هيفيد بايه السؤال

بايه يفيد السؤال
لو كان لقانا محال
خلاص كتبنا ورقه فراقنا
ومبقاش مابينا اى اتصال
قلنا فيه حاجه بتبتدى
هتربط مابينا بعد الوداع
لقيت كل حاجه بتنتهى
واللى ابتدى هو الضياع
هيفيد بايه بس السؤال مبقتش محتاج للكلام
مش ده اللى هيخفف جروحى
ولا ده اللى راح يمحى الالام
خلينى انسى اسمك ايه
وانسى كلام زمان قولتيه
انا كنت فيه
عايش وبيه
بنيت بقلبى انا الاحلام
هيفيد بايه سؤالك عليا
ان كان هواكى معدش ليا
ده نا مش هممنى بعدك يا عمرى
حتى شوفى دموع عنيا
وانا عمرى ما هسال عليكى
عشان مفكرش تانى فيكى
ده انا حتى كاتب اسمك فى قلبى
عشان مندهش عليكى
فكرنا فى صداقه بريئه
بس الحقيقه
ان احنا متخلقناش يوم صحاب
كنا احباب
وخلاص فراقنا هو الحقيقه
ومفيش طريقه
انا انتهيت وانتى ابتديتى
ولما وقفت انتى مشيتى
قولتى زمان ان اللى بينا مش خطوط
مرسومه على ورقه غرام
واتارى اللى بينا خطاوى موت
سرقت هنايا بانتقام
فكرت ياما امنع غنايا يكون عليكى
ونجحت فعلا بدليل كلامى كله عليكى