ايه العمل؟؟

لو قلبي فجأة وقف
وقال مانش شغال
ولساني في لحظة اعترف
واتبرأ من اللي اتقال
والجسم راخر خاف
شايل من الذنوب احمال
وكل شيئ انتهى
ماعدشي فيها رجوع
وعينيا من ذلها
غرقت في بحر دموع
ودموعي ايه نفعها
قصاد ميزان موضوع
وصوت ملاك بيزعق
اليوم ده يوم الحساب
يا إما نعيم هايدوم
ياإما خلود في عذاب
والاقي كتب بتطير
ولكل فرد كتاب
فيه ناس كتابها يمين
وناس كتابها شمال
ولمحة اسى على وشي
على فين من عملي هامشي
ازاي اتغر اني
في الدنيا كنت شباب
الموت ماعرفشي سني
ولا غواني ظني
وساعده شيطان كداب
يارب ايه العمل
والذنب عندي اكتمل
كرمك ليا امل
انت رحيم تواب