اذيكوا يا جماعه اخباركوا اييه طبعااااااااااااااااااااا مش حلو خاااااااااااااااالص بس محنه وهتعدى ومحدش بياخد غير نصيبه وربنا ع الظالم والمفترى ههههههههههههه
طبعا انا جيبتلكوا التوبيك دة عشان نخرج من جو الملل والاكتئاب اللى احنا فييه شويه مش بس كدة
لا كمان عشان لو حد فيكوا ناوى يرتبط بدكتورة يبئى انا قولتلوا ع اللى فيها من دلؤقتى اهو خليكوا ف الصيادله الحلوين العساسيل اللى هيطلعوا عنيكوا بردة ههههههههههههههه يلا بئى اسيبكوا مع التوبيك
يا جماعه الموضوع خطييييير جدا
انتوا عارفين يعني ايه اتجوز دكتوره
يعني مووووت وانتحار
اولا
هيبقوا فاهميين اوي ان الرجاله اكتر عرضه للاصابه hypertension... angina
يعني خد عندك
في اي خناقه هتلاقيها بتزود
علشان انت تزيد وتزيد وفجاة severe hypertension
وبالسلامه يا برنس
ثانيا
انت لو مش متجوز دكتوره ممكن تشتغلها بالالفاظ
يعني انتي مجرد parasite يا حبيبتي وهي مزاجها تمام واخر نعنشه
لكن بقي لو خناقه مع دكتوره هتلاقي قاموس مصطلحات لا حصر له
ثالثا
حد يجيب ليا دكتوره بتعرف تطبخ
تطبخ منين وازاي وهتتعلم امتي وهي طول الوقت ع الكتاب
يبقي مفيش الا انت يا كميل يا أمور
هتتعلم فيك يعني هتتعلم فيك
زيك زي المريض اللي بتتعلم فيه في استقبال الجراحه
اللي بيسوط تحت اديها من قله البنج وهي ولا هى هنا
انت كذلك يا دكتور هتسوط بس مش من الم الخياطه
انت بعد الاكل هتسوط في حته تانيه من
acute diarrhea
ولو كنت من هواة قراءه القصص البوليسه وتريد معرفه سبب ما حدث لك بالامس كل ماعليك فعله ان تدخل بهدوء الي الشقه في فترة اعداد الاكل
ولك ان تتخيل
شقه مليانه دخان مع انك مركب 3 شفاط توشيبا العربي في المطبخ ماركة " هويني هويني دي مراتي مطلعه عيني "
ومروحه سقف 4 ريش
وياسلام لو فكرت تدخل المطبخ تطمن عليها
يعني من بعيد كده ممكن تشوف وسط الضباب والسحب والادخنه واحده واقفه بعيد لابسه بالطو ابيض وكمامه علي وشها وبطرف صوابعها ماسكه السكينه وبتحاول تتوصل بعد 3 ساعات من وضع الفرخه علي النار
هل الفرخه استوت ولا لسه ؟؟
رابعا
علي السفره بقي مش هقولك
متاكل يا احمد ولا انت عندك anorexia ؟؟
لا ابدا ما انا باكل اهو دا انا حتي مش قادر اقاوم الجمال والحلاوه بتاعت الاكل بس خايف من اللي حصل امبارح
وتضطر تاكل مجامله علشان اليوم يعدي ويحصل اللي حصل امبارح ...... وهكذا
خامسا
لو حصل في يوم وتعبت بدور برد مثلا
لو واحده مش دكتوره و انت كنت ممثل قدير وعشت في دور الميت من التعب
هتلاقي جنبك برتقال وعصير وشاي بليمون اخضر وكل شويه كمادات ميه ساقعه تنزل علي الدماغ السليم تتعبه ....
الدكتوره بقي
هتلاقيها عاااااااادي خالص مش قلقانه مش مضطربه ما هي عارفه اخرها كام يوم او اسبوع وهتقوم تاني زي الــ ....
وياريت علي قد كده بس لا يا جماعه
دا خد عندك بقي كل شويه
متقوم يا احمد دول شويه common cold
اما لو فيروس شديد شويه زي acute hepatitis او .....
كفاااااااااااااااااااااااااااا اايه يا مني
كفاااااااااااااايه انا قايم
اروح المستشفي
سادسا
الهزار بقي هيبقي ازاي ؟
خليك كده في يوم طلبت معاك تتفرج علي التلفزيون
واذ فجأة لقيت قناه المولودي " melody سابقا "
ولقيت اغنيه (الواد قلبه بيوجعه وعايز حد يدلعه)
تلاقي بقي خفه دم محصلتش منها
الواد قلبه بيوجعه اكيد دي main complaint
طيب تفتكر يا احمد هو كده محتاج ايه digitalis ولا تفتكر كفايه beta blocker
هاهاهاها
ولو محصلش هزار يبقي اكيد الاغنيه هتفكرها بمريض heart failure مات تحت اديها وخد عندك بقي سرد بالتفصيل وللمره المليون لنفس القصه
وتحاول تقنعك بعد 15 سنه جواز انها مكنتش غلطانه
وانت بكل مواساه
ايوه انا عارف يا مني
انك مش غلطانه خلاص خلاص خلااااااااص
يخرب بيت ... بهاء سلطان اللي قلب عليكي المواجع
قلب ؟؟؟ فكرتني نسيت اقلب المكرونه ثواني وجايه اوعي تغير المحطه
تقلب انت بقي علي قناه للطرب الاصيل وتلاقي في وشك علي طول ام كلثوم بتقول
" من فرحتي لا بنام ولا بصحي "
وانت سرحان بقي وبتفتكر الذكريات
تلاقي صوت غريب من تحت الارض ... اه صحيح يا احمد المرحله دي من coma اسمها ايه بقي ؟
المريض لا هو نايم ولا صاحي
prehapatic coma يا مني
قومي وانتي طــــــــــ
طلعتي عيني
سابعا
لو خلاص انت ناوي بقي تتجوز دكتوره وهانت عليك نفسك
يبقي نصيحه ابعد عن تخصص النسا و الاطفال
ليه بقي ؟؟؟؟؟ حد يقولي ليه
مبدئيا كده في النسا هيطلع عينك
كل شويه احمد تفتكر المغص دا عادي ولا في مشكله ؟
اي نعم انا درست نسا
بس انت عارف بقي التخصص يا احمد بيديك خبره اكتر
احمد اصحي احمد اصحي انا محتاجه اشوف baby في وضعه السليم ولا لاء
دلوقتي يا مني الساعه 3 الفجر
امال انت متخصص نسا ليييييييييييييييه اه قول لييييييييييييه
وطول 9 شهور بقي متابعه من النوع اللي يطلع العين ويقرف اللي ما يتقرف
وطبعا انت مطالب تفهمها كل حاجه وهي بكل رخامه تصدق اول مره اعرف الكلام دا احنا مكنش حد بيقول لينا الكلام دا في الروند
وكذلك تخصص الاطفال مع اختلاف الفتره ومن تهتم به
يعني في الاطفال هتهتم بطفل او اتنين انت وحظك بقي وربما يمتد الاهتمام الي تغيير البامبرز ...
في النهايه
الموضوع دا يا جماعه لا يقلل من شان زميلاتنا دا مجرد كلام هزار مش اكتر ولا اقل
الطبيبه لها كيان يحترم ودور هام في المجتمع
وزيها زى اي بنت + نظاره
*******************
ضحكنا شوية
نتكلم جد بقه
انت ناوى تتجوز دكتورة ؟؟
ولا ناوى تتجوز غير دكتورة ؟
ولا سايبها للظروف وانت وحظك ساعتها؟؟
مع التعليل
منقوووووووووووول
عارفين اللى هيقرئه ومش هيسيب رد هو حر مفيش عندى غير كدة وهو اللى جابه لنفسه
ههههههههههههههههه
