كرسي الاعتراف الجزء التاني

تذكير بمساهمة فاتح الموضوع :

.::+[ كرسي الإعتراف ]+::.

وهو عبارة عن كرسي يجلس فيه العضو لمدة اسبوع...

ويتمــ طرح عليه الاسئلة من قبل الاعضاء والموجودين في هذا المنتدى...

.::+[ قوانين كرسي الإعتراف ]+::.

1-اللباقة في الكلامــ والاسلوب في السؤال واحترامــ العضو ,, مهما كانت الاوضاع ,, عدم التلفظ بكلمات غير لائقة او بذيئة تمس الضيف .

2- يحق للضيف الاحتفاظ بهويته الشخصية ,, وليس مجبراً على البوح بخصوصياته .

3- الابتعاد عن الأسئلة الشخصية الخاصة ..
>>..<<

4- عدمــ النقل الأعمى للأسئله, ويفضل ان تكون الأسأله من اعداد العضو شخصيا .

5- عدمــ تجريح من يسأل او من يجاوب والتقليل من شآن الآخرين .

6-

7- ضرورة تأكد كل عضو من عدمـــ تكرار السؤال والا سيحذف السؤال دون الرجوع للعضو نفسه.

8 -يتم اختيار العضو من خلال ترشيح من الاعضاء او من المشرفين علي الكرسي

9- امكانيه جلوس المشرفين علي الكرسي وعددهم 2 علي الكرسي طبعا بناء علي رغبه الاعضاء

10- اذا وضعنا ضيف على الكرسي ,, ولم يكمل الاسبوع ,, وواجهته ظروف خاصة,, له الحق في التعويض ,, وسيتم قفل الموضوع ,, الى حين يرجع العضو.

بعد غياب

بافكار جديده

الى شمس المنتدى المشرقة ليلا ونهار
** بم تنصح شخص يجرح الاخرين دون ان يشعر... وده طبعا نتيجة العصبية الزيادة ؟

اقول له ( الوقايه خير من العلاج ) مع ان حكاية خير من العلاج دي هتوقف حالكو يا دكاترة الصيدلة ههههههههههه المهم فعلا علي ان يتقي الغضب من البداية فرسولنا الكريم الذي لا ينطق عن الهوى قال ( لا تغضب ) فالغضب نيران شيطانية لا تطفئها الا مياه الوضوء وذكر الله بس لو قلنا ان غضب واللي كان كان اذا علينا ان ننظر الى من امامنا ونتذكر له كلمة طيبه او فعل جميل او ذكرى جمعتنا في خير فانا احسب ان ذلك قادر على ان يمنعنا من جرحه او ايذاء شعوره .

** بم تنصح شخص تقف كلمات الاعتذار فى حلقه فلا يستطيع اخراجها ودائما يبتلعها؟
تاني ( الوقايه خير من العلاج ) لازم نحاول ان نمنع انفسنا عن الخطاء في حق المحيطين حتى لا يكون لزاما ان نعتذر طيب غلطنا يبقى اقل شيئ نتحمل بيه نتيجة خطأنا ان نعتذر ونعمل على ان نطيب خاطر من امامنا ابنتي العزيزة يقول الله سبحانه وتعالى ( ادفع بالتي هي احسن فإذا الذي بينك وبينه عداوة كأنه ولي حميم ) علينا فعل الخير مع من اساء الينا فما بالك فيمن اخطأنا نحن في حقه ..البر شيئ هين وجه طلق وكلام لين

** طبعا واضح ان حضرتك بتحب هاملت جدا علشان كدة اختارت اسمه .... ممكن نعرف الدافع؟
بيني وبينك وماتقوليش لحد الاعجاب مش بهاملت نفسه انا كنت معجب بمحمد صبحي (اعشقه بصراحه) لما مثل شخصيته وعجبني كمية الصراعات النفسية عند هاملت ام خائنه واب مقتول وحبيبه مفقودة كمية بلاوي تعكنن على دولة الهند الشقيقة المهم الاسم علق معايا وماتنسيش اوعي تقولي لحد ده لانه سر بيننا يا ابنتي العزيزة ..

***********************************************************************
flour

الابنة الرقيقه اماني
فبل اجابتي اشكرك على كلماتك الجميله اسال الله دوما ان يهدن ويهدي بنا ويجعلنا سببا لمن اهتدى
اما سؤالك
"مين الاقوى الحب قبل الجواز و لااللى بيجى بالعشره بعد الجواز"
التجارب تقول ان العشرة اقوى من الحب ولننظر الى كلام الله سبحانه وتعالى
{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
نجد ان المولى ذكر المودة والرحمة بعد اتمام الزواج وليس قبله خلق لكم من انفسكم ازواجا لتسكنوا اليها وجعل بينكم مودة ورحمة ولكن لو تاملن كلمة لتسكنوا اليها نرى ان هناك شرط لتواجد المودة والرحمة بعد الزواج وهو السكن والسكينة والهدوء فلن تكون هناك مودة وحب نتيجه عشرة وانتي لا تطيقين زوجك من البداية او مكرهة على الزواج او العكس بالنسبه للزوج فلذا يجب على الاباء والامهات ان يكونوا حريصين على تواجد عملية القبول بين الشاب والفتاه فتتولد الالفه والمحبه بعد الزواج ولذا كان القبول ركن اساسي في زواج البنت
ولكن اعرف ما يدور بخلدكم وهل لنا ان نحب قبل الزواج
ان الحب ليس خاضع لارادة الانسان فهو يقع بلا مقدمات ولا ارادة ولكن يجب ان يوضع في اطار ايماني يرضي الله ورسوله
يقول سبحانه وتعالى (( ولكن لا تواعدهن سرا الا ان تقولوا قولا معروفا)) والقول المعروف هنا هو اعلام الفتاة بالرغبة في الزواج والارتباط بها وبعد ذلك يكون الاتجاه الى الاهل لاعلامهم ووضع العلاقة في اطار ه الصحيح اي يجب دوما ان نراقب الله في تصرفاتنا وتعامل الجنسين مع بعضهم
فالحب لا يحلل حرام بل لقد خلق الحب طاهر ويجب ان لا ندنسه برغباتنا ولذات دوما الى زوال وما نخاف ان يراه الناس منا علنا ان نخاف اولا ان يرانا الله به ،، سئل رسول الله صلى الله عليه وسلم عن الاثم او الذنب فقال صلوات الله وسلامه عليه ( الاثم ماحاك في صدرك ( ضاق به صدرك ) وكرهت ان يطلع عليه الناس )
اسف للاطالة ولكني احسبه انه اهم موضوع يهمكم
واسال الله العفو والعافيه ( ربنا لا تؤاخذنا ان نسينا او اخطأنا )
اللهم ماكان من خطأ فمن نفسي والشيطان وان اصبت فمنك وحدك لا شريك لك )
**************************************************************************والان ارى انه قد طالت جلستي على كرسي الاعتراف واخشى عليه من حجمي الضخم ان يهلك اعلم انه يئن من اربعة ايام ولكني اعتذر له فلقد انسانى بجمالة ولينه
ان له حق الشهيق واازفير
اشكركم والى لقاء بس تكون كنبة اعتراف علشان اخد راحتي عليها
وانا وان كان لي ان اختار من يجلس بعدي فرفقا بالكرسي هاجيبله واحد خفيف اظنه ما بياكلشي خالص زي النسمة هو ....
ابني وصديقي الصغير ( محمود عجيز )

مين حبيب قلبى ..... المستر
مين روح قلبى .... المستر
ههههههههه واحشنى جدا جدا و الله

ياللا انا بقى عاوز اسالك حبة اسئلة كده

1) ايه العيوب اللى انت شايفها فيا بس بصراحة والنبى و متثبتنيش ههههههههه

2) لو ربنا كرمك بمولود جديد نفسك يكون المولود ده ولد ولا بنت و ليه ؟؟

3) ايه الحاجة اللى انت شايفها فيا و نفسك انى اغيرها بسرعة

4) انا قريتلك كتابات رومانسية رووووووووعة جدا بس انت مبترفعش كل كتاباتك الرومانسية كلامى ده صح ولا بيتهيالى ...... طب لو صح بتعمل كده ليه ؟؟؟؟ظ

بس كفاية كده المرة دى

انا بشكرك جدا يامستر على النصائح الجامدة دى.....

بس اوعى تفتكر يامستر انى انا الشخص اللى سالتك حضرتك عليه..........لالالا....... اطلاقااا

واحب اطمنك كمان ان سرك خلاص مات واندفن :sleep: :sleep: :sleep:

أنا مستعد بس بلاش أسئلة محرجة لأني مش بعرف اتكلم وهتشوفوا ردود زي العسل

ماشى يادكتور عجيز.... اول سؤال سهل خالص ....

*** ياترى مين ارق شخص فى حياتك واللى حضرتك كنت عامله الاهداء؟؟

*** خد بقى سؤال لولبى........

*** اوصف نفسك كما تراها ؟؟؟؟

*** واوصف نفسك بكلمات بسيطة كما يراها الناس؟؟؟؟؟؟

انا لسه شايف الموضوع وبصراحه ردود المستر جميله جدا

بس للاسف ملحقتهوش على الكرسى

بس لحقت محمود واسأله بقى :

1- تكلم عن نفسك وشخصيتك ؟ ما هو لازم الاول تعرفنا بنفسك

2- ما سبب تعلقك الشديد بعمرو دياب ؟ لدرجة انك لو لقيت حد بيشتمه تزعل

3- ممكن تكلمنا عن مستقبلك ؟

ازيك يا محمود
انا هاسأل سؤالين ؟؟؟؟؟
ماقيمة الوقت عندك وماهي نظرتك لصورتك عند الله ؟؟؟؟

انا هسالك يا محمود........

1-ايه الحاجة اللى بتحلم انك تحققها ؟؟؟

2-لو معاك فلوس كتييييييييير اوى...هتعمل بيها ايه ؟؟...غير طبعا انك تقول هتبرع بقا وكده

انا لسه مقرتش اللعبه كلها بس هسال محمود سؤال
لو قالولك ارسم نفسك فى صوره
هترسم ايه؟

1- تكلم عن نفسك وشخصيتك ؟ ما هو لازم الاول تعرفنا بنفسك
أولا أنا أسمي محمود فتحي عبد الجواد عجيز من المنوفية أنا عايش في بلده إسمها شنوان
الواحد ميقدرش يتكلم عن نفسه لان الناس بتتعامل معاها واكيد هما اللي يقدروا يحكموا علي شخصية الإنسان لكن ممكن أقول إني ممكن أكون واثق في نفسي شوية وبحب كل الناس ومش بحاول أكره حد
لازم يكون عمل فيا حاجة شديدة وبرده ساعات بكون عصبي شوية بس يالا مش بحب أتكلم عن نفسي كتير
2- ما سبب تعلقك الشديد بعمرو دياب ؟ لدرجة انك لو لقيت حد بيشتمه تزعل
السبب هو إن الإنسان دا شخصية جميلة جدا ومعجب بيه وكلماته كلها إحساس وكفاية إنه عمرو دياب دا لوحده كفاية أما بالنسبة أني بزعل لأنك لو بتحب إنسان مش بتحب حد يقول عليه حاجة وحشة فانا بعتبره كده وبعدين أهي " أيام وبنعيشها "
3- ممكن تكلمنا عن مستقبلك ؟
مستقبلي :: ربنا هو الأعلم بيه بس أنا بحب أكون طموح شوية وبفكر في المستقبل كتير لأني عندي شغف علشان أعرف اللي جاااي لكن ( لو علمتم الغيب لأخترتم الواقع ) بس برده أنا نفسي في حاجات كتير تحصل هرد عليها في إيه أحلامك

--------------------------------
ماقيمة الوقت عندك ??

بصراحة الفترة الجاية بئي ليه أهمية جامدة جدا عندي لاني ورايا مسئولية أكيد إنت لكن قبل كده كان عااادي مكنش منظم بحيث أني أعمل حاجات كتير عايزها لكن دلوقتي الحمد لله تم التنظيم والأجازة دي كانت كويسة وإستفدت كتير

أما بالنسبة نظرتي لصورتي عند الله ؟؟
أنا هقولك أنا بشوف عالطول إني عبد مش مطيع لأني بحس إن عليا ذنوب كتير وطاعات معملتهاش وأسأل الله أن يسامحني بس ساعات بشوف إن ربنا بيحبني أوي وبيقف معايا في مواقف كتير جدا علي الرغم من أخطائي وذنوبي
" اللهم أني أعلم أني أعصيك ولكني أحب من أطاعك فأجعل حبي لمن أطاعك شفاعة لما عصيتك فيه "
" اللهم أني أسألك حبك وحب من يحبك وحب كل شئ يقربني إلي حبك "

-------------------------------------------------
1-ايه الحاجة اللى بتحلم انك تحققها ؟؟؟
أولا أنا عندي أحلام كتير أوي بس هقولك شوية ::
أرتبط بالإنسانة اللي قلبي إختارها ويجمعنا بيت واحد
بصراحة نفسي يبقي عندي شركة أدوية كبيرة ويبقي الواحد مدير الشركة كده وإيه
نفسي أشوف أولادي كده وهما بيكبروا وانا بحقق ليهم كل اللي عايزينه
وأشوف كل اللي حواليا في في احسن حال

2-لو معاك فلوس كتييييييييير اوى...هتعمل بيها ايه ؟؟...

هفتح صيدلية كبيرة أو سلسلة صيدليات وبعدين أبئي أعمل شركة الأدوية اللي فوق شوفتيها ...إيه رايك في الألوان ؟؟
-----------------------------------
لو قالولك ارسم نفسك فى صوره
هترسم ايه؟

هرسم شخص مقسوم إتنين نصه هلونه بلون اسود والنص التاني هلونه بأبيض
النص الأسود :: إيده مرفوعة للسما وجبينه باصص للأرض بيتمني مغفرة ربنا وحبه
النص الأبيض :: شايف إيده ماسكة ولد وبنت وجنبهم زوجة وإنسانة بحبها
وقدامي طريق هو دا مستقبلي اللي أتمني إنه يكون معايا في النص الأبيض
شكرااااااااااااا لكل الأسئلة ومستني لو فيه اسئلة تانية
ويارب أكون قدرت أعبر واجاوب علي الاسئلة

اولا كل سنه وانت طيب يا قلبي
ثانيا واحشني وربناااااااااااا
ثالثا بئي بما ان النت فاصل عندي
وممش بقدر اقرا التوبيكات كلها
فانا لسه شايف التوبيك حااااااااااااااااااااااالن
وكويس ان حسونه نفذ الفكره

احب اسالك يا عجيز واقولك :
وعايز بئي اجابات صريحه ... هااااااااااااا ... مش عايزين بئي الحركات اياها ي
انت ليه ديكتانوري ف المنتدي ؟
هل انت رمضان السنه دي عندك غير اي سنه
يعني مستعد ليه كويس ؟؟
ولا عااااااااادي ... زي السنه اللي فاتت ؟؟
ايه اكتر حاجه بتحب تسمعها .. اغاني يعني ... غير عمرو طبعن ؟؟
انت شايف نفسك رومانسي ؟
انت شاييف نفسك ازاي لما تقعد مع نفسك ... وتفكر ف كل اللي حوليك ؟؟
دي الاسئله اللي ف بالي دلوقتي
لو افتكرت حاجه تانييه
هكتبها

يلا سلاموز .. سوري بئي طولت عليك

عجيز منور الكرسى والله

انا مش هكتر عليك هما سؤالين

اييه اكتر حاجه ندمت عليها وهتفضل تندم عليها طول حياتك

هتعمل اييه لو بتتكلم مع واحد وقالك انت فاكر نفسك دكتور انت بياع مش اكتر هترد عليه تقوله اييه الواحد صايم بردة ومش لاقى اسئله يسئلها

عاوزة بئى طلب كدة والنبى لو فييه وظيفه فاضيه ف شركتك انا موجودة واحنا بردة كنا ف يوم من الايام زمايل هههههههههه

اهلا اهلا ازيك يا محمود كل سنه و انت طيب

سؤالى بئى

ايه اكتر حاجه ممكن تسعدك و اكتر حاجه تضايقك و ياترى انت سعيد فى حياتك و لا ايه؟

أسف مأخدتش بالي من الأسئلة لاني دخلت صفحة 3 عالطول وبحسب أول حد سأل شيتوس
*** ياترى مين ارق شخص فى حياتك واللى حضرتك كنت عامله الاهداء؟؟
لا دا أنتوا متابعيني بئي هقولك دي إنسانة في حياتي مقدرش أستغني عنها أو أعيش من غيرها مغيرة كل حياتي وربنا يخليها ليا ياااارب والنبي تدعي معايا بس مش هقولك مين ممكن تكون " أمي – أختي – حبيبتي "

*** اوصف نفسك كما تراها ؟؟؟؟
*** واوصف نفسك بكلمات بسيطة كما يراها الناس؟؟؟؟؟؟
أنا رديت علي السؤال بتاع شيتوس أظن هو نفسه
-------------------------------------------------

إنت أكتر والله يا محمد وكل سنة وإنت طيب
انت ليه ديكتانوري ف المنتدي ؟
دا العادي يابني بس عايز اقولك في أي منتدي الناس بتنظر للأدمن علي إنه ديكتاتور لان مفيش حد بيحب حد يتحكم فيه مع إنك مش لازم تبص إنه تحكم ممكن تشوفه تنظيم ممكن في أحيان بتعصب بس عمري ما أعمل قرار إلا لما بفكر فيه لأني بحط نفسي مكان العضو وعااادي يعني حكاية قفل ونقل التوبيكس موجودة في كل حته وأنا في منتدي عمرو ساعات بيتقفلي مواضيع بس دا كله بأخده براحة وعااادي يعني

هل انت رمضان السنه دي عندك غير اي سنه
يعني مستعد ليه كويس ؟؟
ولا عااااااااادي ... زي السنه اللي فاتت ؟؟
رمضان دا شهر كريم وجميل بس الواحد بيأخد الأمور بفطرة وتلقائية لانك أتوماتيك بتتبرمج بالشهر وتلاقي نفسك بتروح تصلي لوحدك لأن دا شهر بتصفد فيه الشياطين والواحد بيبقي بطبيعته بس كإستعداد خاااص بصراحة لا ودي طبيعتي

ايه اكتر حاجه بتحب تسمعها .. اغاني يعني ... غير عمرو طبعا ؟؟
ساعات محمد حماقي ،، حليم ،، رامي صبري ،، فؤاد

انت شايف نفسك رومانسي ؟
أنا بحس إني طبيعي ومش بحاول إني أتكلف وأعمل حاجة بحب أعيش الحياة زي ما أنا
لكن إني رومانسي مش في كل الأوقات بس أما ببقي رومانسي يوووووه
يالا مش بحب أتكلم عن نفسي كتير

انت شاييف نفسك ازاي لما تقعد مع نفسك ... وتفكر ف كل اللي حوليك ؟؟
أما بقعد مع نفسي بقعد أفكر مش في نفسي كتير بفكر في حاجات تانية وبفكر في مستقبلي
وبشوف نفسي إني بحلم شوية بس برده بشوف إنها ظاهرة صحية لأنك لما يكون ليك حلم هتعمل علشانه وياااارب كل الأحلام تتحقق

--------------------------

دا نورك يا ولاء وعقبال ما تنوري علي الكرسي وهتشوفي أسئلة
اييه اكتر حاجه ندمت عليها وهتفضل تندم عليها طول حياتك؟؟

الحمد لله لسه معلمتش ويااااارب ما أعمل حاجة أندم عليها لان الندم دا شعور وحش أوىىى وبيطاردك طول حياتك وانا أعرف ناااس تعباانه من الإحساس دا

هتعمل اييه لو بتتكلم مع واحد وقالك انت فاكر نفسك دكتور انت بياع مش اكتر هترد عليه تقوله اييه الواحد صايم بردة ومش لاقى اسئله يسئلها؟؟
ما دام طلعت منه هقوله " ربنا يسهلك " لأنه مأحترمنيش

------------------------
إزيك يا أماني ........وإنت طيبة
ايه اكتر حاجه ممكن تسعدك و اكتر حاجه تضايقك و ياترى انت سعيد فى حياتك و لا ايه؟
أول حاجة لما بعمل حاجة ترضي ربنا وبحس بإحساس غير عاادي وساعتها ببئي خلااص مش عايز حاجة من الدنيا
و حاجة تسعدني لما يكون حد فاهمني وحاسس بيا ببقي فرحان أوي وسعيد وكمان لما بشوف إنسان ليه عندي مكانه تانية ومش هقولك واحد ولا واحدة ولما ماما تعملي أكله بحبها
أقولك أكتر حاجة تسعدني بس محدش يضحك لما حد ينادني ويقولي يا حودة هتقولي ليه والله معرفش

أكتر حاجة تضايقني أكون واثق في حد وبعامله بكل حب واخوة وميطلعش قد ده لأن بحس إن الدنيا مش فيها امان
وكمان لما أكون معرف حد إن بتضايق من حاجة معينة ويعملها بتضايقني أوىى وبتحسسني إنه مش عامل أي إعتبار ليا

أما بخصوص سعيد في حياتك والله أنا سعيد أوىىىىىىى ىىىىىىىىىىىى ويارب كده دايما وكمان حاسس بأمان غير عااادي
---------------------
حد هيسال تاني ولا أقوم شكلكم خلاااص زهقتوا مني

ميييييييييييييييييين
مرسي ع الكرسي.ازيك يا حبيبي واحشنى وربنا
انا بقي مش هتقل عليك وهسال حبه اسئله صغنطوطه كده

1)ايه هي مواصفات الصديق المثالي في وجهه نظرك؟وهل لقيته ولا هو بيجمع بين كذا واحد؟

2)ايه الشئ لو رجع بيك الزمن تغيره؟

3)ايه اكتر صفه بتحبها الانسان اللى ادامك،وايه اكتر صفه تكرهها؟؟

4)مين الاغلي عندك:لحبيب ام الصديق؟؟مع ذكر السبب.

لما نشوف هتجيب كام من عشره.

سؤال مزدوج يا حودة علشان حودة بتفرحك

بص يا حودة امتى ظلمت نفسك يا حودة و امتى ظلمت حد تانى يا حودة ؟؟

كفاية عليك كده بقى يا حودة

ايه رايك اخر دلع اهو

اهلين اهلين

الكرسي منور يا محمود

انا بقي هسالك

هل انت دلوع البيت عند مامتك وبباك؟؟؟

ايه اكتر حاجه نفسك فيها دلوقتي وانت ف السن ده؟؟

ايه البلد الي نفسك تسافرها وليه؟؟

ممممممممممممممم

اكتر موقف احرجك ف حياتك واكتر موقف احرجت حد فيه؟؟؟

كفايه كده عليك ................... ورمضان كريم

)ايه هي مواصفات الصديق المثالي في وجهه نظرك؟وهل لقيته ولا هو بيجمع بين كذا واحد؟
لو عايز تعرف مواصفات الصديق المثالي من وجهةنظري شوف أخواتي اللي حواليا وشوف مواصفتهم هتعرف إيه هي مواصفات الصديق المثالي وانا الحمد لله أخواتي كتير ربنا يبارك فيهم

2)ايه الشئ لو رجع بيك الزمن تغيره؟
لا أنا مش عايز أرجع أنا عايز أخليني هنا أحسن لأن دلوقتي أحلي وأحسن لكن لوهستخدم الزمن ياريت يطلعني سنة أو سنتين لقدام علشان حاجة في دماغي

3)ايه اكتر صفه بتحبها الانسان اللى ادامك،وايه اكتر صفه تكرهها؟؟
أظن إن رديت علي السؤال دا قبل كده

4)مين الاغلي عندك:الحبيب ام الصديق؟؟مع ذكر السبب..
هما الإتنين لأنهم بيهم أنا قادر أكمل الحبيب فاهمني وحاسس بيا وبيشاركني كل حاجة والصديق برده ومقدرش أستغني عنهم
----------------------------------
شكرا يا عم علي الدلع دا كله
بص يا حودة امتى ظلمت نفسك يا حودة و امتى ظلمت حد تانى يا حودة ؟؟
الحمد لله مظلمتش نفسي لحد دلوقتي وشايف إن معظم اللي بتمناه بيتحقق
إمتي بئي ظلمت حد تاني لا كتير الحد التاني دا اللي بيظلمني وبيحط نفسه معايا في إني لازم أظلمه لكن أنا مش بظلمه أنا بعرفه غلطه بس
--------------------------------
دا نورك يا جيهان
هل انت دلوع البيت عند مامتك وبباك؟؟؟
دلوعة ماما لأني الولد الوحيد بئي لكن في أحيان كثيرة بيحاولوا يعاملوني بشدةشوية
ايه اكتر حاجه نفسك فيها دلوقتي وانت ف السن ده؟؟
نفسي أقرب من ربنا أكتر ونفسي في السن دا هي حاجة خصوصية شوية ومش هينفع أقووول " محذوف للرقابة "
ايه البلد الي نفسك تسافرها وليه؟؟
السعودية :::: عقد عمل ههههههههه
----------------------------
كده كفااااااااااااااية وأختار
أخويا
أحمد بدر

وانا جاهز ومنتظر اسئلتكم

اهلا بيك يا بدر،مش هقولك ازيك ووحشتنى والكلام ده كله هدخل ف لنفخ علي طول:

1)ايه اكتر شئ تتمنى تحققه ف دنيتك؟؟

2)ايه اكتر اكله بتحبها بمعنى انك مهما اكلت منها مبتزهقش(ومتقوليش كتير اصلي عارفك مفجوع)؟؟

3)لو حبيت واحده من دلوقتى مثلا هل هتحاول تتعرف عليها وتشوف شعورها ايه ولا هتستنى شويه ولا هتسكت خالص وتدفن الموضوع كأن لم يكن ولا مفيش حاجه من دول؟؟

4)صف نفسك للجميع في جمله لا تزيد عن 5 كلمات.

مرضيتش اشد عليك عشان الاحراج.ابقي افتكر الجمايل دي بس

[center]منور الكرسى يا دكتور احمد والله

يلا جاوب بئى من غير تفكير فااااااااااهم هههههههه

اول سؤال لو كنت ف منصب وزير الصحه مثلا اييه اول قرار هتاخدة بالنسبه للصيادله ف مصر ...انا مش عارفه هو ينفع صيدلى يمسك المنصب دة ولا لاء عموما لو مش ينفع افترض انه ينفع ورد

تانى سؤال والاخير حظك معايا كدة

مين عاوز تقوله ارجوك انا عاوز احبك واقدرك واحترمك حسن صورتك ف نظرى شويه

يلا كفايه كدة

وكل سنه وانت طيب ورمضان كريم[/center]

اذيك يا احمد كل سنة وانت طيب

السؤال الاول

ياترى انك تدخل كلية الصيدلة كان حلم من احلامك ولا المجموع هو اللى دخلك؟
السؤال التانى
ياترى انت حاسس ان الناس شايفينك بالطريقة اللى نفسك يشوفوك بيها؟

اهلا بيك يا بدر،مش هقولك ازيك ووحشتنى والكلام ده كله هدخل ف لنفخ علي طول:
اهلا بيك يا ابو حميد وده العشم برضه
1)ايه اكتر شئ تتمنى تحققه ف دنيتك؟؟
اولا انى ارضى ربنا وامى وابويا
ثانيا انى احقق طموحى وهدفى فى الحياه
2)ايه اكتر اكله بتحبها بمعنى انك مهما اكلت منها مبتزهقش(ومتقوليش كتير اصلي عارفك مفجوع)؟؟
الكشرى-- السمك
3)لو حبيت واحده من دلوقتى مثلا هل هتحاول تتعرف عليها وتشوف شعورها ايه ولا هتستنى شويه ولا هتسكت خالص وتدفن الموضوع كأن لم يكن ولا مفيش حاجه من دول؟؟
ياااه فكرتنى بالذى مضى على فكره انا حصلى نفس الموقف ده بس بعد تفكير طويل قررت انى اعد واشيل المواضيع دىمن دماغى واركز فى مستقبلى و كله باوانه
4)صف نفسك للجميع في جمله لا تزيد عن 5 كلمات.

انا مقدرشى تكلم عن نفسى اللى حواليا هما اللى يقدروا يوصفوها بس ممكن اكون
مبتسم -متواضع بحب الخير للناس

----------------------------
اهلا بيكى يا د/ولاء وكل سنه وحضرتك بالف صحه وسلامه والله اكرم

اول سؤال لو كنت ف منصب وزير الصحه مثلا اييه اول قرار هتاخدة بالنسبه للصيادله ف مصر ...انا مش عارفه هو ينفع صيدلى يمسك المنصب دة ولا لاء عموما لو مش ينفع افترض انه ينفع ورد
انا برضه مش عارف ينفع ولا لا بس ع العموم لو حصل هصدر قرار ان الاطباء يشخصوا الحاله ومكيتبوش اى دواء الصيدلى هو اللى يقرر صرف الدواء لانه اكتر الناس معرفه بفاعليه اى دواء من اى حد تانى
وده عشان الناس تقدر قيمه الصيدلى فى مجتمعنا لانهم بيقولوا عليه بياع بشهاده وبقال وكده يعنى وانا بدايق قوى من الكلام ده لانه حصلى وانا جاى اخش صيدله

مين عاوز تقوله ارجوك انا عاوز احبك واقدرك واحترمك حسن صورتك ف نظرى شويه

انسان ساعات بحس انه طيب من جوه بس بلاقى الناس بتكره بسبب تصرفات بتصدر منه فاتمنى انه يبدأ الاول انه يحب نفسه عشان يحب غيره ويحسن صورته عند الناس كلها مش انا بس
----------------------------
اهلا بيكى يا د/ساره وكل سنه وحضرتك بالف صحه وسلامه

ياترى انك تدخل كلية الصيدلة كان حلم من احلامك ولا المجموع هو اللى دخلك؟

لاانا كان حلم حياتى انى ادخل كليه الصيدله والحمد لله انه اتحقق على الرغم انى كنت جايب مجموع طب مستريح

ياترى انت حاسس ان الناس شايفينك بالطريقة اللى نفسك يشوفوك بيها؟

انا بحب ان الناس يعاملونى بحي واحترام وده الحمد لله بيحصل مع معظم الناس اللى بتاعمل معاها كبير او صغير بتعامل معاه كتير او قليل بس بضايق جدا من الشخص اللى بحسانه بيطنطط او يتكبر عليا

*لو طلب منك توجيه رساله لكل واحد من دول هتقولو ايه:

*محمدالشافعى

*محمود عجيز

*مستر مجدى

*اخوك الصغير

*ابنك ف المستقبل ان شاء الله

*وكفايه كده بقي،مش كفايه بتوع شنوان مسيطرين ع المنتدى هيسيطروا ع الكرسي كمان.

ناقص كمان تقوم وتقعد عابدين وعابدين يقعد عطالله وتبقي اكتملت الخماسيه.

امممممممممم

امتى عيطت بجد من جواك ؟؟

لو قولتلك قول ل (احمد رمضان) نفسك تشوفه ازاى هتقوله ايه ؟؟؟

» كرسي الاعتراف
» بدون مقدمااات ... صور من ارض الواقع ( الجزء التاني )
» الجدول الدراسي :: أولي صيدلة :: الترم التاني
» ورأيتها (الجزء التانى)
» الجزء الذى لم يعرض..........titanic