رمضان بالخير جالنا.. ربنا شرح فيه صدورنا
شهر الخير و البر كات.. شهر نقوى فيه قلوبنا
شهر وصى بيه حبيبنا.. شهر ننصف فيه رسولنا
شهر فيه قلوبنا صافيه نقرب بيها للى خالقنا
والشيطان مقفول عليه ما يقدر حتى يلمس عقولنا
شهر كله.. كله خير.. خير فايت داير..جوة شارعنا
خير رايح جاى.. حب تاه فى زحمة القلوب ما بينا
حب طاهر.. برئ.. زرعه فينا الحبيب وين ما كنا
آذان يأذن يقول الله أكبر.. تلقى الكل واقف قصادنا
إيد تترفع.. تقول.. يا رب إهدينا.. إقبل صيامنا
قلب خايف..مكسور حزين.. يقول يا رب إغفر ذنوبنا
قلب دق.. إشتاق و حب.. يقول.. يا رب قرب حبيبنا
شهر فرضه المولى علينا.. نحيى فيه.. ونعيش حياتنا
فى طاعة الله و رسوله.. و نصحى بيه جوانا ضميرنا
شهر قرب قلوب بعيدة.. وساعدنا فيه نصل رحمنا
شهر نهنى فيه حبايبنا مش بس أحمدومحمدومحمودجيراننا
لأ.. نهنى فيه كل شارعنا.. حتى جرجس و بولس وحنا
شهر هبة من المولى.. زى صحوة فى القلوب.. جالنا
شهر فيه إيماننا عالى.. خلقه المولى عشان خاطرنا
عشان يصحى جواناالضميرويشوف إيماننا إحناوإخواننا
ده شهر من بيه المولى علينا..بيه نطول حتة من الجنة
عشان كدة لازم نحافظ عليه ونفديه بقلوبنا و بروحنا
دةاليوم اللى يعدى ماتقدرترجعه ولوحتى دفعنا فيه حياتنا
قرب لربك.. وإنسى هواك ده شهر واحد.. فى السنة جالنا[/size]
