الحلم

موضوع: الحلم السبت ديسمبر 12, 2009 12:24 am

حلم العمر ....
هو حلم نفسى احققه و تحقيقه سهل جداً جداً و ف نفس الوقت صعب جداً جداً .
الفكرة جاتلى و انا بتفرج على برنامج "واحد من الناس" على دريم للاستاذ/ عمرو الليثى جزاه الله خيراً و جعل البرنامج ده فى ميزان حسناته . الفكرة البرنامج بتقوم على عرض مشاكل الفقراء و البسطاء للاسف مش لاقى اى لفظ يوصف حالتهم لانى لما بقول عليهم فقراء فكدا يعتبرو اغنياء لانهم نفسهم يبقو فقراء. و فى كل حلقة بيعرض مجموعة من الحالات الانسانية اللى محتاجة علاج او اى احتياجات خاصة . ولاحظت من خلال متابعتى للبرنامج ان فى ناس كتير جدا مشكلتهم تتحل ب 200 جنيه او 1000 جنيه يعنى مبالغ ما تعتبرش فلوس بالنسبة لناس كتير جدا, فى اللى مشكلته انه نفسه يجيب كشك ياكل منه عيش و اللى نفسها تجيب تلاجه تبيع فيها حاجه ساقعة و مشاكل كتير بسيطة جدا.
حلمى اسمه " جنيه كل اسبوع " وفكرة كل اسبوع جاتلى من ان البرنامج اسبوعى . و انا قاعد افكر قعدت احلم و اتخيل بكرة هيبقى شكله ازاى و خلينى احكيلكو اللى شوفتو فى خيالى
فى يوم روحت الكلية ووقفت فى المدرج بعد المحاضرة و احنا دفعتنا 1300 و قولتلهم يا شباب يا بنات اسمعونى خمس دقايق ممكن اعرف الجنيه بيمثلكو ايه؟ طبعا حاجه بسيطة انا شخصيا بصور ورق ساعات بجنيه و ما اعملش بيه حاجه او اركب تاكسى باتنين جنيه طيب ايه رايكم لو كل اسبوع تتبرع بجنيه و اتخيلت انهم وافقو و احنا دفعتنا 1300 يعنى لو 300 مش هيدفعو لانهم ما بيجوش الكلية او لاى اسباب اخرى يبقى معانا كل اسبوع الف جنيه. طيب لو الفكرة عجبت الاربع دفع التانيين؟؟ يبقى معانا كل اسبوع 4 الاف جنيه, طيب المجمع بتاعنا فيه علوم و طب و اسنان لو كل كلية طلعت 4 الاف جنيه فى الاسبوع يبقى معانا 16 الف جنيه كل اسبوع.
تخيلو لو كل يوم خميس جمعنا 16 الف جنيه و ناخدهم و نروح كلنا على فرع البنك الاهلى اللى فتح فى المجمع عندنا و نتبرع بيهم لحساب البرنامج . ولا اقولكو خلوها لحساب البرنامج الاسبوع ده و الخميس الجاى تبقى لمستشفى السرطان و الخميس اللى بعده تبقى لمعهد الاورام بالقاهرة و اللى بعده ل........الخ .
بعدين الحلم كبر طيب لو كل اربع كليات طلعو 16 الف جنيه و دول كليات محدوده يعنى الطب الدفعة فيه 400 انما تربية و اداب و تجارة الدفعه بتوصل ل 4000 و اكتر تخيلو لو الحل ده اتحقق وبقى على مستوى الجامعات وبعدين الفكرة عجبت الموظفين و بقى على مستوى الموسسات الحكومية طيب ايه لو قبل كل ماتش من ماتشات القمة الثلاثة يعنى كل سنة بيبقى فى ماتشين بين الاهلى و الزمالك و اتنين بين الاهلى و الاسماعيلى و اتنين بين الزمالك و الاسماعيلى يعنى 6 ماتشات فى السنة ايه رايكو لو كل مشجع يدفع ستة جنيه كل سنة؟؟ يبقى كل يوم خميس هنحل كام مشكلة؟؟ ويوم الخميس ده هيبقى بالنسبة للمحتاج بيمثله يوم ايه؟؟
لحد ما جت اختى و صحتنى قالتلى سرحان فى ايه ذاكر الثيوتكس بتاعتك دى.
قولتلها طيب و خلصت الاحلام بجد نفسى احقق الحلم ده و يستمر علطول نفسى.

جنيه كل اسبوع.........

موضوع: رد: الحلم السبت ديسمبر 12, 2009 2:09 pm

ياااااااااااااااااااااااااااه تصدق انا عمرى ماحلمت

ههههههههههههههه..فكره هايله جدا جدا جدا،وانا عن نفسي مستعد باللى اقدر عليه وياريت كلنا نشجع بعض ونشوف الطريقه اللى نجمع بيها الفلوس ونتبرع بيها بجد الواحد ف امس الاحتياج لصدقه جاريه حسناتها شغاله بعد موته لان كلنا ميتين ميتين ومحدش هيخلد.....

شكرا ليك ياباهي وبجد كويس انك خلتنى احلم معاك لانى بجد عمى ماحلمت :lol!: lol!

:sleep: :sleep:

موضوع: رد: الحلم الأحد ديسمبر 13, 2009 6:13 pm

حلم جميل جدا
يا رب إن شاء الله يتحقق
أى إجراءات بس عرفونا وإحنا معاكو

موضوع: رد: الحلم الأحد ديسمبر 13, 2009 6:21 pm

the dreamer كتب:: حلم جميل جدا
يا رب إن شاء الله يتحقق
أى إجراءات بس عرفونا وإحنا معاكو

موضوع: رد: الحلم الأحد ديسمبر 13, 2009 7:38 pm

هيا الفكرة جميله جدااااااااااااا ع الاقل هتحس انك بتعمل حاجه

بس تفتكر ممكن فعلا تتنفذ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موضوع: رد: الحلم الإثنين ديسمبر 14, 2009 4:31 am

الموضوع محتاج بداية مش اكتر و اى حاجة كبيرة فى الدنيا بتبدا صغيرة و كان نفسى اننا نبداها بس اهو ليت المطالب بالتمنى