلال .. إما حق وإما باطل .. محجبة صح أو متبرجة .. ملتزم حقيقي أو مش ملتزم خالص ..



ومسكين جيل حالي .. الدنيا عنده ملخبطة والدين عنده بقي درجات وأشكال وألوان ..



وعلي فكرة هيفضل الجيل دة مسكين طالما مش عارف يعني إيه دين وإزي يعرف الحق من الضلال .. لكن برضه نرجع ونقول هو اللي ممسكن نفسه لأن طريق الحق واضح ومش بيلخبط ومش بيتوَّه لأن النبي حلها لنا من زمان ..



قالَ رَسُولُ الله صلى الله عليه وسلم: {لَيَأْتِيَنّ عَلَى أُمّتِي مَا أَتَى عَلَى بَنِي إِسْرَائِيلَ حَذْوَ النّعْلِ بِالنّعْلِ حَتّى إِنْ كَانَ مِنْهُمْ مَنْ أَتَى أُمّهُ عَلاَنِيَةً لَكَانَ فِي أُمّتِي مَنْ يَصْنَعُ ذَلِكَ وَإِنّ بَنِي إِسْرَائِيلَ تَفَرّقَتْ عَلَى ثِنْتَيْنِ وَسَبْعِينَ مِلّةً، وَتَفْتَرِقُ أُمّتِي عَلَى ثَلاَثٍ وَسَبْعِينَ مِلّةً كُلّهُمْ فِي النّارِ إِلاّ مِلّةً وَاحِدَةً، قَالَ ومَنْ هِيَ يَا رَسُولَ الله؟ قَالَ: مَا أَنَا عَلَيْهِ وَأَصْحَابِي}.


وقال صلي الله عليه وسلم {فإنه من يعش منكم بعدي فسيرى اختلافا كثيرا ، فعليكم بسنتي وسنة الخلفاء المهديين الراشدين تمسكوا بها ، وعضوا عليها بالنواجذ ، وإياكم ومحدثات الأمور فإن كل محدثة بدعة ، وكل بدعة ضلالة}



فمن أراد الهدي فطريقه واضح .. أما من أراد الزيغ فطرقه كثيرة .. لكن ..


في النهاية .. لا يلومن إلا نفسه .. وفي النهاية سيندم وقت لا ينفع الندم ..


الرجوع الى أعلى الصفحة اذهب الى الأسفل
nadaaboshady
صيدلي متميز
صيدلي متميز
avatar

النوع : انثى
المساهمات : 317
تاريخ التسجيل : 21/02/2009
نقاط : 32279

مُساهمةموضوع: رد: سوسو وكتالوجات الالتزام   الأحد فبراير 14, 2010 4:45 pm

طريقه بسيطه وجميله فى سرد مضمون راااااااائع
جزاك الله خيرا د/احمد
الرجوع الى أعلى الصفحة اذهب الى الأسفل
صقر الكتائب
Moderator
Moderator
avatar

النوع : ذكر
المساهمات : 430
تاريخ التسجيل : 19/02/2009
نقاط : 32698

مُساهمةموضوع: رد: سوسو وكتالوجات الالتزام   الأحد فبراير 14, 2010 6:41 pm

بسم الله الرحمن الرحيم
جزاكى الله خيرا دكتورة ندى وربنا يبارك فى حضرتك

جزااكم الله خيرا


الرجوع الى أعلى الصفحة اذهب الى الأسفل
crystalshining27
صيدلي أستااذ
صيدلي أستااذ
avatar

النوع : انثى
المساهمات : 978
تاريخ التسجيل : 06/03/2009
نقاط : 32912

مُساهمةموضوع: رد: سوسو وكتالوجات الالتزام   الأحد فبراير 14, 2010 11:45 pm

موضوع رائع يا دكتور وبجد جزاك الله خيرا

كان عندى طلب لحضرتك ياريت بس تعيد تنسيق الموضوع تانى لانه مجهد للعين شويه

وتقبل تحياتى
الرجوع الى أعلى الصفحة اذهب الى الأسفل
the dreamer
VIP Member
VIP Member
avatar

النوع : انثى
المساهمات : 568
تاريخ التسجيل : 24/08/2009
نقاط : 30876

مُساهمةموضوع: رد: سوسو وكتالوجات الالتزام   الإثنين فبراير 15, 2010 6:01 am

جزاكم الله خيرا
اللهم ارزقنا الإلتزام الحقيقى
الرجوع الى أعلى الصفحة اذهب الى الأسفل
 
سوسو وكتالوجات الالتزام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Shabab Pharma Forums :: منتدي إسلامنا :: قطوف إيمانية-
انتقل الى: