هل :: الطيبة :: أصبحت :: ع ب ط ::

السلام عليكم ورحمة الله وبركاته
النهاردة بقى جايب موضوع ولاحظته أوى يا جماعة فى المجتمع بتاعنا وهو >> الطيبة << ايه رأيكم نتناقش فيه ...
عارفين زمان كانت الناس تتميز بالطيبة لأنها كانت ميزة بجد مش أى كلام يتميز بها الانسان فى وقتهم هذا ، ولكن اللى بنشوفه النهاردة بقى يا جماعة انها أصبحت نقطة سيئة فى تاريخ الإنسان لو امتلكها ... دا الواقع بتاعنا صح ولا لأ ؟
نتكلم بقى وبصراحة اننا عارفين ان طيبة القلب صفة محمودة وجميلة فى الانسان بل ومطلوبة ومرغوبة فيه ولو لاحظتوا الإنسان الطيب القلب محبوب من الجميع ، القضية بقى يا شباب فى طيبة القلب دى انهم وصفوا الانسان الطيب القلب فى زمنا دا على إنه شخص ضعيف ودا على حد قولهم ، وأصبحت الطيبة توصف بالضعف والتخلف لماذا ؟؟ هذا سؤال يطرح نفسه ، واجابته لأنه إنسان اتصفبالسماحة والشفافية ... وأصبحوا الناس يستغلون هذهالطيبة للأسف لقضاء مصالحهم وتجاوزهم أى نظم !!!

>>> محور نقاشنا بئى <<<

1- هل للطيبة حدود ؟؟ ولو كانت لها فما حدودها ؟؟
2- ايه رأيك بطيب القلب وبما تصفه هل تصفه بالضعف أم تصفه بالسماحة والشفافية ؟؟
3- كيف نتعامل مع صاحب القلب الطيب ؟؟
4- هل أصبحت الطيبة عيب من عيوبنا ؟؟
5- هل الطيبة أصبحت = ضعف الشخصية ؟؟

كل دى أسئلة عاوز منكم الإجابة عليها
واتركوا العنان لقلمكم فى مناقشة هذه القضية ...

اولا الطيبه ليس ليها حدود
لو وجدت الطيبه فانها موجوده
وان عدمت فان الانسان يصبح كالحجر تشعر معه باللؤم
2 - طبعا بالسماحه والشفاهيه
3 - طبعا الانسان الطيب انسان يحترم ويقدر
4 - عمر الطيبه ما كانت عيب من عيوب الانسان وطبعا فى فرق بين الطيبه والسذاجه
5-عمرها ما كانت ضعف مع ان ناس كتير جدا اعتبروها كدا
بس لازم ساعات الانسان ياخد مواقف

بسم الله الرحمن الرحيم
والله أنا مش عارفة أرد ع الأسئلة بس اللى أقدر أقوله إن الطيبة دى حاجة لازم تكون موجودة فى الإنسان ولكن يصحبها المرونة
يعنى الإنسان يبقى طيب وذكى فى نفس الوقت
مش لازم تكون الطيبة هبل .. بالعكس عمر الشخص الطيب مايكون أهبل ممكن نسميها سذاجة

هل :: الطيبة :: أصبحت :: ع ب ط ::

ايوه الطيبه فعلا دلوقتى عبط والكل عارف السبب

[i]كويس اوى ان الانسان يبقى طيب بس الطيبه دى متوصلش لحد السذاجه يعنى تبقى فى حدود المعقول[b]

طبعا الطيبه موجودة واجمل حاجه ان الانسان يكون طيب القلب بس طبعا ليها حدود او مش بالظبط لازم يكون معاها ذكاء زى ما سما ماقالت

لان مش كل المواقف المفروض نتعامل فيها بطيبه

وطبعا الطيبه عمرها ما كانت ع.ب.ط او سذاجه فييه فرق كبير بين المعانى دى

وانا هقولكوا بصراحه ع موقف حصل معايا شخصيا كنت اتعرفت ع واحدة حبيبتى اوى بس اول لما اتكلمنا كنت حاسه فيها بالهبل وبجد مكنتش حباها ف الاول بس بعد كدة قربت منها وبجد حسيت اد اييه هيا انسانه طيبه جداجدا وبجد طيبتها دى هيا احلى حاجه فيها وهيا اللى حببتنى فيها بعد كدة

وبجد كل الناس بتحب الانسان الطيب والطيبه عمرها ما كانت ضعف شخصيه طبعا

Ali Hamdy كتب:: هل :: الطيبة :: أصبحت :: ع ب ط ::

ايوه الطيبه فعلا دلوقتى عبط والكل عارف السبب

للاسف فلشديد الطيب دلوقتى بياكل علي قفاه -لامؤاخذه ف الكلمه-ومبيعرفش ياخد حقه وبيحتقر من اغلب الناس خليكو واقعيين،والبجح هو اللى بيعرف يخلص حقه تااااااااااااااالت ومتلت........

دا الواقع اللى احنا عايشينه واى حاجه تانيه غير كده ياما كانت ف الماضى القريب،ياما ف الاحلام..وفف كلتا الحالتين مش موجوده حاليا.

انا شايفه ان عمر ما كانت الطيبه عبط و لا هبل
لانها اجمل صفه تميز الواحد
متهيالى الناس اللى عايشه من غيرها فهى قلوب مريضه
عمرها ما هتحس بفرحه و لا طعم للدنيا
و بعدين مش لازم نفكر فى امور الدنيا علشان نقول انها عبط او هبل
لازم نعرف ان ربنا رب قلوب اللى قلبه طيب و ابيض فده اكيد حاسس برضا ربنا عليه و وقوفه جنبه و دى تكفي اى حد قلبه طيب
و زى ما سما قالت لازم يكون فيه ذكاء و حكمه من غير لؤم و مكر و سوء ظن
لان الدنيا عاوزه الذكى مش اللئيم

والله انا شايفة ان الانسان الطيب هو الانسان اللى يكون ردود افعالة ملائمة للموقف

وانه مش يتعامل بطيبة مع كل الناس

بمعنى انه لازم يكون عنده زكاء وفطنة

فى معرفة شخصية الانسان اللى قدامة

وانه يكون حريص فى طريقة كلامه

ويبقى عارف امتى يتكلم ويقول اللى جواه

وامتى يسكت..بدل ما يقع ف الغلط

وزى ما انتو قولتو فيه فرق كبييييييير

بين الطيبة والسذاجة والعبط

بس للاسف من كتر ما الناس بتقول على الانسان

ده مثلا ساذج وعلى نياتة...دة مش معناه انه طيب

,,,,,,,,,,,,,,,,,,,,,,,,,,,,,,,,

والله انابتعامل مع الانسان الطيب بطيبة مش ليها حدود

ودة طبعا بعد ما اتاكد انه فعلا طيب

وأكيد طبعا ببقى حريصة مع ناس تانية

*****************

بس بجد ما تتخيلوش انا ببقى حاسة براحة وامان

قد ايه لما بكون واقفة مع واحدة طيبة وودودة

اوووووووووووه

بجد ببقى مش عايزة اسيبها تمشى

لآنها فرصة مش تتعوض

........................

مع احترامى لكل الردود اللى قالت ان في فرق بين الطيبه والسذاجه،طب ممكن اسالكم سؤال:مين دلوقتى بيفرق بينهم؟؟

اعتقد ان دلوقتى الاتنين معناهم واحد ف الغابه اللى احنا عايشين فيها دلوقتى دى،تقدرو تقولولى لو انت جربت تسامح واحد او تتغاضي عن كلمه مثلا هو قالها حقك-علي افتراض انك ليه مقابله قريب- هيعمل ايه غير انه يقولك دا واد اهبل وعبيط وهيبقي المالسه والمسخره والتسليه بتاعتى!!!

اغلب الناس بتتعامل بالمنطق ده الا من رحم ربي،لكن انا بتفق معاكم ان الواحد لازم يكون ماهر وذكى مع اللى بيتعامل معاهم،وده كمان ميمنعش ان في ناس محترمه كتير بتقدر معنى الطيبه والوفاء والحنيه.........

والله انا بصراحة شايف ان الطيبة لوحدها فى الزمن دا مش مطلوبة لازم يبقى معاها قوة فى الشخصية وذكاء وبديل كمان يعنى فى ناس ماتنفعش معاهم الطيبة ودول كتير وانا شايف ان غلط لو عاملناهم بيها

AhmedHelal كتب:: مع احترامى لكل الردود اللى قالت ان في فرق بين الطيبه والسذاجه،طب ممكن اسالكم سؤال:مين دلوقتى بيفرق بينهم؟؟

اعتقد ان دلوقتى الاتنين معناهم واحد ف الغابه اللى احنا عايشين فيها دلوقتى دى،تقدرو تقولولى لو انت جربت تسامح واحد او تتغاضي عن كلمه مثلا هو قالها حقك-علي افتراض انك ليه مقابله قريب- هيعمل ايه غير انه يقولك دا واد اهبل وعبيط وهيبقي المالسه والمسخره والتسليه بتاعتى!!!

اغلب الناس بتتعامل بالمنطق ده الا من رحم ربي،لكن انا بتفق معاكم ان الواحد لازم يكون ماهر وذكى مع اللى بيتعامل معاهم،وده كمان ميمنعش ان في ناس محترمه كتير بتقدر معنى الطيبه والوفاء والحنيه.........

على ريشة كتب:: والله انا بصراحة شايف ان الطيبة لوحدها فى الزمن دا مش مطلوبة لازم يبقى معاها قوة فى الشخصية وذكاء وبديل كمان يعنى فى ناس ماتنفعش معاهم الطيبة ودول كتير وانا شايف ان غلط لو عاملناهم بيها

ودا المقصد فعلا الطيبه دلوقتى ملهاش مكان فى زمننا ده الطيب عبيط

يبقى لازم الانسان ميبينش طيبته دى لحد مهما كان لازم يبقى قدام اى واحد كأنه شخص متمكن مش بالسهوله انه ينضحك عليه

لو كانت الطيبة هبل او سزاجة

تبقى كل الناس هبلة وسازجة

بس الانسان الطيب يحاول بس يبقى ذكى فى التعامل مع الناس

mai كتب:: لو كانت الطيبة هبل او سزاجة

تبقى كل الناس هبلة وسازجة

ده على اساس ان كل الناس طيبة !!

ايوه انا شايفة يا باهى ان كل الناس طيبة

كل واحد جواه طيبة

بس النسبة تختلف من واحد لتانى وفى ناس بقى ميه فى الميه طيبة

يمكن يكونو دول هما

العبط

عجبني جدا أسلوب التحاور بين الأعضاء وهو دا المطلوب مش ندخل نشكر وموضوع متميز لا عايزين تفاعل والعضو يعلق علي رأي العضو الأخر وكده

ميرسي جدا ليكم

الردود كلها حلوه مع اختلاف الاراء
بس حد خد باله ان الانسان المفروض بيعامل ربنا
وعشان كدا ربنا بيحبه
الانسان لازم يكون طيب طبعا بكل البعد عن السذاجه
بس فى ناس كتير جدا لازم التعامل معاهم بعيد كل البعد عن الطيبه

معنى كده يا غريب انك بتعامل الناس حسب طباعهم

مش حسب طباعك انت

يعنى طيب مع الطيب بس

ومش طيب مع اللى مش طيب

؟؟؟؟؟؟؟؟

هل :: الطيبة :: أصبحت :: ع ب ط :: 73958

mai كتب:: معنى كده يا غريب انك بتعامل الناس حسب طباعهم

مش حسب طباعك انت

يعنى طيب مع الطيب بس

ومش طيب مع اللى مش طيب

؟؟؟؟؟؟؟؟

اعتقد ده اسمه نفاق،يعني مثلا اكون مؤدب ومحترم وصادق مع المحترمين وف نفس الوقت اكون كداب وملاوع ولسانى وحش مع اللى كده برضو..اعتقد كده تناقض!!!!!!!

يقول صلى الله عليه وسلم:"لايكونن احدكم امعه،ان احسن الناس احسن وان اساءو اساء".

لا يا هلال مش قصدى المعنى ده خالص

خاااااااااااااااااااااااااااااااااااااااااالص

انا قصدى ان الانسان يتعامل مع الناس بطباعه هو

يعنى مش يغير نفسه

ويبقى وحش عشان الانسان اللى فدامه مثلا مش مؤدب

امال قصدك ايه يا ايه؟؟؟؟

ممكن نفهم وجهه نظرك؟؟

المشكلة انى مش عارفة اوصل وجهة نظرى

بس باختصار انا شايفة ان الطيب مينفعش يبقى حاجة تانية

مينفعش يبقى وحش عشان اللى قدامه وحش

الطيب طيب

زى واحد مثلا دمه تقيل اما يحاول يبين للناس انو دمه خفيف

بيقولو عليه بيستظرف

انا حاسة كده اننا خرجنا عن الموضوع اصلا

انا رايى ان الانسان فى تعامله لازم الطيبه موجوده
لو الانسان اللى قدامى مش طيب خبيث مثلا هعامله ليه اصلا
فمش هحتاج انى اكون زيه عشان اعامله
وفى النهايه بردوا احنا بنعامل ربنا