ღღღ إفتح قلبك شاركنا مشكلتك فلكل مشكلة حل ღღღ

عندما تتألم النفس

ويضيق القلب بما يحمله من هموم المشاكل

لا يجد المرء غير الكلام والشكوى

فالحزين يجد راحته في الكلام

ويحتاج من يشاركه احزانه ومشاكله

وإحنا هنا علشان نشارك بعض

إحنا هنا هنسمع المشكلة ونحاول نحلها مع بعض

وسيكون هذا الموضوع بإذن الله متنفساً

لكل من يعاني من مشكلة

وسنتعاون دائما لإيجاد الحل الانسب

لمشاكل اخوتنا الاعضاء

-------------------
عايزة اقول مشكلتى بس مش عايز(ة) اسمى يبان اعمل ايه
-------------------
ولكل من يجد حرجا في عرض مشكلته بالاسم المعروف في المنتدى

فقد تم عمل عضوية خاصة لهذا الموضوع

اسم العضوية : عندي مشكلة

الباس وورد الخاص : سبحان الله

والرجاء كل الرجاء استعمال العضوية بامانة ودون اختلاق مشاكل لا وجود لها.

ونتمنى ممن يريد عرض مشكلته ايا كان نوعها

توبيك رائع
وتسلم علي المجهود ده
وياريت التوبيك ده يتاخد بشكل صحيح

جزاك الله خيرا يا عجيز وده بيبين روح الاخوه والمحبه بيننا كاخوات مع بعض....

بحب إنسان وبغير عليه جدا بس ساعات بحس إن دا زيادة شوية ومش لازم أعمل كده ياربت تقوللي أعمل إيه

حاول تقارن ثقتك فيها بغيرتك عليها دا هايقلل من غيرتك عليها لانك لو واثق فيها غيرتك هاتقل

ودايما افتكر ان كل شئ نصيب والله لو الدنيا كلها حاولت تفرقكم مش هايحصل اللى الى ربنا كاتبة

عندي مشكلة كتب:: بحب إنسان وبغير عليه جدا بس ساعات بحس إن دا زيادة شوية ومش لازم أعمل كده ياربت تقوللي أعمل إيه

الابنة العزيزة / اسمحي لي ان اقول ما اراه ان جاز لي ذلك
انا ارى ان الغيرة سيف ذو حدين حدايجابي مقبول ومطلوب ( قال رسول الله صلى الله عليه وسلم ) “ان الله يغار، وإن المؤمن يغار وغيرة الله ان يأتي العبد ما حرم عليه”.وهذ1ا دليل على اهتمام الشخص بل انها دليل قاطع على الحب وليس هناك حب بلا غيره على من نحب والا ان من لا يغار فهو انسان متبلد الاحاسيس والمشاعر من الاخر انسان ليس جديرا بأن يحب او يحبه احد .
ولكن الجانب السلبي فيه انه قد يزيد عن حده فيصبح قيود قد تسبب في تحويل الحب الى جحيم لا يطاق وبدلا من تبادل المودة فتكون الكراهية سهلة ان تجد طريقها الى من نحب
ولكن العلاج هو النظر الى مزايا من تغارين عليه وهل هو اهل للثقة ام لا وغير ذلك ان تثقي في نفسك اولا وتعلمي انه لو كان يحبك بالفعل فلن يبالي بكل من حوله هذا اذا كان حبا حقيقيا ولكن لا تتناسي ان يكون حب يرضى الله عنه فالحب هو ان نخاف على من نحب وليس انا اخاف انا ومن احب من رؤية ومعرفة الناس بحبنا ( في النور يعني )

ليه راى انه الواحد المفروض يملا حبه الاكبر بحب الله ثم حب رسول الله ولا يفكر فى ذلك الحب اللى حضرتك بتقولى عليه ال بعد اتمام الدراسة الجامعية ان شاء الله ويحاول يجاهد نفسه كما كان احد الصحابة يقول ويدعو الله ويقول اللهم بغض الى حب النساء واللهم اعنا على ذكرك وشكرك وحسن طاعتك وعبادتك وثبتنا يارب العالمين انا مش عاوز املا الدنيا عقد بس بقول حاولى تقللى تعلقك بيه واستعينى بالله على فعل ذلك واطلبى من الله المعونة ولو النية صادقة ربنا هيعينك بفضله واوجو ان ميكنش فى ردى حدة او غلظة

عاوز اشكر محمود على الفكرة العبقرية دى لانها هتساعد ناس كتير و تخفف عنهم و هتزود روح الاخوة هنا فى المنتدى

عندي مشكلة كتب:: بحب إنسان وبغير عليه جدا بس ساعات بحس إن دا زيادة شوية ومش لازم أعمل كده ياربت تقوللي أعمل إيه

" حينما ترى الخريف بألوان الربيع , و تتنسم هواءه .. برائحة المسك , فلا شك أنك تحب ! "
للشاعر الرائع سامح مجدى

مع احترامى لكل الاراء اللى اتقالت إلا ان رايى من رأى المستر
الغيرة شىء رائع لأنه دليل قاطع على ان ده حب مش إعجاب
فى شاعر قرأتله قصيدة كاتب فى وصفها " لابد من وقود كى يبقى الحب مشتعلا و لكن إن زاد الوقود أحرق هذا الحب "
حاجة تانية : أنا مؤمن بوجود الحب بين الولد و البنت حتى لو كانو بيدرسو بس بشرط انه يبقى " حب عزرى " يعنى الطرفين قايلين لبعض انهم بيحبو بعض و بس و بعد كده كلامهم مع بعض يبقى كلام عادى فى الدراسة و المذاكرة ... مش يقعدو يحبو فى بعض فى التليفون طول الليل ... ممكن ناس تقول بس كده هيحصل تبلد للحب ده هقولك كفاية انكو لما تشوفو بعض فى الكلية من بعيد كده تشوفى نظرة خوف عليكى فى عينيه .
فى ناس بتقدر بيساعدها حظها و تقدر توصل الفكرة دى للطرف الاخر و فى ناس للاسف مبتقدرش لانها خايفة تتكلم فتتفهم غلط او مش لاقية فرصة عشان تتكلم و فى الاخر ربنا يهدينا و يوفقنا كلنا .

صقر الكتائب كتب:: ليه راى انه الواحد المفروض يملا حبه الاكبر بحب الله ثم حب رسول الله ولا يفكر فى ذلك الحب اللى حضرتك بتقولى عليه ال بعد اتمام الدراسة الجامعية ان شاء الله ويحاول يجاهد نفسه كما كان احد الصحابة يقول ويدعو الله ويقول اللهم بغض الى حب النساء واللهم اعنا على ذكرك وشكرك وحسن طاعتك وعبادتك وثبتنا يارب العالمين انا مش عاوز املا الدنيا عقد بس بقول حاولى تقللى تعلقك بيه واستعينى بالله على فعل ذلك واطلبى من الله المعونة ولو النية صادقة ربنا هيعينك بفضله واوجو ان ميكنش فى ردى حدة او غلظة

مفيش كلام بعد كدة

احب الاول اشكر د/ محمود عجيز علي الموضوع الرائع دا
انا مشكلتي اني ممكن اعمل تصرف ينفهم غلط من الناس مع انه نيته بتبقي صح لكن بينفهم غلط من الناس
فانا اعمل ايه اللي يرضي ربنا وانا ولا اللي يرضي الناس لان الناس مش بتشوف غير الظاهر وللاسف ممكن تحكم غلط لانها متعرفش القصد من دا ايه

والله انا شايفه انك تعملى اللى يرضى ربنا اولا قبل كل شىء وبعد كدة اللى يرضى نفسك وضميرك

وسيبك من الناس لان مهما عملت الناس بردة هتفضل تتكلم ومش هترضى بحاجه

وكمان لو انتى عملتى اللى يرضى الناس لكن ربنا مش راضى عن التصرف دة يبئى اكيد ربنا بردة مش هيخلى الناس دى توافق ع تصرفك دة وبردة هيطلعلك مشاكل كتييييييييير

لكن لو رضيتى ربنا طبعا ربنا مش هيسيبك وهيقف جنبك وهيخلى الناس دى تغير وجهه نظرها ف تصرفاتك

وكمان اييه الفايدة انك ترضى الناس لكن انتى جواكى غير راضى عن نفسك كدة مش هتخسرى غير نفسك وبس والناس مش هتنفعك

دة رايى الشخصى وتقبلى مرورى

فعلا لازم تعملي الي يرضي ربنا الاول
لان من احبه الله........ يقول سبحانه لملائكته احبوا عبدي هذا لاني احبه
ويحبب فيه خلقه

لو رضى عنك الناس لرضى الناس عن رب الناس ماتتخيلش ان الناس هاترضى عنك مهما عملت فى ناس مش راضية عن ربنا و لا حول ولا قوة الا بالله
اعمل اللى يرضى ربنا ويخليك مرتاح ماتحطش حد فى دماغك عشان هاتتعب

اسال من وجدوا الله ماذا فقدوا !! و من فقدوا الله ماذا وجدوا !!

هقولك حدوته صغيرة بتتقال من زماااااااااااااااااااااااااااااااان
حجا لما ركب الحمار و ساب ابنه الناس مرضيتش
و لما ركب ابنه و مشى هو الناس مرضيتش
و لما ركب هو و ابنه برده الناس مرضيتش
و لما نزل يمشى جنب الحمار هو و ابنه برده الناس مرضيتش
و لما هو و ابنه شالو الحمار الناس برده مرضيتش

طالما مبتغلطيش متبصيش الناس هتقول ايه طول ما انتى صح و ربنا راضى عن اللى بتعمليه متساليش فى اى حد دايما استفتى قلبك انتى صح و لا لاء عمرك مهتعرفى ترضى الناس . و دايما افرضى الحاجة الحلوة يعنى بدل ما تفرضى ان الناس هتفهم غلط . طب ليه متفرضيش ان الناس هتفهم صح ؟ حبى اى حاجة بتعمليه يعنى خليكى راضية عن اللى بتعمليه هترتاحى كتييييييييييير جدا

فى حديث نبوى انا مش متذكره بالظبط بس معناه ان من ارضى الناس فى سخط الله سخط الله عليه و اسخط عليه من ارضاهم فى سخطه و من ارضى الله فى سخط الناس رضى عنه الله و ارضى عنه من اسخطهم فى رضاه

و طلب صغير بس اى مشرف يا جماعة يثبت الموضوع ده لأنه مهم و هيفيد ناس كتييييييييييييييييرة جدااااااا

bahy كتب:: اسال من وجدوا الله ماذا فقدوا !! و من فقدوا الله ماذا وجدوا !!

رووووووووووووووووووووووووووووووووووووووووووووووووووووووووووعه
والله والله والله ماهقدر اقول تعبير اوفى واعظم من ده
وارجوكم يا جدعاااااااااان حد يثبت الموضوع ده.

اوعي تغضب ربنا عشان ترضي الناس هايغضب عليك ربنا ويغضب عليك الناس
دايما ترضي ربنا ولو غضب عليك الناس هيرضى عليك ربنا ويرضى عليك الناس
وكون دايما قوي في وش شيطان خناس

مشكلتى انى حبيت انسانه واعجبت بيها وحاسس انها بتبادلنى نفس الاحساس بس مش عارف اروح اقولها ولا اسكت واستنى وللاسف كلا الامرين مر يعني لو روحت قولتلها خايف اجرح مشاعرها او هى تجرح مشاعرى وخايف لو استنيت تروح منى

ღღღ إفتح قلبك شاركنا مشكلتك فلكل مشكلة حل ღღღ 003

طب ممكن يا دكتور سؤال

لو انت روحت وقولتلها

وهى وافقت

هتبقى ايه النهاية

؟؟؟؟؟؟

لو عايز رأيى ......قولها

وانت ونصيبك

يعنى عشان تريح نفسك

مع انى مش مقتنعة بده

..........................................................

لانى انا من رايى ان الحب ده مش بيستمر وبيكون تضيع وقت

وخلاص

......................

انا عارفة ان ردى دمه تقيل حبتين

بص انا هقولك عالزتونة من الاخر انت دلوقتى فى اولى يعنى فاضلك لسه تلت سنين و قول سنتين على ما تجهز نفسك او تخلص جيشك يبقى خمس سنين انت عايزها تستنى كل ده ده فى بنات من دفعتى اتخطبو و فى اللى اتجوز طيب لو انت قولتلها و قالتلك انها هى كمان بتحبك ها و بعدين هتعملو ايه اولا انت مش من حقق انك تكلمها فى اى حاجه من الحاجات دى لنك ما لكش صفة و الدين و الاصول ما فيهمش صفة الحبيب يعنى حتى لو وافقت يبقى كلامكم كله عادى ده لو كان فى كلام اللى عايز اقولهولك انها حتى لو وافقت انت مش هتستفاد حاجه انا اعرف واحد صاحبى معانا فى صيدلة بيحب واحدة من اولى ثانوى شوف يعنى داخل على خمس سنين دلوقتى اهو و ما قلهاش لسه و مش ناوى يقولها غير لما يخلص كلية او فى سنة رابعة كدا و كل اللى بايده انه يدعى انها ما ترتبطش على ما يخلص و يدعى انه لو ليه خير فيها ربنا يجعلها من نصيبه و لو مالوش خير فيها فكل شى قسمة و نصيب فنصيحتى انك تعمل زيه . و ده رايى

الحل هو حاجة بسيطة يا دوك

تسترجل و تشرب بيرل ههههههههههههههههههههههههه

للاسف ملهاش حل كل اللى ممكن نقوله هو أن ربنا لو كاتبهالك يبقى تبقو لبعض إنشاء الله و بلاش تهور و حاجات طايشة من اللى بتحصل فى الكلية دى ...... و على فكرة الموضوع ده بالذات لو ربنا كاتبهالك و خطبتها بعد ما روحك تطلع 3 سنين فى الكلية كده و انت خايف انها تضيع منك هيخليك تحطها فى عينيك لو ليكو نصيب إنشاء الله

يا إما حل تانى

new boy كتب:: [quote [/b]

أنا مؤمن بوجود الحب بين الولد و البنت حتى لو كانو بيدرسو بس بشرط انه يبقى " حب عزرى " يعنى الطرفين قايلين لبعض انهم بيحبو بعض و بس و بعد كده كلامهم مع بعض يبقى كلام عادى فى الدراسة و المذاكرة ... مش يقعدو يحبو فى بعض فى التليفون طول الليل ... ممكن ناس تقول بس كده هيحصل تبلد للحب ده هقولك كفاية انكو لما تشوفو بعض فى الكلية من بعيد كده تشوفى نظرة خوف عليكى فى عينيه .
فى ناس بتقدر بيساعدها حظها و تقدر توصل الفكرة دى للطرف الاخر و فى ناس للاسف مبتقدرش لانها خايفة تتكلم فتتفهم غلط او مش لاقية فرصة عشان تتكلم و فى الاخر ربنا يهدينا و يوفقنا كلنا .

[/quote]

بس مينفعش تعمل كده و أنت بتقول انك حاسس انها بتبادلك نفس الشعور لما تبقى متأكد ممكن تعمل كده

بحب انسان لدرجة الجنون بحس بيه فى اى مكان ولما بيغيب عنى بحس انى بدور عليه فى كل مكان( كلية وغيرها) وكانى هقليه بالرغم انى مش عارفة هو منين .انسان فوق الوصف احيانا بحس انه بيحبنى جدا وانه بيدور عليا زى ما انا بعمل ....................ما حدش يطلب منى انى انساه لان الحب مش بايد اى حد لانى حاولت انساه بس ما قدرتش مش عارفة اعمل اية ساعدونى؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مهما فعل بك الزمان , لا تفارق من تحب , و إن حاولت ... فلتعد ؛ لتعتزر !!!
لحبيب قلبى الشاعر سامح مجدى

نرفزتنى اوى كلمة حاولت انساه دى بعد الكلام اللى قولتيه .

طب حضرتك عرفتى منين انه بيحبك جدا كلمك مثلا فى الكلية و بينلك حبه بالطريقة دى سألك يعنى عن اى حاجة فى الكلية او طلب منك ورق

» مشكلة عمرو ذكى وميدو الى متى ؟
» أين قلبك....؟؟؟؟
» كلمـــــــــــــات منيرة الى قلبك...........
» اضحك من قلبك..
» ما هو مقاس قلبك..؟؟؟؟؟